மெய்ப்பொருள் காண்பது அறிவு

கொரோனா தொற்றினால் உயிரிழந்தோரின் எண்ணிக்கை 433 ஆக உயர்வு..!

- Advertisement -

நாட்டில் கொரோனா தொற்றுக்குள்ளான மேலும் 3 பேர் நேற்று உயிரிழந்துள்ளதாக சுகாதார அமைச்சின் தொற்று நோய் தடுப்பு பிரிவு தெரிவித்துள்ளது.

இதனால் நாட்டில் கொரோனா தொற்றினால் உயிரிழந்தோரின்  மொத்த எண்ணிக்கை 433 ஆக உயர்வடைந்துள்ளது.

- Advertisement -

இதன்படி, மாத்தளை பிரதேசத்தைச்சேர்ந்த 83 வயதுடைய ஆண் ஒருவர் தெல்தெனிய வைத்திநாலையில் சிகிச்கை பெற்று வந்த நிலையில் கடந்த 18 ஆம் திகதி கொரோனா நியுமோனியா காரணமாக  உயிரிழந்துள்ளார்.

அத்துடன், கலகெடிஹேன பகுதியைச் சேர்ந்த 73 வயதுடைய ஆண் ஒருவர் தேசிய தொற்று நோய் வைத்தியசாலையில் சிகிச்சை பெற்று வந்த நிலையில் கடந்த 19 ஆம் திகதி உயிரிழந்துள்ளார்.

இவரது மரணத்திற்கான காரணமாக கொரோனா நியுமோனியா மற்றும் பற்றீரியா தொற்று ஆகியவை அடையாளம் காணப்பட்டுள்ளன.

மேலும், நுகேகொடை பகுதியைச் சேர்ந்த 63 வயதுடைய ஆண் ஒருவர் தேசிய தொற்று நோய் வைத்தியசாலையில் சிகிச்சை பெற்று வந்த நிலையில் கடந்த 18 ஆம் திகதி உயிரிழந்துள்ளார்.

இவரது மரணத்திற்கான காரணமாக கொரோனா நியுமோனியா , சிறுநீரக நோய் , உயர் குருதி அமுக்கம், மற்றும் நீரிழிவு நோய் ஆகியவை அடையாளம் காணப்பட்டுள்ளன.

இதேவேளை நாட்டில் கொரோனா தொற்றுக்குள்ளானவர்களின் எண்ணிக்கை 78 ஆயிரத்து 937 ஆக அதிகரித்துள்ளது.

கொரோனா தொற்றுக்குள்ளான மேலும் 506 பேர் நேற்று அடையாளம் காணப்பட்ட நிலையிலே இந்த அதிகரிப்பு ஏற்பட்டுள்ளதாக சுகாதார அமைச்சின் தொற்றுநோய் தடுப்பு பிரிவு தெரிவித்துள்ளது.

இவ்வாறு தொற்றுக்குள்ளானவர்கள் அனைவரும் பேலியகொடை கொரோனா கொத்தணியுடன் தொடர்புடையவர்கள் என குறிப்பிடப்பட்டுள்ளது.

அத்துடன், நாடு முழுவதும் கொரோனா தொற்றில் இருந்து 72 ஆயிரத்து 566 பேர் முழுமையாக குணமடைந்துள்ளனர்.

இந்த நிலையில், கொரோனா தொற்றுக்குள்ளான 5 ஆயிரத்து 938 பேர் வைத்தியசாலைகளில் தொடர்ந்தும் சிகிச்சை பெற்றுவருகின்றனர்.

தொடர்புபட்ட செய்திகள்

Related News

கொழும்பு – டேம் வீதியில் கண்டுபிடிக்கப்பட்ட சடலம் தொடர்பில் வெளியான முக்கிய தகவல்!

கொழும்பு – டேம் வீதியில் பயணப் பை ஒன்றில் நேற்று முன்தினம் கண்டுபிடிக்கப்பட்ட சடலம் குருவிட்ட பொலிஸ் பிரிவுக்கு உட்பட்ட தெப்பனாவ பிரதேசத்தை சேர்ந்த 30 வயதான பெண் ஒருவர் என பொலிஸார்...

எதிர்க்கட்சி முன்வைக்கும் குற்றச்சாட்டை ஏற்றுக்கொள்ள முடியாது: காதர் மஸ்தான்!

ஐ. நா மனித உரிமை பேரவையில் ஆதரவு பெறுவதற்காக தற்போதைய அரசாங்கம் நாட்டின் தேசிய வளங்களை ஏனைய தரப்பினருக்கு விற்பனை செய்வதாக   எதிர்த்தரப்பினர் முன்வைக்கும் கருத்துக்கள் ஏற்றுக்கொள்ளகூடிய விடயமல்ல அல்ல என...

கொடுத்த வாக்கை மீறி செயற்படும் அரசாங்கம்: இம்ரான் மஹ்ரூப் கருத்து!

எந்தவொரு சந்தர்ப்பத்திலும் நாட்டின் தேசிய சொத்துக்கள் ஏனைய தரப்பினருக்கு விற்பனை செய்யப்படமாட்டாது என வாக்குறுதிகளை வழங்கி ஆட்சியமைத்த தற்போதைய அரசாங்கம் இன்று அதனை மீறி செயற்படுவதாக ஐக்கிய மக்கள் சக்தி தெரிவித்துள்ளது. திருகோணமலை பிரதேசத்தில்...

ஐ.நா மனித உரிமை பேரவையில் இந்தியா இலங்கைக்கு ஆதரவளிக்காது: கெஹெலிய!

ஐக்கிய நாடுகள் மனித உரிமை பேரவையில் இலங்கைக்கு எதிராக முன்வைக்கப்பட்டுள்ள பிரேரணையை சர்வதேச நாடுகளின் ஆதரவுடன் நிராகரிக்க  இலங்கை எதிர்பார்த்துள்ளதாக, அமைச்சர் கெஹெலிய ரம்புக்வெல்ல தெரிவித்துள்ளார். மேலும், இலங்கைக்கு எதிரான குறித்த அறிக்கையை இந்தியா...

தடுப்பூசி வழங்கும் நடவடிக்கை தொடர்பில் பொதுசுகாதார பரிசோதகர்கள் சங்கம் விடுத்து குற்றச்சாட்டு!

கொரோனா தடுப்பூசி வழங்கும் நடவடிக்கைக்கு பாதிப்பை ஏற்படுத்தும் வகையில் அரசியல்வாதிகள் அழுத்தம் வழங்கும் நடவடிக்கைகளில் ஈடுபட்டு வருவதாக பொதுசுகாதார பரிசோதகர்கள் சங்கம் குற்றஞ்சாட்டியுள்ளது. அத்துடன், இவ்வாறான நடவடிக்கைகள் தொடர்ந்து இடம்பெற்றால், கடுமையான நடவடிக்கைகளை எடுக்க...

Developed by: SEOGlitz