மெய்ப்பொருள் காண்பது அறிவு

லீசிங் நிறுவனங்களின் சட்டவிரோத செயற்பாடுகளுக்கு இடமளிக்க வேண்டாம் ஜனாதிபதி பொலிஸாருக்கு பணிப்புரை

- Advertisement -

லீசிங் நிறுவனங்களினால் மேற்கொள்ளப்படும் சட்டவிரோத செயற்பாடுகளுக்கு இடமளிக்க வேண்டாம் என பதில் பொலிஸ்மா அதிபர் சி.டி விக்ரமரத்னவுக்கு ஜனாதிபதி கோட்டாபய ராஜபக்ஸ பணிப்புரை விடுத்துள்ளார்.

லீசிங் நிறுவனங்கள் வாகனங்களை மீளக் கைப்பற்ற முன்னர் பொலிஸாருக்கு அறிவிப்பதில்லை எனவும், வாகனத்தை கைப்பற்றிய பின்னரே பொலிஸாருக்கு முறைப்பாடு செய்வதாகவும் ஜனாதிபதி சுட்டிக்காட்டியுள்ளார்.

- Advertisement -

பலாத்காரமான முறையில் இவ்வாறு வாகனங்களை மீளக் கைப்பற்றும் போது, அது சில நேரம் வன்முறையாக மாறுவதற்கு அடிப்படையாக இருக்கும் எனவும் ஜனாதிபதி குறிப்பிட்டுள்ளார்.

இந்த நிலையில், வாகனங்களை கைப்பற்றியதன் பின்னர் கிடைக்கப் பெறுகின்ற முறைப்பாடுகளை மறுஅறிவித்தல் வரை ஏற்றுக் கொள்ள வேண்டாம் என ஜனாதிபதி கோட்டாபய ராஜபக்ஸ பதில் பொலிஸ்மா அதிபர் சி.டி விக்ரமரத்னவுக்கு அறிவுறுத்தியுள்ளார்.

கொவிட் – 19 தொற்று காரணமாக ஏற்பட்டுள்ள பொருளாதார நெருக்கடியைக் கருத்திற் கொண்டு, முச்சக்கர வண்டி உரிமையாளர்களிடமிருந்து அறவிடப்படுகின்ற மாதாந்த தவனைக் கட்டணத்தை ஆறு மாதங்களுக்கு அறவிட வேண்டாம் என லீசிங் நிறுவனங்களுக்கு அறிவிக்கப்பட்டுள்ளது.

குறிப்பாக, இது தொடர்பான சுற்றறிக்கை கடந்த மார்ச் மாதம் 23 ஆம் திகதி வெளியிடப்பட்டிருந்தது.

எனினும், அரசாங்கத்தினால் வெளியிடப்பட்ட சுற்றறிக்கைக்கு மாறாக சில நிறுவனங்கள் தவனைக் கட்டணம் செலுத்தப்படாத வாகனங்களை கைப்பற்றியுள்ளதாக  ஜனாதிபதி சுட்டிக்காட்டியுள்ளார்.

இந்த நிலையிலேயே, லீசிங் நிறுவனங்களினால் மேற்கொள்ளப்படும் இவ்வாறான சட்டவிரோத செயற்பாடுகளுக்கு இடமளிக்க வேண்டாம் என பதில் பொலிஸ்மா அதிபர் சி.டி விக்ரமரத்னவுக்கு ஜனாதிபதி கோட்டாபய ராஜபக்ஸ பணிப்புரை விடுத்துள்ளார்.

இதேவேளை, வாகன லீசிங் முறைகேடுகள் தொடர்பில் வெளிப்படுத்திய தேசிய முச்சக்கரவண்டி சங்கத்தின் தலைவர் சுனில் ஜயவர்தன கடந்த செவ்வாய்கிழமை வாகனங்களைக் குத்தகைக்கு வழங்கும் நிதிநிறுவனம் ஒன்றின் முன்பாக கொலை செய்யப்பட்டிருந்தமையும் குறிப்பிடத்தக்கது.

தொடர்புபட்ட செய்திகள்

Related News

மஹர சிறைச்சாலையில் ஏற்பட்ட அமைதியின்மை – காயமடைந்தவர்களின் எண்ணிக்கை மேலும் அதிகரிப்பு

மஹர சிறைச்சாலையில் ஏற்பட்ட அமைதியின்மை காரணமாக காயமடைந்துள்ளவர்களின் எண்ணிக்கை 107 ஆக அதிகரித்துள்ளது. பொலிஸ் ஊடகப் பேச்சாளர் பிரதிப் பொலிஸ் மா அதிபர் அஜித் ரோஹண இன்று ஊடகங்களுக்கு கருத்துரைக்கும் போதே இதனைத் தெரிவித்துள்ளார். மேலும்...

கொரோனா தொற்றினால் அதிகரிக்கும் உயிரிழப்பு – முழுமையான விபரம் உள்ளே…

நாட்டில் கொரோனா தொற்றினால்  உயிரிழந்தவர்களின் எண்ணிக்கை 118 ஆக அதிகரித்துள்ளது. கொரோனா தொற்றுக்குள்ளான இருவர் நேற்று இரவு உயிரிழந்த நிலையிலே இந்த அதிகரிப்பு ஏற்பட்டுள்ளதாக சுகாதார அமைச்சின் தொற்றுநோய் தடுப்புப் பிரிவு தெரிவித்துள்ளது. இதற்கமைய, கலஹா...

கொரோனா தொற்றுக்குள்ளான மேலும் 318 பேர் அடையாளம்!

நாட்டில் கொரோனா தொற்றுக்குள்ளான மேலும் 318 பேர் அடையாளங் காணப்பட்டுள்ளனர். இராணுவ தளபதி ஷவேந்திர சில்வா இந்த விடயத்தை தெரிவித்துள்ளார். அத்துடன், நாட்டில் கொரோனா தொற்றுக்குள்ளானோரின் மொத்த எண்ணிக்கை 23 ஆயிரத்து 980 ஆக அதிகரித்துள்ளமை...

மஹர சிறைச்சாலை தொடர்பில் விசாரணைகளை முன்னெடுக்க ஒரு குழு நியமனம்!

மஹர சிறைச்சாலையில் ஏற்பட்ட அமைதியின்மை தொடர்பில் விசாரணைகளை முன்னெடுப்பதற்கு ஐவரடங்கிய குழுவொன்று நியமிக்கப்பட்டுள்ளது. நீதி அமைச்சின் செயலாளர் எம். எம். பி. கே மாயாதுன்னே இன்று பிற்பகல் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. அத்துடன்,...

காணொளி காட்சி மூலம் அமைச்சரவை சந்திப்பு – வரலாற்று நிகழ்வு என ஜனாதிபதி தெரிவிப்பு!

நாட்டின் வரலாற்றில் முதல் தடவையாக அமைச்சரவை சந்திப்பு காணொளி காட்சி மூலமாக முன்னெடுக்கப்பட்டுள்ளது. ஜனாதிபதி ஊடகப்பிரிவு விடுத்துள்ள ஊடக அறிக்கையில் இந்த விடயம் தெரிவிக்கப்பட்டுள்ளது. இதன்படி, நேற்றைய தினம் அமைச்சரவை சந்திப்பு காணொளி காட்சி மூலமாக...

Developed by: SEOGlitz