மெய்ப்பொருள் காண்பது அறிவு

கணினிகளை இலக்குவைத்து புதிய சைபர் தாக்குதல் -மக்களுக்கு எச்சரிக்கை!

- Advertisement -

சர்வதேச ரீதியில், தனிநபர் மற்றும் நிறுவனங்களின் கணினிகளை இலக்குவைத்து புதிய சைபர் தாக்குதலொன்று முன்னெடுக்கப்பட்டுள்ளதாக எச்சரிக்கை விடுக்கப்பட்டுள்ளது.

இலங்கை கணினி அவசரநிலை பாதுகாப்பு குழு இந்த விடயம் குறித்து அதி உயர் சிவப்பு எச்சரிக்கையினை விடுத்துள்ளது.

- Advertisement -

குறித்த வைரஸானது சோடினோகிபி (Sodinokibi) அல்லது ஆர்-எவில் (REvil) எனப்படும் மேம்படுத்தப்பட்ட கணினி வைரஸ் குடும்பத்தைச் சேர்ந்தது என எச்சரிக்கை விடுக்கப்பட்டுள்ளது.

இந்த வைரஸ் கணினியொன்றைத் தாக்கிய பின்னர், கணினியில் உள்ள கோப்புகளை, முடக்குவதுடன், அதனை மீள பயன்படுத்த அனுமதிக்க பணத்தை கோருவதாகவும், இலங்கை கணினி அவசரநிலை பாதுகாப்பு குழு தெரிவித்துள்ளது.

இதன் பின்னர், பாதிக்கப்பட்ட மின்னஞ்சல் இணைப்புகள், டொரண்ட் இணையத்தளங்கள், போலி நிதி ரீதியான தகவல்கள் மற்றும் வைரஸ் இணையத்தள விளம்பரங்கள் ஆகியவற்றின் மூலம் இந்த வைரஸ் பரப்பப்படுவதாகவும் எச்சரிக்கை விடுக்கப்பட்டுள்ளது.

தொலைத்தொடர்பு சேவை வழங்குநர்கள், சட்டத்துறை நிறுவனங்கள் மற்றும் தகவல் தொழிநுட்ப நிறுவனங்கள் ஆகியவற்றை இலக்குவைத்து பல்வேறு தாக்குதல்கள், இந்த சோடினோகிபி (Sodinokibi) அல்லது ஆர்-எவில் (REvil) எனப்படும் வைரஸினால் இதுவரை மேற்கொள்ளப்பட்டுள்ளதாக தெரிவிக்கப்பட்டுள்ளது.

இதன் காரணமாக, சந்தேகத்திற்கிடமான மூலங்களில் இருந்து கோப்புகளை தரவிறக்கவோ அந்த இணைப்புகளை சொடுக்கவோ வேண்டாம் என கோரப்பட்டுள்ளது.

அத்துடன், குறித்த வைரஸ் தாக்குதலில் இருந்து கோப்புகளை மீட்பதற்கு பணம் செலுத்துவதனால், குறித்த கோப்புகள் மீள கிடைக்கும் என்பதற்கு எந்தவொரு உத்தரவாதமும் கிடையாது எனவும் சுட்டிக்காட்டப்பட்டுள்ளது.

ஆகவே, தமது கணினிகளில் உள்ள முக்கியமான கோப்புகளை, தொடர்ச்சியாக பாதுகாப்பாக வைத்துக் கொள்வதற்கான வழிமுறைகளை பின்பற்றுமாறு, இலங்கை கணினி அவசரநிலை பாதுகாப்பு குழு பொதுமக்களிடம் கோரிக்கை விடுத்துள்ளது.

தொடர்புபட்ட செய்திகள்

Related News

ஜனாதிபதியுடனான பேச்சுவார்த்தை வெற்றி – சுதந்திரக் கட்சி

ஜனாதிபதியுடன் சுதந்திரக் கட்சியினால் இன்று முன்னெடுக்கப்பட்ட பேச்சுவார்த்தை வெற்றியளித்துள்ளதாக அமைச்சர் மஹிந்த அமரவீர தெரிவித்துள்ளார். கொழும்பில் இன்று ஊடகங்களுக்கு கருத்துரைத்த போதே அவர் இதனை குறிப்பிட்டுள்ளார். CAPITAL NEWS · Mahintha

அரிசி விலைகள் அடுத்த வாரமளவில் குறைக்கப்படும் – மஹிந்தானந்த அளுத்கமகே

சம்பா மற்றும் கீரி சம்பா ஆகிய அரிசி வகைகளின் விலைகள் அடுத்த வாரமளவில் 50 முதல் 75 ரூபாவினால் குறைக்கப்படும் என அமைச்சர் மஹிந்தானந்த அளுத்கமகே தெரிவித்துள்ளார். இந்த நிலையில், அரிசியை அதிக விலைக்கு...

டெல்டா வைரஸ் நாடு முழுவதும் பரவுவதற்கு இடமளிக்க வேண்டாம் – சுகாதார தரப்பு வலியுறுத்தல்

டெல்டா வைரஸ் திரிபு நாடு முழுவதும் பரவுவதற்கு இடமளிக்க வேண்டாமென பிரதி சுகாதார சேவைகள் பணிப்பாளர் நாயகம் விசேட வைத்திய  நிபுணர் ஹேமந்த ஹேரத்  தெரிவித்துள்ளார். கொழும்பில் இன்று ஊடகங்களுக்கு கருத்துரைகையில் அவர் இவ்வாறு...

டயகம சிறுமி உயிரிழந்த விவகாரம் – ரிஷாட் பதியுதீனும் சந்தேக நபராக பெயரிடப்படவுள்ளார்

டயகம சிறுமி ஹிஷாலினியின் உயிரிழப்பு தொடர்பான வழக்கில் நாடாளுமன்ற உறுப்பினர் ரிஷாட் பதியுதீனும் சந்தேக நபராக பெயரிடப்படவுள்ளதாக அறிவிக்கப்பட்டுள்ளது. கொழும்பு மேல் நீதிமன்றத்தில் இன்று முன்னெடுக்கப்பட்ட விசாரணைகளின் போது சட்ட மா அதிபர் இந்த...

2021 ஆம் ஆண்டுக்கான சாதாரண தர பரீட்சைகள் இடம்பெறும் திகதியில் மாற்றம்.

இந்த ஆண்டுக்கான கல்வி பொதுத் தராதர சாதாரண தரப் பரீட்சையினை நடாத்துவதற்கான திகதி அறிவிக்கப்பட்டுள்ளது. இதன்படி 2021 ஆம் ஆண்டு கல்வி பொதுத் தராதர சாதாரண தரப் பரீட்சை எதிர்வரும் 2022 ஆம் ஆண்டு...

Developed by: SEOGlitz