மெய்ப்பொருள் காண்பது அறிவு

அனைத்து அரச நிறுவனங்களுக்கும் விடுக்கப்பட்டுள்ள அறிவுறுத்தல்!

- Advertisement -

‘பாதுகாப்பாக இருப்போம்’ எனப்படும் கொவிட் தடமறிதல் மென்பொருளை பயன்படுத்துமாறு அனைத்து அரச நிறுவனங்களுக்கும் அறிவுறுத்தப்பட்டுள்ளது.

ஜனாதிபதி அலுவலகத்தினால் வெளியிடப்பட்டுள்ள ஊடக அறிக்கையில் இந்த விடயம் தெரிவிக்கப்பட்டுள்ளது.

- Advertisement -

நாட்டில் கொரோனா தொற்று பரவலை கட்டுப்படுத்தும் நோக்கில் ICTA எனப்படும் இலங்கை தகவல் தொடர்பாடல் தொழிநுட்ப முகவரினால், புதிய தொழிநுட்பமொன்று அறிமுகப்படுத்தப்பட்டுள்ளது.

இதற்கமைய நாட்டு மக்களின் நடமாட்டத்தை முகாமைத்துவப்படுத்தும் நோக்கில் இணையத்தள தொழிநுட்பத்தை அடிப்படையாகக் கொண்டு ‘பாதுகாப்பாக இருப்போம்’ எனும் டிஜிட்டல் தீர்வொன்று அறிமுகப்படுத்தப்பட்டுள்ளது.

புதிய சாதாரண நிலைமையின் கீழ், கொரோனா தொற்றாளர்களின் நடமாட்டத்தை கண்காணித்தல் மற்றும் அவர்களுடன் நெருங்கிய தொடர்புடையோரை அடையாளப்படுத்துவதன் மூலம் தொற்று ஏற்படாதவர்கள் சுதந்திரமாக நடமாட தேவையான வாய்ப்பை பெற்றுக் கொடுத்தல் ஆகிய நோக்கங்களின் அடிப்படையில் இந்த செயற்றிட்டம் உருவாக்கப்பட்டுள்ளது.

இதன்படி, அனைத்து அரச நிறுவனங்களும் www.staysafe.gov.lk எனும் இணையத்தளத்துக்கு சென்று, தமது நிறுவனத்தை பதிவு செய்து தனித்துவமான QR குறியீட்டை தரவிறக்கம் செய்து கொள்ளுமாறு ஜனாதிபதி செயலகம் அறிவுறுத்தியுள்ளது.

அத்துடன் தரவிறக்கம் செய்யப்பட்ட குறித்த QR குறியீட்டை சகல அரச நிறுவனங்களும் தமது நிறுவனதுதுக்குள் உள்நுழையும் அனைத்து வழிகளிலும் தெளிவாக காட்சிப்படுத்துமாறு தெரிவிக்கப்பட்டுள்ளது.

மேலும் குறித்த நிறுவனத்தில் பணி புரியும் மற்றும் நிறுவனத்துக்கு வருகை தரும் எந்தவொரு திறன்பேசி பாவனையாளரும் குறித்த QR குறியீட்டை Scan செய்து உறுதி செய்த பின்னரே உள்நுழைய அனுமதிக்கப்பட வேண்டும் என குறிப்பிடப்பட்டுள்ளது.

அத்துடன் திறன்பேசி பாவனையாளர் அல்லாத ஏனையோருக்காக குறுஞ்செய்தி மூலமான உறுதிப்படுத்தல் நடைமுறையை பின்பற்றுவது அவசியம் எனவும் ஜனாதிபதி செயலகம் தெரிவித்துள்ளது.

மேலும் குறித்த நிறுவனத்தில் பணி புரியும் மற்றும் நிறுவனத்துக்கு வருகை தரும் அனைவரும் வெளியேறும் போதும் இதே நடைமுறையை மீண்டும் பின்பற்ற வேண்டும் என அறிவுறுத்தப்பட்டுள்ளது.

அத்துடன் நிறுவனத்துக்குள் உள்நுழையும் மற்றும் வெளியேறும் அனைவரும் பதிவு செய்யப்பட்டுள்ளமையை உறுதிப்படுத்துவது அந்தந்த நிறுவனங்களின் பொறுப்பாகும் எனவும் ஜனாதிபதி செயலகம் வலியுறுத்தியுள்ளது.

தொடர்புபட்ட செய்திகள்

Related News

கொரோனா தொற்றுக்குள்ளான மேலும் 318 பேர் அடையாளம்!

நாட்டில் கொரோனா தொற்றுக்குள்ளான மேலும் 318 பேர் அடையாளங் காணப்பட்டுள்ளனர். இராணுவ தளபதி ஷவேந்திர சில்வா இந்த விடயத்தை தெரிவித்துள்ளார். அத்துடன், நாட்டில் கொரோனா தொற்றுக்குள்ளானோரின் மொத்த எண்ணிக்கை 23 ஆயிரத்து 980 ஆக அதிகரித்துள்ளமை...

மஹர சிறைச்சாலை தொடர்பில் விசாரணைகளை முன்னெடுக்க ஒரு குழு நியமனம்!

மஹர சிறைச்சாலையில் ஏற்பட்ட அமைதியின்மை தொடர்பில் விசாரணைகளை முன்னெடுப்பதற்கு ஐவரடங்கிய குழுவொன்று நியமிக்கப்பட்டுள்ளது. நீதி அமைச்சின் செயலாளர் எம். எம். பி. கே மாயாதுன்னே இன்று பிற்பகல் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. அத்துடன்,...

காணொளி காட்சி மூலம் அமைச்சரவை சந்திப்பு – வரலாற்று நிகழ்வு என ஜனாதிபதி தெரிவிப்பு!

நாட்டின் வரலாற்றில் முதல் தடவையாக அமைச்சரவை சந்திப்பு காணொளி காட்சி மூலமாக முன்னெடுக்கப்பட்டுள்ளது. ஜனாதிபதி ஊடகப்பிரிவு விடுத்துள்ள ஊடக அறிக்கையில் இந்த விடயம் தெரிவிக்கப்பட்டுள்ளது. இதன்படி, நேற்றைய தினம் அமைச்சரவை சந்திப்பு காணொளி காட்சி மூலமாக...

தம்புள்ளை அணியை திணரடித்த Jaffna Stallions – தொடர் வெற்றி!

முதலாவது லங்கா பிரீமியர் லீக் தொடரின் 5ஆவது போட்டியில் Jaffna Stallions அணி 66 ஓட்டங்களால் வெற்றி பெற்றுள்ளது. இந்த போட்டியில், Jaffna Stallions மற்றும் Dambulla Viiking ஆகிய அணிகள் பலப்பரீட்சை நடத்தியிருந்தன. போட்டியில்...

Tigray பிராந்தியத்தின் மீது தாக்குதலை முன்னெடுத்துள்ள இராணுவப் படையினரை மீளப்பெறுமாறு கோரிக்கை!

எத்தியோப்பியாவின் Tigray பிராந்தியத்தின் மீது தாக்குதலை முன்னெடுத்துள்ள இராணுவப் படையினரை மீளப்பெறுமாறு கோரிக்கை விடுக்கப்பட்டுள்ளது. Tigray பிராந்தியத்தை தமது கட்டுப்பாட்டில் கொண்டுள்ள TPLF கிளர்ச்சியாளர்களின் தலைவர் Debretsion Gebremichael இந்த கோரிக்கையை முன்வைத்துள்ளார். அத்துடன், Tigray...

Developed by: SEOGlitz