வவுனியாவில் வீதியோர வியாபார நடவடிக்கைகளுக்கு தடை விதிக்கப்பட்டுள்ளது!

வவுனியா நகர பகுதியில் வீதியோர வியாபார நடவடிக்கைகளுக்கு வவுனியா நகரசபையினால் தடை விதிக்கப்பட்டுள்ளது.

கொரோனா தொற்று பரவலை கருத்திற் கொண்டு இந்த தடை விதிக்கப்பட்டுள்ளதாக வவுனியா நகர சபை தெரிவித்துள்ளது.

இந்த நிலையில், நகர சபையின் தடை உத்தரவை மீறி வீதியோர வியாபார நடவடிக்கைகளில் ஈடுபட்டோருக்கு எதிராக, இன்று காலை நடவடிக்கை எடுக்கப்பட்டுள்ளது.

இதற்கமைய, வீதியோர வியாபாரத்திற்காக வைக்கப்பட்டிருந்த பொருட்கள் கைப்பற்றப்பட்டதுடன், வியாபாரிகளுக்கு தண்டப்பணமும் விதிக்கப்பட்டுள்ளது