மெய்ப்பொருள் காண்பது அறிவு

மஹர சிறைச்சாலை தொடர்பில் விசாரணைகளை முன்னெடுக்க ஒரு குழு நியமனம்!

- Advertisement -

மஹர சிறைச்சாலையில் ஏற்பட்ட அமைதியின்மை தொடர்பில் விசாரணைகளை முன்னெடுப்பதற்கு ஐவரடங்கிய குழுவொன்று நியமிக்கப்பட்டுள்ளது.

நீதி அமைச்சின் செயலாளர் எம். எம். பி. கே மாயாதுன்னே இன்று பிற்பகல் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

- Advertisement -

அத்துடன், இந்த விடயம் தொடர்பில் விசாரணை நடத்தி பரிந்துரைகள் அடங்கிய முழுமையான அறிக்கையை சமர்ப்பிக்குமாறு இந்த குழுவினருக்கு அறிவுறுத்தப்பட்டுள்ளது.

இதன்படி, ஓய்வு பெற்ற மேல்நீதிமன்ற நீதிபதி குசலா சரோஜினி வீரவர்தன குழுவின் தலைவராக நியமிக்கப்பட்டுள்ளார்.

அத்துடன், குழுவின் ஏனைய உறுப்பினர்களாக, நீதி அமைச்சின் பிரதான சட்ட ஆலோசகர் ஜனாதிபதி சட்டத்தரணி யூ. ஆர். டி சில்வா, நீதி அமைச்சின் மேலதிக நிர்வாக செயலாளர் ரோஹண ஹப்புகஸ்வத்த, பிரதிப் பொலிஸ்மா அதிபர் சட்டத்தரணி அஜித் ரோஹண மற்றும் முன்னாள் சிறைச்சாலைகள் ஆணையாளர் காமினி ஜயசிங்க ஆகியோர் நியமிக்கப்பட்டுள்ளனர்.

மேலும், சிறைச்சாலைகள் மறுசீரமைப்பு மற்றும் சிறைக்கைதிகள் புனர்வாழ்வளிப்பு இராஜாங்க அமைச்சின் மேலதிக செயலாளர் நிஷான் தனசிங்ஹ, குழுவின் செயலாளராக நியமிக்கப்பட்டுள்ளார்.

இந்த நிலையில், குறித்த சம்பவத்துக்கான காரணங்கள், இதற்காக பொறுப்புக் கூற வேண்டிய தரப்பினர் மற்றும் இது தொடர்பில் எடுக்கப்படக்கூடிய நடவடிக்கைகள் மற்றும் இவ்வாறான சம்பவங்களை தவிர்ப்பதற்காக மேற்கொள்ளப்படவேண்டிய நடவடிக்கைகள் குறித்த பரிந்துரைகள் ஆகியவற்றை உள்ளடக்கிய முழுமையான அறிக்கையை நீதி அமைச்சருக்கு சமர்ப்பிக்குமாறு அறிவுறுத்தப்பட்டுள்ளது.

மேலும் ஒரு வாரத்துக்குள் இடைக்கால அறிக்கையை சமர்ப்பிக்குமாறு குறித்த குழுவினருக்கு அறிவுறுத்தப்பட்டுள்ளது.

அத்துடன், குறுகிய கால மற்றும் நீண்டகால அடிப்படையில் மேற்கொள்ளப்பட வேண்டிய பரிந்துரைகள் அடங்கிய முழுமையான அறிக்கையை ஒரு மாத காலத்துக்குள் சமர்ப்பிக்குமாறு நீதி அமைச்சின் செயலாளரினால் அறிவுறுத்தப்பட்டுள்ளமை குறிப்பிடத்தக்கது.

தொடர்புபட்ட செய்திகள்

Related News

சீன அரசாங்கத்தினால் அடுத்த மாதம் இலங்கைக்கு வழங்கவுள்ள கொரோனா தடுப்பூசிகள்!

இலங்கைக்கு சீன அரசாங்கம் மூன்று இலட்சம் Sinopharm கொரோனா தடுப்பூசியினை வழங்கவுள்ளதாக கொழும்பில் உள்ள சீன தூதரகம் தெரிவித்துள்ளது. இதற்கமைய எதிர்வரும் பெப்ரவரி மாதம் நடுப்பகுதியில் அவை இலங்கைக்கு  நன்கொடையாக வழங்கப்படும் என தெரிவிக்கப்பட்டுள்ளது. இலங்கை...

SAMSUNG GALAXY S21 SERIES : அனைத்து வகையிலும் உன்னதமான ஸ்மார்ட் ஃபோன் அனுபவத்துக்கு உன்னதமான வடிவமைப்பு!

SAMSUNG GALAXY S21 SERIES: அனைத்து வகையிலும் உன்னதமான ஸ்மார்ட் ஃபோன் அனுபவத்துக்கு உன்னதமான வடிவமைப்பு. தற்போது முற்பதிவு செய்து கொள்ள முடியும் WEDNESDAY, 27TH JANUARY 2021, COLOMBO: இலங்கையில் முதலிடம் வகிக்கும் ஸ்மார்ட்...

மாலியில் இடம்பெற்ற பிரான்ஸ் படைகளுடனான தாக்குதலில் 100 பேர் பலி..!

மாலியில் இடம்பெற்ற பிரான்ஸ் படைகளுடனான தாக்குதலில் கிளர்ச்சியாளர்கள் 100 பேர் உயிரிழந்துள்ளனர். சாஹேல் பாலைவனம் அருகில் இந்த தாக்குதல் இடம்பெற்றதாக மாலி ராணுவம் விடுத்துள்ள அறிக்கையில் தெரிவிக்கப்பட்டுள்ளது. இதேவேளை 2012 ஆம் ஆண்டில் இருந்து வடக்கு...

தீர்வு இல்லாவிட்டால் சேவையில் இருந்து விலகுவோம்: தனியார் பஸ் உரிமையாளர்கள் சங்கம்!

அரசாங்கத்திடம் முன்வைத்துள்ள கோரிக்கைகள் நிறைவேற்றப்படாவிட்டால்  எதிர்வரும் 9 ஆம் திகதி முதல்  சேவையில் இருந்து விலகி செயற்படவுள்ளதாக   தனியார் பஸ் உரிமையாளர்கள் சங்கம் தெரிவித்துள்ளது. அகில இலங்கை தனியார் பஸ் உரிமையாளர்கள் சங்கத்தின் தலைவர்...

சர்வதேச கிரிக்கெட் பேரவையில் இருந்து இடைநிறுத்தப்பட்ட கிரிக்கெட் வீரர்கள்..!

ஐக்கிய அரபு இராச்சியத்தின் கிரிக்கெட் வீரர்கள் இருவர் சர்வதேச கிரிக்கெட் பேரவையினால் இடைநிறுத்தப்பட்டுள்ளனர். 2019ஆம் ஆண்டுக்கான இருபதுக்கு உலகக் கிண்ண தகுதிகாண் சுற்றில் ஆட்ட நிர்ணய சதியில் ஈடுபட முயன்றதாக குறித்த வீரர்கள் மீது...

Developed by: SEOGlitz