- Advertisement -
மன்னார் பிரதேச செயலாளர் பிரிவுக்குட்பட்ட ஓலைத்தொடுவாய் கடற்பரப்பில் காணாமல் போன மீனவர்கள் மூவரைத் தேடும் பணிகள் முன்னெடுக்கப்பட்டுள்ளன.
கடற்றொழிலுக்குச் சென்ற மூன்று மீனவர்கள் காணாமல் போயுள்ளதாக, அவர்களின் உறவினர்களினால், மன்னார் பொலிஸ் நிலையத்தில் இன்று பிற்பகல் முறைப்பாடு பதிவுசெய்யப்பட்டுள்ளது.
- Advertisement -
அத்துடன், குறித்த மீனவர்கள் மன்னார் மற்றும் யாழ்ப்பாணம் ஆகிய பகுதிகளைச் சேர்ந்தவர்கள் என தெரிவிக்கப்பட்டுள்ளது.
இதற்கமைய, குறித்த 3 மீனவர்களும் கடந்த ஞாயிற்றுக்கிழமை மதியம் 1.30 அளவில் படகு ஒன்றில் தொழிலுக்குச் சென்ற நிலையிலேயே இவ்வாறு காணமல் போயுள்ளதாக தெரிவிக்கப்பட்டுள்ளது.
இந்த நிலையில், குறித்த மீனவர்களை தேடும்பணிகளை கடற்படையினர் முன்னெடுத்து வருவதாக குறிப்பிடப்பட்டுள்ளது.
