மெய்ப்பொருள் காண்பது அறிவு

ஆர்ப்பாட்டங்களில் பொலிஸார் தாக்குதல்களை மேற்கொள்ள கூடாது : அமைச்சர் பந்துல!

- Advertisement -

கொரோனா தாக்கம் ஏற்பட்டுள்ள காலப்பகுதிக்குள் தனிமைப்படுத்தல் சட்டங்களை மீறி செயற்படும் பொலிஸாரையும் 14 நாட்களுக்கு தனிமைப்படுத்த அரசாங்கம் தீர்மானித்துள்ளது.

அரசாங்க தகவல் திணைக்களத்தில் இடம்பெற்ற அமைச்சரவை முடிவுகளை அறிவிக்கும் ஊடகவியலாளர் மாநாட்டில் கலந்துகொண்டு உரையாற்றிய அமைச்சர் பந்துல குணவர்தன இதனை தெரிவித்தார்.

- Advertisement -

“நேற்று முன்தினம் முன்னிலை சோசலிச கட்சி மற்றும் சமூக ஆர்வலர்கள் என கூறப்படும் தரப்பினரால் மேற்கொள்ளப்பட்ட ஆர்ப்பாட்டத்தின்போது பொலிஸார் நடந்து கொண்ட விதம் தொடர்பாக அமைச்சரவையில் விரிவாக விவாதிக்கப்பட்டது.

இந்த சம்பவம் தொடர்பில் பொலிஸார் நீதிமன்றுக்கு அறிவித்து அதற்கான தடையுத்தரவைப் பெற்றுள்ளனர். அதனை அவர்களுக்கு வழங்கிய போதிலும் தொடர்ந்தும் ஆர்ப்பாட்டத்தில் ஈடுபட்டுள்ளனர்.

இதனை அடுத்து பொலிஸார் ஆர்ப்பாட்டக்காரர்களைத் தாக்கியதன் பின்னர் ஏற்பட்டுள்ள விளைவுகள் குறித்தே பொலிஸார் மீது குற்றச்சாட்டுகள் முன்வைக்கப்பட்டுள்ளன.

பொலிஸாரின் இந்த செயற்பாடுகளை ஜனாதிபதியோ அல்லது அமைச்சரவையின் எந்தவொரு உறுப்பினருமோ ஏற்றுக் கொள்ளவில்லை. நடந்த சம்பவம் தொடர்பில் ஒரு அரசாங்கம் என்ற வகையில் கவலையடைகிறோம். இந்த சம்பவமானது பதிலுக்கு பதில் நடவடிக்கையாகவே இடம்பெற்றுள்ளதே தவிர, அறிவுறுத்தலுக்கு அமைவாக கட்டுப்படுத்தும் நோக்கில் இடம்பெறவில்லை.

எனினும் அவர்களுக்கு பிணை வழங்கப்பட்டுள்ளது. அத்துடன் இவ்வாறானதொரு சம்பவம் இனி நடைபெறக் கூடாது என ஜனாதிபதி பணித்துள்ளார். எந்தவொரு காரணத்தைக் கொண்டும் பொலிஸார் தாக்குதலில் ஈடுபடக் கூடாது எனவும் வேறு வழிகளிலேயே அவர்களை கலைக்க வேண்டும் எனவும் ஜனாதிபதி பணித்துள்ளார்.

அவ்வாறு ஏதேனும் நடைபெற்றால் கொரோனா தாக்கம் ஏற்பட்டுள்ள காலப்பகுதியில் அதனை கட்டுப்படுத்துவதற்காக அமுலாக்கப்பட்டுள்ள சட்டங்களின் அடிப்படையில் அவர்களை 14 நாட்கள் அல்லது 21 நாட்கள் தனிமைப்படுத்த நடவடிக்கை எடுக்கப்படும்.

தற்போது குறித்த ஆர்ப்பாட்டத்தை கட்டுப்படுத்துவதில் ஈடுபட்ட பொலிஸாரை தனிமைப்படுத்த தீர்மானிக்கப்பட்டுள்ளது” என அவர் மேலும் தெரிவித்துள்ளார்.

தொடர்புபட்ட செய்திகள்

Related News

யாழ்ப்பாணப் பல்கலைக்கழக மெய்யியல் துறை நடாத்தும் உரையரங்கம் வரும் ஞாயிற்றுக்கிழமை

யாழ்ப்பாணப் பல்கலைக்கழகத்தின் மெய்யியல் துறை நடாத்தும் “இளையோர், உண்மைகள் மற்றும் அர்த்தமுள்ள வாழ்க்கை” எனும் கருப்பொருளிலாலான உரையரங்கம் வரும் ஞாயிற்றுக்கிழமை மாலை 7 மணிக்கு இணையவழியூடாக இடம்பெறவுள்ளது. இவ் உரையாடலானது தொடர்ச்சியாக பல...

தெரனியகலை பிரதேச சபை தவிசாளர் கைது

அரச சொத்துக்களை துஷ்பிரயோகம் செய்த குற்றச்சாட்டில் தெரனியகலை பிரதேச சபை தவிசாளர் கைது செய்யப்பட்டுள்ளார் தேசிய நீர்வழங்கல் வடிகாலமைப்பு சபையினால் தெரனியகலை கும்புருகம பகுதியில் முன்னெடுக்கப்பட்டுவரும் குடிநீர்திட்டத்தில் இடம்பெற்ற மோசடிவிவகாரம் தொடர்பில் விசாரணைகள் முன்னெடுக்கப்பட்டிருந்தன. இந்த...

தென்னிந்திய நடிகர் விவேக் காலமானார்

மாரடைப்பு காரணமாக மருத்துவமனையில் அனுமதிக்கப்பட்டதென்னிந்திய நடிகர் விவேக் காலமானார் சிகிச்சை பலனின்றி இன்று அதிகாலை 4.35 மணிக்கு அவர் உயிரிழந்ததாக வைத்தியசாலை தகவல்கள் தெரிவிக்கின்றன மாரடைப்பு காரணமாக நேற்று காலை சென்னை வடபழனியிலுள்ள தனியார் மருத்துவமனையில்...

சர்ச்சைக்கு உள்ளாகியுள்ள துறைமுகநகரம் – சூடுபிடிக்கும் அரசியல் களம்..!

நாட்டுக்கு பொருத்தமற்ற விடயங்கள் குறித்து பேசுவதை ஜனாதிபதி தவறாக எடுத்துக்கொள்வாராக இருந்தால், எவ்வாறு நாட்டை சரியான இடத்துக்குக் கொண்டுவர முடியும் என நாடாளுமன்ற உறுப்பினர் விஜேதாஸ ராஜபக்ஸ கேள்வி எழுப்பியுள்ளார். கொழும்பு துறைமுகநகர பொருளாதார...

டக்ளஸ் தேவானந்தாவின் கருத்திற்கு எதிராக வலிகாமம் தென்மேற்கு பிரதேச சபையில் கண்டன தீர்மானம் நிறைவேற்றம்

கடற்றொழில் அமைச்சர் டக்ளஸ் தேவானந்தாவின் கருத்திற்கு எதிராக வலிகாமம் தென்மேற்கு பிரதேச சபையில் கண்டன தீர்மானமொன்று நிறைவேற்றப்பட்டுள்ளது. வலிகாமம் தென்மேற்கு பிரதேச சபையின் இன்றைய அமர்வின் போதே இந்த தீர்மானம் நிறைவேற்றப்பட்டுள்ளது. இதன்போது, இந்திய மீனவர்களின்...

Developed by: SEOGlitz