மெய்ப்பொருள் காண்பது அறிவு

கிளிநொச்சி மாவட்டத்திலும் வெட்டுக்கிளித் தாக்கம்?

- Advertisement -

கிளிநொச்சி மாவட்டத்திலும் வெட்டுக்கிளித் தாக்கம் ஏற்படலாம் என அப்பிரதேச விவசாயிகள் கவலை வெளியிட்டுள்ளனர்.

வெட்டுக்கிளியின் தாக்கம் வடக்கிலும் ஏற்படக்கூடும் என அறிவிக்கப்பட்டிருந்த நிலையில் கிளிநொச்சி மாவட்ட விவசாயிகள் தமது பயிர்ச்செய்கை நிலங்களில் கண்காணிப்பில் உள்ளனர்.

- Advertisement -

இந்த நிலையில் கிளிநொச்சி திருவையாறு பகுதியில் சில வெட்டுக்கிளிகளின் பரவல் அவதானிக்கப்பட்டுள்ளது.

குறித்த பகுதயில் விவசாய நடவடிக்கையில் ஈடுபட்டுள்ள விவசாயி ஒருவரின் வீட்டிலேயே குறித்த வெட்டுக்கிளி அடையாளம் காணப்பட்டுள்ளது.

குறித்த வெட்டுக்கிளி போன்று பல குறித்த பகுதியில் காணப்படுவதாகவும், இன்று காலை விவசாய நடவடிக்கையில் ஈடுபட்டிருந்தபோது சில வெட்டுக்கிளிகள் பறந்து சென்றதாகவும், மிகுந்த பிரயத்தனத்தின் மத்தியில் ஒன்றை தான் பிடித்துள்ளதாகவும் குறித்த விவசாயி தெரிவித்துள்ளார்.

எனினும் தமது பிரதேசங்களின் வெட்டுக்கிளிகள் படையெடுக்கும் சாத்தியம் ஏற்படின் பாரிய சவால்களிற்கு விவசாயிகள் முகம் கொடுக்க நேரிடும் என அவர்கள் அச்சம் வெளியிட்டுள்ளனர்.

எனவே குறித்த பாதிப்புக்களிற்கு முகம் கொடுக்கும் வகையிலும், பாதிப்பிலிருந்து பாதுகாத்துக்கொள்வது தொடர்பிலும் நடவடிக்கைகளை எடுக்குமாறும் விவசாயிகள் கோரிக்கை முன்வைத்துள்ளனர்.

இவ்விடயம் தொடர்பாக நாம் கிளிநொச்சி பிராந்திய விவசாயத் திணைக்கள அதிகாரி த.அரசகேசரியுடன் தொடர்பு கொண்டு கேட்டபோது, “அவ்வாறான தாக்கம் எதுவும் இதுவரை இனங்காணப்படவில்லை எனத் தெரிவித்தார்.

அத்துடன், குறித்த பிரதேசங்களில் அடையாளம் காணப்பட்டுள்ள குறித்த வெட்டுக்கிளிகள் வழமையாக அப்பிரதேசத்திற்குரிய இனத்திற்குரியவை ஆகும்.
அவை இந்தியாவிலிருந்தோ அல்லது வேறு நாடுகளில் இருந்தோ பரவல் அடைய இல்லை.

அவ்வாறு பரவல் அடைந்தாலும் அவை மிகச்சிறிய அளவில் காணப்படமாட்டாது.
ஏனெனில் அவை பரவலடையுமாக இருந்தால் அது பல மில்லியன் கணக்கான எண்ணிக்கையிலேயே காணப்படும்.

எனவே தற்போதுவரை வெட்டுக்கிளிகளின் தாக்கம் வடக்கில் குறிப்பாக கிளிநொச்சிப் பிரதேசத்தில் அடையாளம் காணப்படவில்லை.

எனினும் குறித்த வெட்டுக்கிளிகளின் எண்ணிக்கை அசாதாரணமான எண்ணிக்கையாகக் காணப்பட்டால் உடனடியாக விவசாயத்திணைக்களத்திற்கு உடனடியாக மக்கள் அறிவிக்க வேண்டும்” என அவர் மேலும் குறிப்பிட்டார்.

கிளிநொச்சி மாவட்டத்திலும் வெட்டுக்கிளித் தாக்கம்? 1

தொடர்புபட்ட செய்திகள்

Related News

பயணக் கட்டுப்பாடுகளை விதிக்கும் கோரிக்கைக்கு ஜனாதிபதி விடுத்துள்ள அறிவிப்பு…!

நாட்டில் கொரோனா தொற்று பரவலை கட்டுப்படுத்தும் நோக்கில் பயணக் கட்டுப்பாடுகளை விதிக்குமாறு முன்வைக்கப்பட்ட கோரிக்கை ஜனாதிபதியினால் நிராகரிக்கப்பட்டுள்ளது. இராஜாங்க அமைச்சர்களான சுதர்ஷனி பெர்ணான்டோபுள்ளே மற்றும் சன்ன ஜயசுமன ஆகியோர் இந்த ஜனாதிபதியிடம் கோரிக்கையொன்றை முன்வைத்திருந்தனர். கடந்த...

சில மாகாணங்களில் பலத்த மழை – சற்று முன்னர் வெளியான அறிக்கை…!

கிழக்கு மற்றும் ஊவா மாகாணங்களிலும் ஹம்பாந்தோட்டை மாவட்டத்தின் சில இடங்களிலும் மழை அல்லது இடியுடன் கூடிய மழைபெய்யும் சாத்தியம் உள்ளதாக எதிர்வுக்கூறப்பட்டுள்ளது. வளிமண்டலவியல் திணைக்களம் இன்று விடுத்துள்ள அறிக்கை ஒன்றிலேயே இந்த விடயம் குறிப்பிடப்பட்டுள்ளது. மேலும்,...

சுற்றுலா இடங்கள் மறு அறிவித்தல் வரை மூடப்பட்டன…!

அனைத்து சுற்றுலா இடங்கள், பூங்காக்கள், முகாம்கள் மற்றும் சுற்றுலா விடுதிகளை மறுஅறிவித்தல் வரை மூடுவதற்கு நடவடிக்கை எடுக்கபட்டுள்ளது. கொரோனா தொற்று பரவலை அடிப்படையாக கொண்டே இந்த திர்மானம் மேற்கொள்ளப்பட்டுள்ளது.

வாழைச்சேனை பகுதியில் கோர விபத்து – பெண்ணொருவர் உள்ளிட்ட இருவர் உயிரிழப்பு..!

கொழும்பு - மட்டக்களப்பு பிரதான வீதியின் வாழைச்சேனை பகுதியில் இடம்பெற்ற வாகன விபத்தில் பெண்ணொருவர் உள்ளிட்ட இரண்டு பேர் உயிரிழந்துள்ளனர். இந்த விபத்து நேற்று இரவு இடம்பெற்றதாக பொலிஸார் தெரிவித்துள்ளனர். காரொன்று வேககட்டுப்பாட்டை இழந்து விபத்துக்குள்ளாகியுள்ளதாக...

பாடசாலைகளை மறுஅறிவித்தல் வரை மூடுவதற்கு தீர்மானம்..!

நாடளாவிய ரீதியில் உள்ள அனைத்து பாடசாலைகளையும் மறுஅறிவித்தல் வரை மூடுவதற்கு தீர்மானிக்கபட்டுள்ளதாக கல்வி அமைச்சர் ஜி.எல்.பீரிஸ் தெரிவித்துள்ளார். நாட்டில் கொரோனா தொற்று பரவல் அதிகரித்துள்ளதை கவனத்தில் கொண்டு, இன்றைய தினம் வரையில் பாடசாலைகளை மூடுவதற்கு...

Developed by: SEOGlitz