மெய்ப்பொருள் காண்பது அறிவு

குவைத்தில் சட்டவிரோதமாகத் தங்கியுள்ள 19000 இலங்கைத் தொழிலாளர்கள்!

- Advertisement -

குவைத்தில் சுமார் 19 ஆயிரம் இலங்கைத் தொழிலாளர்கள் சட்டவிரோதமாகத் தங்கியுள்ளதுடன், அவர்கள் நாடு திரும்புவதற்காக குவைத் அரசாங்கம் பொதுமன்னிப்புக் காலத்தை வழங்கியுள்ளது.

இந்த பொதுமன்னிப்புக் காலத்தை பயன்படுத்தி குவைத்தில் உள்ள இலங்கைத் தூதரகத்தின் மூலம் தற்காலிக கடவுச்சீட்டு வழங்கி இவர்களை நாட்டுக்கு அழைத்து வரும் நடவடிக்கைகளை இலங்கை அரசாங்கம் முன்னெடுத்துள்ளது.

- Advertisement -

இதன் அடிப்படையில், முதற்கட்டமாக குவைத் நாட்டில் இருந்து 287 இலங்கையர்கள் விசேட விமானம் மூலம் நேற்று நாட்டுக்கு அழைத்து வரப்பட்டனர்.

KU 1451 எனும் இலக்கம் கொண்ட குவைத் விமான சேவைக்கு சொந்தமான விசேட விமானம் மூலம் நேற்று மாலை 6.50க்கு இவர்கள் நாட்டை வந்தடைந்தனர்.

அத்துடன், இரண்டாம் கட்டமாக மேலும் 179 இலங்கையர்கள், விசேட விமானம் மூலம் நேற்று நாட்டுக்கு அழைத்து வரப்பட்டனர்.

KU 1453 எனும் இலக்கம் கொண்ட குவைத் விமான சேவைக்கு சொந்தமான விசேட விமானம் மூலம் நேற்று நள்ளிரவு 12 மணியளவில் இவர்கள் நாட்டை வந்தடைந்தனர்.

அத்துடன், கட்டுநாயக்க விமான நிலையத்துக்கு வந்த அனைத்து பயணிகளும் தொற்று நீக்கம் செய்யப்பட்டதுடன், குவைத்தில் இருந்து வந்த இலங்கையர்கள் தனிமைப்படுத்தல் முகாம்களுக்கு அனுப்பி வைக்கப்பட்டனர்.

இதேவேளை, தற்போதைய சூழ்நிலையில், அவசியமான தேவைகள் தவிர்ந்த நோக்கங்களுக்காக நாடு திரும்புவது குறித்து சிந்தித்து செயற்படுமாறு வெளிநாடுவாழ் இலங்கையர்களிடம் வெளியுறவு அமைச்சு அண்மையில் கோரிக்கை விடுத்திருந்தது.

நாடு திரும்புவதற்காக வெளியுறவு அமைச்சிடம் இதுவரை முன்வைக்கப்பட்டுள்ள 38ஆயிரம் பேரில் 28 ஆயிரம் பேர் வெளிநாட்டு தொழிலாளர்கள் என வெளியுறவு அமைச்சு சுட்டிக்காட்டியுள்ளது.

அத்துடன், வெளிநாட்டு தொழிலாளர்களில் குறிப்பாக, வெளிநாடுகளில் சட்டவிரோதமாக தங்கியுள்ள தொழிலாளர்களை நாட்டுக்கு அழைத்து வருவதற்கு முன்னுரிமை அளித்து செயற்பட உள்ளதாக வெளியுறவு அமைச்சு தெரிவித்திருந்தமை குறிப்பிடத்தக்கது.

தொடர்புபட்ட செய்திகள்

Related News

கொரோனா தொற்றினால் சடுதியாக அதிகரித்த உயிரிழப்புக்கள்!

கொரோனா தொற்றினால் 8 பேர் உயிரிழந்துள்ளனர். அரசாங்கத் தகவல் திணைக்களம் இவ்விடயத்தினைத் தெரிவித்துள்ளது. இதனையடுத்து கொரோனா தொற்றினால் உயிரிழந்தவர்களின் எண்ணிக்கை 264 ஆக அதிகரித்துள்ளது.

கொரோனா தொற்றுக்குள்ளானவர்களின் எண்ணிக்கை மேலும் அதிகரிப்பு!

நாட்டில் கொரோனா தொற்றுக்குள்ளான மேலும் 428 பேர் அடையாளம் காணப்பட்டுள்ளனர். கொவிட் 19 தொற்று பரவலை தடுப்பதற்கான தேசிய செயலணி இந்த தகவலை வெளியிட்டுள்ளது. இதன்படி, நாட்டில் கொரோனா தொற்றுக்குள்ளானோரின் மொத்த எண்ணிக்கை 53 ஆயிரத்து...

சுகாதார வழிமுறைகளுடன் நாடாளுமன்ற அமர்வுகளை நடத்த தீர்மானம் : பிரதி சபாநாயகர்!

கொரோனா தொற்று குறித்த உரிய சுகாதார வழிமுறைகளை கையாண்டு நாடாளுமன்ற அமர்வுகளை நடாத்துவதற்கு நடவடிக்கை மேற்கொள்ளப்பட்டுள்ளதாக பிரதி சபாநாயகர் ரஞ்சித் சியாம்பலாபிட்டிய குறிப்பிட்டுள்ளார். அத்துடன், நாடாளுமன்ற அமர்வுகளை ஆரம்பிப்பது குறித்து நாளை நடைபெறவுள்ள கட்சி...

வவுனியாவில் மேலும் மூவருக்கு கொரோனா தொற்று!

வவுனியா மாவட்ட பொது வைத்தியசாலை சிற்றூழியர்கள் இருவர் உட்பட மூவருக்கு கொரோனா தொற்று உறுதி செய்யப்பட்டுள்ளது. யாழ்ப்பாணம் மருத்துவ கூடத்தில் மேற்கொள்ளப்பட்ட பி.சி.ஆர் பரிசோதனை முடிவுகள் இன்று வெளியாகியுள்ள நிலையில் கொரோனா தொற்றாளர்கள் மூவர்...

புலமைப் பரிசில் பரீட்சை மூலம் பாடசாலை அனுமதிக்குத் தடை? : அமைச்சர் பந்துல!

ஐந்தாம் தர புலமைப் பரிசில் பரீட்சையை மையமாகக் கொண்டு பிரபல பாடசாலைகளுக்கு மாணவர்களை இணைத்துக் கொள்ளும் நடைமுறை குறித்து வர்த்தக அமைச்சர் பந்துல குணவர்தன கேள்வி எழுப்பியுள்ளார். கொழும்பில் இடம்பெற்ற ஊடகவியலாளர் சந்திப்பில் கலந்துகொண்டு...

Developed by: SEOGlitz