மெய்ப்பொருள் காண்பது அறிவு

நாட்டில் 70 கிராம உத்தியோகத்தர் பிரிவுகள் உடனடியாக தனிமைப்படுத்தல்…!

- Advertisement -

நாட்டில் 10 மாவட்டங்களுக்கு உட்பட்ட 70 கிராம உத்தியோகத்தர் பிரிவுகள் உடன் அமுலாகும் வகையில் தனிமைப்படுத்தப்பட்டுள்ளன.

கொவிட் 19 தொற்று பரவலை தடுப்பதற்கான தேசிய செயலணி இந்த விடயத்தை தெரிவித்துள்ளது.

- Advertisement -

இதற்கமைய, கம்பஹா மாவட்டத்திற்கு உட்பட்ட பியகம வடக்கு கிராம உத்தியோகத்தர் பிரிவு உடன் அமுலாகும் வகையில் தனிமைப்படுத்தப்பட்டுள்ளது.

அத்துடன், காலி மாவட்டத்திற்கு உட்பட்ட பட்டுவன்ஹேன மற்றும் வலம்பகல ஆகிய கிராம உத்தியோகத்தர் பிரிவுகளும் தனிமைப்படுத்தப்பட்டுள்ளன.

மேலும், மாத்தளை மாவட்டத்திற்கு உட்பட்ட வல்பொல கிராம உத்தியோகத்தர் பிரிவு மற்றும் யட்டவத்த கிராம உத்தியோகத்தர் பிரிவுக்கு உட்பட்ட அலவத்த கிராமம் ஆகியன உடன் அமுலாகும் வகையில் தனிமைப்படுத்தப்பட்டுள்ளன.

அத்துடன், களுத்துறை மாவட்டத்திற்கு உட்பட்ட ரய்கம்வத்த கிராம உத்தியோகத்தர் பிரிவுக்கு உட்பட்ட ரய்கம்வத்த கீழ்ப்பிரிவு, மஹ இங்கிரிய கிராம உத்தியோகத்தர் பிரிவுக்கு உட்பட்ட ரய்கம்புர பிரிவு மற்றும் மஹ இங்கிரிய கிராம உத்தியோகத்தர் பிரிவுக்கு உட்பட்ட மக்கள் குடியிருப்பு தொகுதி மற்றும் கித்துல்கொட தெற்கு கிராம உத்தியோகத்தர் பிரிவுக்கு உட்பட்ட வெதிகந்த கிராமம் ஆகியனவும் தனிமைப்படுத்தப்பட்டுள்ளன.

மேலும், அம்பாறை மாவட்டத்திற்கு உட்பட்ட கெஹெலுல்ல கிராம உத்தியோகத்தர் பிரிவுக்கு உட்பட்ட கடுபஹர கிராமம் உடன் அமுலாகும் வகையில் தனிமைப்படுத்தப்பட்டுள்ளது.

அத்துடன், இரத்தினபுரி மாவட்டத்திற்கு உட்பட்ட நுகவெல மேற்கு, உடுஹவுபே, நுகவெல கிழக்கு, எந்தன, மடலகம, பனபிட்டிய தெற்கு, பனபிட்டிய வடக்கு, கப்பேல, மியன்விட மேற்கு ஆகிய கிராம உத்தியோகத்தர் பிரிவுகளும் தனிமைப்படுத்தப்பட்டுள்ளன.

மேலும், கெர்கஸ்வேல்ட், இன்ஜஸ்ட்ரி, பொகவந்தலாவ, கொட்டியாகலை, என்பில்ட், டில்லரி, லொய்னொன், வெஞ்சர், பொகவானை ஆகிய கிராம உத்தியோகத்தர் பிரிவுகள் உடன் அமுலாகும் வகையில் தனிமைப்படுத்தப்பட்டுள்ளன.

மட்டக்களப்பு மாவட்டத்தின் மாஞ்சோனை ஊடான லேக் வீதி, வேவிங் மில் வீதி, வேலபொடி வீதி, விதானை பகுதியை நோக்கிய லேக் மாவத்தை, கடற்கரை பகுதியை நோக்கிய கண்ணகிஅம்மன் கோவில் வீதி மற்றும் அப்புஹாமி வீதி ஆகிய 6 கிராம உத்தியோகத்தர் பிரிவுகளின் பகுதிகள் இன்று தனிமைப்படுத்தப்பட்டுள்ளன.

திருகோணமலை மாவட்டத்தின் கிண்ணியா, பெரிய கிண்ணியா, குட்டிக்கரச்சி, அஹுதர் நகர், பெரியதுமுனை, மலின்துறை, ரகுமானியா நகரம், சின்னகிண்ணியா, மாஞ்சோலை, கட்டியாறு, குறிஞ்சாக்கேணி, முனச்சேனை ஆகிய 12 கிராம உத்தியோகத்தர் பிரிவுகளில் தனிமைப்படுத்தப்பட்டுள்ளன.

மேலும், குருணாகல் மாவட்டத்தின் கிரியுல்ல பொலிஸ் பிரிவுக்குட்பட்ட 24 கிராம உத்தியோகத்தர் பிரிவுகளும், உடன் அமுலாகும் வகையில் தனிமைப்படுத்தப்பட்டுள்ளமை குறிப்பிடத்தக்கது.

இதற்கமைய, இன்று காலை 6 மணி முதல் குறித்த அனைத்து பகுதிகளும் தனிமைப்படுத்தப்பட்டுள்ளதாக, கொவிட் 19 தொற்று பரவலை தடுப்பதற்கான தேசிய செயலணி தெரிவித்துள்ளது.

தொடர்புபட்ட செய்திகள்

Related News

நாடாளுமன்ற உறுப்பினர்கள் நாடாளுமன்றிற்கு வருகை தந்த விதம்

எரிபொருள் விலை அதிகரிப்பிற்கு எதிர்ப்பினை வெளிப்படுத்தும் வகையில் ஐக்கிய ஐக்கிய மக்கள் சக்தியின் நாடளுமன்ற உறுப்பினர்கள் பல்வேறு வாகனங்களில் நாடாளுமன்றிற்கு வருகை தந்திருந்தனர். எரிபொருள் விலை அதிகரிப்பு, கொரோனா நிவாரண கொடுப்பனவின்மை, சமையல் எரிவாயு...

கிளிநொச்சி மாவட்ட வைத்தியசாலைக்கு 23 இலட்சம் ரூபா பெறுமதி வாய்ந்த வைத்திய உபகரணம்

கிளிநொச்சி மாவட்ட வைத்தியசாலைக்கு 23 இலட்சம் ரூபா பெறுமதி வாய்ந்த வைத்திய உபகரணம் நன்கொடையாக வழங்கப்பட்டுள்ளது. ஐக்கிய மக்கள் சக்தியின் ''எதிர்க் கட்சியிலிருந்து ஓர் மூச்சு' திட்டத்திற்கு அமைவாக குறித்த உபகரணம் இன்றைய தினம்...

மாகாண வைத்தியசாலைகளை மத்திய அரசாங்கத்தின் கீழ் ஏன் கொண்டு வர வேண்டும்

மகாண வைத்தியசாலைகளுக்கு மத்திய அரசாங்கம் ஏன் நேரடியாக நிதியுதவி அளிக்கவும் அபிவிருத்தி நடவடிக்கைகளை முன்னெடுக்கவும் முடியாது என நாடாளுமன்ற உறுப்பினர் சார்ல்ஸ் நிர்மலநாதன் கேள்வி எழுப்பியுள்ளார். நாடாளுமன்றில் இன்றைய தினம் உரையாற்றிய  போதே அவர்...

எரிபொருள் விலை அதிகரிப்பினை இரத்துச் செய்யவேண்டும்

நாட்டு மக்கள் அனைவரையும் அசௌகரியங்களுக்கு உள்ளாக்கியுள்ள எரிபொருள் விலை அதிகரிப்பை அரசாங்கம் உடனடியாக இல்லாமல் செய்ய வேண்டும் என, எதிர்க்கட்சித் தலைவர் சஜித் பிரேமதாச தெரிவித்துள்ளார். இன்றைய நாடாளுமன்ற அமர்வில் கலந்துகொண்டு கருத்துரைத்த போதே...

அரசியல் கைதிகளுக்கு விடுதலை கிடைக்குமா…? வாதப்பிரதிவாதங்கள்

விசாரணைகள் முடிந்தும் பல ஆண்டுகளுக்கும் மேலாக தடுப்புக் காவலில் சில கைதிகள் இருப்பதாக அமைச்சர் நாமல் ராஜபக்ஷ தெரிவித்துள்ளார். நாடாளுமன்றில் இன்று இடம்பெற்ற விவாதத்தின் போதே அவர் இதனை தெரிவித்தார். CAPITAL NEWS · 22...

Developed by: SEOGlitz