மெய்ப்பொருள் காண்பது அறிவு

மீண்டும் கொழும்பு மாவட்டத்தில் சடுதியாக அதிகரித்த கொரோனா தொற்று!

- Advertisement -

கொழும்பு மாவட்டத்தில் கொரோனா தொற்றுக்குள்ளானோரின் எண்ணிக்கை மீண்டும் அதிகரித்துள்ளது.

கொழும்பு மாவட்டத்தில் கொரோனா தொற்றுக்குள்ளானோரின் எண்ணிக்கை, கடந்த சில நாட்களாக குறைவடைந்திருந்த நிலையில் , நேற்று மீண்டும் அதிகரித்துள்ளது.

- Advertisement -

இதன்படி, கொழும்பில் 223 தொற்றாளர்கள் நேற்று அடையாளங் காணப்பட்டுள்ளனர்

இதற்கமைய, கொரோனா தொற்றின் இரண்டாவது அலையில், கொழும்பு மாவட்டத்தில்  இதுவரை பாதிக்கப்பட்டோரின் எண்ணிக்கை 20 ஆயிரத்து 387 ஆக உயர்வடைந்துள்ளது.

இந்த நிலையில், தெமட்டகொடையில் 30 பேருக்கும், கொழும்பு மாநகரசபை ஊழியர்கள் 32 பேருக்கும் நேற்றையதினம் கொரோனா தொற்று உறுதி செய்யப்பட்டுள்ளது.

அத்துடன், புதுக்கடையைச் சேர்ந்த 16 பேர், புளூமெண்டல் பகுதியைச் சேர்ந்த 12 பேர் உள்ளிட்ட 223 பேருக்கு நேற்று தொற்று உறுதி செய்யப்பட்டுள்ளது.

இதேவேளை, கம்பஹா மாவட்டத்தில் நேற்றையதினம் 119 தொற்றாளர்கள் அடையாளங் காணப்பட்டதையடுத்து, இதுவரை பாதிக்கப்பட்டோரின் எண்ணிக்கை 10 ஆயிரத்து 580 ஆக உயர்வடைந்துள்ளது.

இதன்படி, நீர்கொழும்பு பகுதியைச் சேர்ந்த 32 பேருக்கும், களனிய பகுதியைச் சேர்ந்த 16 பேருக்கும்  நேற்றைய தினம் தொற்று உறுதி செய்யப்பட்டுள்ளது.

அத்துடன் கம்பஹா மாவட்டத்தின் மேலும் பல பகுதிகளிலும் நேற்றைய தினம் கொரோனா தொற்று உறுதி செய்யப்பட்டுள்ளது.

மேலும், களுத்தறை மாவட்டத்தில் நேற்றையதினம் 112 தொற்றாளர்கள் அடையாளங் காணப்பட்டதையடுத்து, இதுவரை பாதிக்கப்பட்டோரின் எண்ணிக்கை நான்காயிரத்தைக் கடந்துள்ளது.

இதேவேளை, கிழக்கு மாகாணத்திற்கு உட்பட்ட அம்பாறை மாவட்டத்தில் 13 பேரும், மட்டக்களப்பு மற்றும் திருகோணமலை ஆகிய மாவட்டங்களில் தலா 08 பேர் வீதமும் நேற்றைய தினம் அடையாளங் காணப்பட்டுள்ளனர்.

இந்த நிலையில், கொரோனா தொற்றின் இரண்டாவது அலையில், கிழக்கு மாகாணத்தில் இதுவரை ஆயிரத்து 390 பேர் தொற்றுடன் அடையாளங் காணப்பட்டுள்ளதாக, கொவிட் 19 தொற்றை தடுப்பதற்கான தேசிய செயலணி குறிப்பிட்டுள்ளது.

இதேவேளை வவுனியா மாவட்டத்தில் 16 பேரும்,  நுவரெலிய மாவட்டத்தில் 07 பேரும், மாத்தளை மாவட்டத்தில் 34 பேரும் நேற்றைய தினம் தொற்றுடன் அடையாளங் காணப்பட்டுள்ளனர்.

அத்துடன், கண்டி, காலி, குருநாகல், கேகாலை, அனுராதபுரம், இரத்தினபுரி, மாத்தறை, புத்தளம், ஹம்பாந்தோட்டை மற்றும் பொலன்னறுவை ஆகிய மாவட்டங்களிலும் நேற்றையதினம் கொரோனா தொற்றாளர்கள் அடையாளங் காணப்பட்டுள்ளனர்.

இந்த நிலையில், நாட்டில் நேற்றையதினம் 692 தொற்றாளர்கள் அடையாளங் காணப்பட்டிருந்தமை குறிப்பிடத்தக்கது.

தொடர்புபட்ட செய்திகள்

Related News

நாளைய தினத்திற்குள் கொவிட் தடுப்பூசி இலங்கைக்கு கிடைக்கும் சாத்தியம் – சுகாதார அமைச்சு

நாட்டுக்கு கொரோனா தடுப்பூசி கிடைத்ததும், அதனை உடனடியாக வழங்குவதற்கு தேவையான முன்னேற்பாடுகள் பூர்த்தி செய்யப்பட்டுள்ளதாக, இராஜாங்க அமைச்சர் சுதர்ஷனி பெர்ணான்டோபுள்ளே தெரிவித்துள்ளார். சுகாதார அமைச்சில் இன்று இடம்பெற்ற ஊடகவியலாளர் சந்திப்பில் கலந்துகொண்டு கருத்துரைத்த போதே...

இன்று இடம்பெற்ற தென்னாபிரிக்க – பாகிஸ்தான் அணிகளுக்கு இடையிலான முதலாவது டெஸ்ட் போட்டி!

தென்னாபிரிக்க மற்றும் பாகிஸ்தான் அணிகளுக்கு இடையிலான முதலாவது டெஸ்ட் போட்டியின் முதலாம் நாள் ஆட்டம் இன்று இடம்பெற்றது. பாகிஸ்தான் - கராச்சியில் இடம்பெறும் இந்த போட்டியில் தென்னாபிரிக்க அணி முதலில் துடுப்பெடுத்தாடி வருகிறது. இதன்படி, தமது...

நாளை முதல் FACEBOOK வழங்கவுள்ள புதிய வசதி – இலங்கை மக்களுக்கு மகிழ்ச்சியான அறிவிப்பு!

இலங்கையில் சுமார் 6 தசம் 5 மில்லியன் FACEBOOK பயனாளர்கள் காணப்படுவதாக இலங்கை தொலைத்தொடர்பு ஒழுங்குபடுத்தல் ஆணைக்குழு தெரிவித்துள்ளது. கொழும்பில் இன்று இடம்பெற்ற ஊடகவியலாளர் சந்திப்பில் கலந்து கொண்டு கருத்துரைத்த இலங்கை தொலைதொடர்பு ஒழுங்குபடுத்தல்...

நாட்டின் கொரோனா தொற்றின் தற்போதைய நிலவரம்..!

நாட்டில் கொரோனா தொற்றுக்குள்ளான மேலும் 369 பேர் இன்றைய நாளில் அடையாளம் காணப்பட்டுள்ளனர். கொவிட் 19 தொற்று பரவலை தடுப்பதற்கான தேசிய செயலணி இந்த தகவலை வெளியிட்டுள்ளது. அத்துடன், நாட்டில் கொரோனா தொற்றிலிருந்து மேலும் 709...

பிட்டபெத்தர பகுதியிலுள்ள முதியோர் இல்லத்தில் தொற்றுக்குள்ளான சிலர் அடையாளம்!

மாத்தறை மாவட்டத்தில் - பிட்டபெத்தர பகுதியிலுள்ள முதியோர் இல்லம் ஒன்றில் கொரோனா தொற்றுக்குள்ளான 13 பேர் அடையாளம் காணப்பட்டுள்ளதாக மொரவக்க சுகாதார வைத்திய அதிகாரி அலுவலகம் தெரிவித்துள்ளது. இதன்படி, 12 முதியோர்களுக்கும், முதியோர் இல்லத்தில்...

Developed by: SEOGlitz