அம்பகமுவ சுகாதார வைத்திய அதிகாரி பிரிவுக்குட்பட்ட வட்டவளை Mount Jean தோட்டம் தனிமைப்படுத்தப்பட்டுள்ளது.
இன்று முதல் குறித்த பகுதி தனிமைப்படுத்தப்பட்டுள்ளதாக, அம்பகமுவ சுகாதார வைத்திய அதிகாரி தெரிவித்தார்.
கொரோனா தொற்று பரவலை தடுக்கும் நோக்கில் இந்த நடவடிக்கை முன்னெடுக்கப்பட்டுள்ளதாக சுட்டிக்காட்டப்பட்டுள்ளது.
வட்டவளை ஆடைத்தொழிற்சாலை ஊழியர்கள் மற்றும் அவர்களுடன் நெருங்கிய தொடர்பைப் பேணிய 59 பேருக்கு இதுவரை கொரோனா தொற்று உறுதிப்படுத்தப்பட்டுள்ளது.
இந்த நிலையில், குறித்த ஆடைத்தொழிற்சாலையில் பணிபுரிந்த Mount Jean தோட்டத்தை சேர்ந்த பலருக்கும் கொரோனா தொற்று உறுதிப்படுத்தப்பட்டுள்ள நிலையில், குறித்த பகுதி தனிமைப்படுத்தலுக்கு உட்படுத்தப்பட்டுள்ளது.
அத்துடன், Mount Jean தோட்டத்தை சேர்ந்தவர்களுக்கு PCR பரிசோதனைகளை மேற்கொள்வதற்கான நடவடிக்கைகள் முன்னெடுக்கப்பட்டுள்ளதாக தெரிவிக்கப்பட்டுள்ளது.
