மெய்ப்பொருள் காண்பது அறிவு

ஐ.தே.க.வே ஐக்கிய மக்கள் சக்தியை உருவாக்கியது -சஜித்

- Advertisement -

ஐக்கிய தேசிய கட்சியின் செயற்குழுவினாலேயே சமகி ஜன பலவேகய எனப்படும் ஐக்கிய மக்கள் சக்தி உருவாக்கப்பட்டுள்ளதாக, சஜித் பிரேமதாச தெரிவித்துள்ளார்.

கொழும்பில் நேற்று இடம்பெற்ற ஊடகவியலாளர் சந்திப்பில் கலந்து கொண்டு கருத்துரைத்தபோதே அவர் இவ்வாறு கூறியுள்ளார்.

- Advertisement -

இதன்படி, கடந்த ஜனவரி மாதம் 30ஆம் திகதி இடம்பெற்ற ஐக்கிய தேசிய கட்சியின் செயற்குழுக் கூட்டத்தில் ஐக்கிய மக்கள் சக்தி கூட்டணிக்கு அங்கீகாரம் வழங்கப்பட்டதாக அவர் தெரிவித்துள்ளார்.

அத்துடன், இந்த கூட்டத்தின்போது, ஐக்கிய மக்கள் சக்தி கூட்டணியின் தலைவராகவும் பிரதமர் வேட்பாளராகவும் தான் தேர்ந்தெடுக்கப்பட்டதாகவும், வேட்புமனுக்களைத் தீர்மானிக்கும் அதிகாரமும் தனக்கு வழங்கப்பட்டதாகவும் அவர் சுட்டிக்காட்டியுள்ளார்.

இதன் அடிப்படையில், ஐக்கிய தேசிய கட்சியின் செயற்குழுவினாலேயே ஐக்கிய மக்கள் சக்தி உருவாக்கப்பட்டுள்ளதாகவும், எந்தவொரு ஐக்கிய தேசிய கட்சி தரப்பினருக்கும், ஐக்கிய மக்கள் சக்தியுடன் இணைந்து பணியாற்ற தடை விதிக்கவோ, ஒழுக்காற்று நடவடிக்கை எடுக்கவோ யாருக்கும் உரிமை கிடையாது எனவும் சஜித் பிரேமதாச கூறியுள்ளார்.

அத்துடன், எதிர்வரும் நாட்களில் இந்த விடயத்தை சட்டரீதியாக நிரூபிக்கவும் தான் எதிர்பார்த்துள்ளதாக அவர் தெரிவித்துள்ளார்.

இதேவேளை, குறித்த காரணங்களின் அடிப்படையில், ஐக்கிய தேசிய கட்சியின் சகல உறுப்பினர்களும் ஐக்கிய மக்கள் சக்தியுடன் இணைந்து செயற்பட வேண்டும் என்றும் அதற்கு எந்தவிதமான தடைகளும் கிடையாது எனவும் அவர் சுட்டிக்காட்டியுள்ளமை குறிப்பிடத்தக்கது.

தொடர்புபட்ட செய்திகள்

Related News

நாடாளுமன்ற உறுப்பினர்கள் நாடாளுமன்றிற்கு வருகை தந்த விதம்

எரிபொருள் விலை அதிகரிப்பிற்கு எதிர்ப்பினை வெளிப்படுத்தும் வகையில் ஐக்கிய ஐக்கிய மக்கள் சக்தியின் நாடளுமன்ற உறுப்பினர்கள் பல்வேறு வாகனங்களில் நாடாளுமன்றிற்கு வருகை தந்திருந்தனர். எரிபொருள் விலை அதிகரிப்பு, கொரோனா நிவாரண கொடுப்பனவின்மை, சமையல் எரிவாயு...

கிளிநொச்சி மாவட்ட வைத்தியசாலைக்கு 23 இலட்சம் ரூபா பெறுமதி வாய்ந்த வைத்திய உபகரணம்

கிளிநொச்சி மாவட்ட வைத்தியசாலைக்கு 23 இலட்சம் ரூபா பெறுமதி வாய்ந்த வைத்திய உபகரணம் நன்கொடையாக வழங்கப்பட்டுள்ளது. ஐக்கிய மக்கள் சக்தியின் ''எதிர்க் கட்சியிலிருந்து ஓர் மூச்சு' திட்டத்திற்கு அமைவாக குறித்த உபகரணம் இன்றைய தினம்...

மாகாண வைத்தியசாலைகளை மத்திய அரசாங்கத்தின் கீழ் ஏன் கொண்டு வர வேண்டும்

மகாண வைத்தியசாலைகளுக்கு மத்திய அரசாங்கம் ஏன் நேரடியாக நிதியுதவி அளிக்கவும் அபிவிருத்தி நடவடிக்கைகளை முன்னெடுக்கவும் முடியாது என நாடாளுமன்ற உறுப்பினர் சார்ல்ஸ் நிர்மலநாதன் கேள்வி எழுப்பியுள்ளார். நாடாளுமன்றில் இன்றைய தினம் உரையாற்றிய  போதே அவர்...

எரிபொருள் விலை அதிகரிப்பினை இரத்துச் செய்யவேண்டும்

நாட்டு மக்கள் அனைவரையும் அசௌகரியங்களுக்கு உள்ளாக்கியுள்ள எரிபொருள் விலை அதிகரிப்பை அரசாங்கம் உடனடியாக இல்லாமல் செய்ய வேண்டும் என, எதிர்க்கட்சித் தலைவர் சஜித் பிரேமதாச தெரிவித்துள்ளார். இன்றைய நாடாளுமன்ற அமர்வில் கலந்துகொண்டு கருத்துரைத்த போதே...

அரசியல் கைதிகளுக்கு விடுதலை கிடைக்குமா…? வாதப்பிரதிவாதங்கள்

விசாரணைகள் முடிந்தும் பல ஆண்டுகளுக்கும் மேலாக தடுப்புக் காவலில் சில கைதிகள் இருப்பதாக அமைச்சர் நாமல் ராஜபக்ஷ தெரிவித்துள்ளார். நாடாளுமன்றில் இன்று இடம்பெற்ற விவாதத்தின் போதே அவர் இதனை தெரிவித்தார். CAPITAL NEWS · 22...

Developed by: SEOGlitz