மெய்ப்பொருள் காண்பது அறிவு

வருடாந்தம் உயிரிழக்கும் 20 ஆயிரம் இலங்கையர்கள் – காரணம் இதுதான்!

- Advertisement -

புகைப்பிடிக்கும் பழக்கத்தின் காரணமாக, வருடாந்தம் 20 ஆயிரம் இலங்கையர்கள் உயிரிழப்பதாக மதுசாரம் மற்றும் போதைப்பொருள் தகவல் நிலையம் சுட்டிக்காட்டியுள்ளது.

மே 31ஆம் திகதியாகிய இன்றைய தினம் சர்வதேச புகைத்தல் எதிர்ப்புத் தினம் கொண்டாடப்படுவதையொட்டி வெளியிடப்பட்டுள்ள விசேட ஊடக அறிக்கையிலேயே இந்த விடயம் தெரிவிக்கப்பட்டுள்ளது.

- Advertisement -

அத்துடன், புகைப்பிடிக்கும் பழக்கத்தின் காரணமாக, நாளாந்தம் 55 பேர் உயிரிழக்க நேரிடுவதாகவும் தெரிவிக்கப்பட்டுள்ளது.

மேலும், சர்வதேச ரீதியில், புகைப்பழக்கத்தினால், வருடாந்தம் 8 மில்லியன் மக்கள் உயிரிழக்கும் அதேவேளை, அவர்களில் 9 இலட்சம் பேர் இரண்டாம் நிலை புகைத்தலினால் உயிரிழப்பதாக உலக சுகாதார ஸ்தாபனம் குறிப்பிட்டுள்ளது.

இதன் காரணமாக, புகைப்பிடிக்கும் பழக்கத்தை ஊக்குவிப்பதற்காக, இளைஞர்களும் சிறுவர்களும் இலக்குவைக்கப்படுவதாக, மதுசாரம் மற்றும் போதைப்பொருள் தகவல் நிலையம் சுட்டிக்காட்டுகின்றது.

இதற்கிணங்க, ‘இளைஞர்களை புகையிலை நிறுவனத்தின் பிழையான வழிகாட்டலில் இருந்து பாதுகாத்து, அவர்களின் பாவனையை தடுப்போம்’ எனும் தொனிப் பொருளில், 2020ஆம் ஆண்டிற்கான, சர்வதேச புகைத்தல் எதிர்ப்புத் தினம் கொண்டாடப்படுவதாக, உலக சுகாதார ஸ்தாபனம் தெரிவித்துள்ளது.

இந்த நிலையில், 2003ஆம் ஆண்டு உருவாக்கப்பட்ட புகைப்பழக்கத்தைக் கட்டுப்படுத்துவதற்கான கொள்கைக் கட்டமைப்பில் இலங்கை உள்ளிட்ட 168 நாடுகள் கையெழுத்திட்டுள்ளன.

அத்துடன், சிறுவயதில் இருந்து பிள்ளைகளின் மனதில் புகைத்தல் தொடர்பான சாதகமான சிந்தனையொன்றை உருவாக்குவதற்காக, விற்பனை நிறுவனங்களினால் பல்வேறு நுணுக்கமான முறைகள் கையாளப்படுவதாகவும் எச்சரிக்கப்பட்டுள்ளது.

மேலும், இளைஞர்களும், சிறுவர்களும், போதைப் பொருள் பழக்கத்துக்கு அடிமையாவதைத் தவிர்ப்பதற்காக, 6 பரிந்துரைகள், மதுசாரம் மற்றும் போதைப்பொருள் தகவல் நிலையத்தினால் முன்வைக்கப்பட்டுள்ளன.

புகைத்தல் பொருட்களின் தனி விற்பனையை தடை செய்தல், கல்வி நிறுவனங்களில் இருந்து 100 மீற்றர் வரை புகைத்தல் பொருள் விற்பனையை தடை செய்தல், புகைத்தல் பொருட்களுக்கு அதிக பட்ச விலையை நிர்ணயித்தல், வெற்றுப் பொதியிடல் முறைமை, தவறாக வழிநடத்தும் விளம்பரங்களைத் தடுத்தல் மற்றும் அவற்றின் மீது நடவடிக்கை எடுத்தல் ஆகிய பரிந்துரைகள் முன்வைக்கப்பட்டுள்ளன.

இதேவேளை, புகைத்தலினால் எமது சமூகம் பாதிப்படைவதைத் தடுக்க நாம் ஒவ்வொருவரும் பொறுப்புணர்வுடன் செயற்பட வேண்டியது அவசியமாகும் என்பதை எமது கெப்பிட்டல் வானொலி சார்பாகவும் நாம் வலியுறுத்துகின்றோம்.

தொடர்புபட்ட செய்திகள்

Related News

நாடாளுமன்ற உறுப்பினர்கள் நாடாளுமன்றிற்கு வருகை தந்த விதம்

எரிபொருள் விலை அதிகரிப்பிற்கு எதிர்ப்பினை வெளிப்படுத்தும் வகையில் ஐக்கிய ஐக்கிய மக்கள் சக்தியின் நாடளுமன்ற உறுப்பினர்கள் பல்வேறு வாகனங்களில் நாடாளுமன்றிற்கு வருகை தந்திருந்தனர். எரிபொருள் விலை அதிகரிப்பு, கொரோனா நிவாரண கொடுப்பனவின்மை, சமையல் எரிவாயு...

கிளிநொச்சி மாவட்ட வைத்தியசாலைக்கு 23 இலட்சம் ரூபா பெறுமதி வாய்ந்த வைத்திய உபகரணம்

கிளிநொச்சி மாவட்ட வைத்தியசாலைக்கு 23 இலட்சம் ரூபா பெறுமதி வாய்ந்த வைத்திய உபகரணம் நன்கொடையாக வழங்கப்பட்டுள்ளது. ஐக்கிய மக்கள் சக்தியின் ''எதிர்க் கட்சியிலிருந்து ஓர் மூச்சு' திட்டத்திற்கு அமைவாக குறித்த உபகரணம் இன்றைய தினம்...

மாகாண வைத்தியசாலைகளை மத்திய அரசாங்கத்தின் கீழ் ஏன் கொண்டு வர வேண்டும்

மகாண வைத்தியசாலைகளுக்கு மத்திய அரசாங்கம் ஏன் நேரடியாக நிதியுதவி அளிக்கவும் அபிவிருத்தி நடவடிக்கைகளை முன்னெடுக்கவும் முடியாது என நாடாளுமன்ற உறுப்பினர் சார்ல்ஸ் நிர்மலநாதன் கேள்வி எழுப்பியுள்ளார். நாடாளுமன்றில் இன்றைய தினம் உரையாற்றிய  போதே அவர்...

எரிபொருள் விலை அதிகரிப்பினை இரத்துச் செய்யவேண்டும்

நாட்டு மக்கள் அனைவரையும் அசௌகரியங்களுக்கு உள்ளாக்கியுள்ள எரிபொருள் விலை அதிகரிப்பை அரசாங்கம் உடனடியாக இல்லாமல் செய்ய வேண்டும் என, எதிர்க்கட்சித் தலைவர் சஜித் பிரேமதாச தெரிவித்துள்ளார். இன்றைய நாடாளுமன்ற அமர்வில் கலந்துகொண்டு கருத்துரைத்த போதே...

அரசியல் கைதிகளுக்கு விடுதலை கிடைக்குமா…? வாதப்பிரதிவாதங்கள்

விசாரணைகள் முடிந்தும் பல ஆண்டுகளுக்கும் மேலாக தடுப்புக் காவலில் சில கைதிகள் இருப்பதாக அமைச்சர் நாமல் ராஜபக்ஷ தெரிவித்துள்ளார். நாடாளுமன்றில் இன்று இடம்பெற்ற விவாதத்தின் போதே அவர் இதனை தெரிவித்தார். CAPITAL NEWS · 22...

Developed by: SEOGlitz