மெய்ப்பொருள் காண்பது அறிவு

தடை உத்தரவையும் மீறி பல பிரதேசங்களில் நினைவுதினம் அனுஷ்டிப்பு!

- Advertisement -

வடக்கு கிழக்கில் மாவீரர் நினைவேந்தல் நிகழ்வுகளை நடத்துவதற்கு நீதிமன்றங்கள் தடைவிதித்துள்ளன.

இந்நிலையில் தடை உத்தரவையும் மீறி வடக்கு கிழக்கின் சில பிரதேசங்களில் உயிரிழந்த உறவுகளுக்கான நினைவேந்தல் நிகழ்வுகள் முன்னெடுக்கப்பட்டுள்ளன.

- Advertisement -

தடை உத்தரவையும் மீறி பல பிரதேசங்களில் மக்கள் தத்தமது வீடுகளில் பொதுச்சுடர் ஏற்றி தமது உறவுகளை நினைவு கூர்ந்திருந்ததாக எமது பிராந்திய செய்தியாளர்கள் தெரிவித்தனர்.

யாழ் மாவட்டத்திலும் பல இடங்களில் மக்கள் தமது வீடுகளில் விளக்கேற்றி அஞ்சலி செலுத்தியிருந்ததாக எமது செய்தியாளர் தெரிவித்தார்.

இதேவேளை, யாழ் மாவட்டத்தில் உள்ள மாவீரர் துயிலும் இல்லங்கள்,ஆலயங்கள் மற்றும் பொது இடங்களில் இராணுவம் மற்றும் பொலிஸார் பாதுகாப்பு கடமையில் ஈடுபடுத்தப்பட்டுள்ளனர்.

பொது இடங்களில் நினைவேந்தல் செய்யவோ ஒன்று கூடவோ முல்லைத்தீவு நீதிமன்றம் தடை விதித்துள்ள நிலையில் மிகவும் அச்சமான சூழலில் பொதுமக்கள் தமது பிள்ளைகளுக்கு தத்தமது வீடுகளில் சுடரேற்றி அஞ்சலி செலுத்தியிருந்தனர்.

மேலும், முல்லைத்தீவு நகரம் மற்றும் வன்னிவிளாங்குளம் போன்ற பகுதிகளில் செய்தி சேகரித்துக்கொண்டிருந்த பிராந்திய ஊடகவியலாளர்களின் விபரங்களை இராணுவத்தினர் மற்றும் பொலிஸார் சேகரித்ததாக எமது செய்தியாளர் தெரிவித்தார்.

இந்நிலையில் கிளிநொச்சியிலும் தடைகளிற்கு மத்தியில் மக்கள் தமது வீடுகளில் உயிரிழந்த உறவுகளுக்கு அஞ்சலி செலுத்தியிருந்தனர்.

பரந்தன் சந்தியில் அஞ்சலி செலுத்த தயாரான ஒருவர் கிளிநொச்சி பொலிஸாரால் கைது செய்யப்பட்டுள்ளார்.

இந்நிலையில், மன்னாரில் பிரத்தியேக இடம் ஒன்றில் இன்றையதினம் உயிரிழந்த உறவுகளை நினைவுகூரும் நினைவேந்தல் இடம்பெற்றது.

மன்னார் மாவட்ட நினைவேந்தல் ஏற்பாட்டுக்குழுவின் ஏற்பாட்டில் மாலை 6.05 மணியளவில் தீபம் ஏற்றப்பட்டு உயிர் நீத்தவர்களுக்கு அஞ்சலி செலுத்தப்பட்டது.

மன்னார் மாவட்டத்தில் பொது இடங்களில் நினைவேந்தல் நிகழ்வுகளை நடாத்த நீதிமன்றம் தடை விதித்த நிலையில் சுகாதார நடைமுறைகளுக்கு அமைவாக மக்களை ஒன்றுகூட்டாது பிரத்தியேக இடம் ஒன்றில் குறித்த நினைவேந்தல் இடம்பெற்றது.

இந்நிலையில், அம்பாறை மாவட்டத்தில் மாவீரர் தினத்தை முன்னிட்டு பாதுகாப்பு நடவடிக்கைகளை இராணுவ விசேட அதிரடிப்படையினர் மற்றும் பொலிஸார் முன்னெடுத்திருந்தனர்.
குறிப்பாக கல்முனை, சவளக்கடை, சம்மாந்துறை, மத்திய முகாம் ,அக்கரைப்பற்று ,திருக்கோவில், உள்ளிட்ட பகுதிகளில் உள்ள பொலிஸ் நிலைய எல்லைக்குட்பட்ட பொது இடங்கள் முக்கிய சந்திகளில் பாதுகாப்பு பலப்படுத்தப்பட்டுள்ளதுடன் வீதி ரோந்து நடவடிக்கைளும் மேற்கொள்ளப்பட்டமை குறிப்பிடத்தக்கது.

இதேவேளை அஞ்சலி செலுத்துவதற்கு தயாராகியதாக அருட்தந்தை ஒருவர் யாழ்ப்பாணம் பொலிஸாரால் கைது செய்யப்பட்டுள்ளார்.

யாழ்ப்பாணம் ஆயர் இல்லத்துக்கு முன்பாக அவர் இன்று மாலை 5.50 மணியளவில் கைது செய்யப்பட்டார்.

இளவாலையைச் சேர்ந்த அருட்தந்தை பாஸ்கரனே இவ்வாறு யாழ்ப்பாணம் பொலிஸாரால் கைது செய்யப்பட்டுள்ளதாக மெது செய்தியாளர் தெரிவித்தார்.

தொடர்புபட்ட செய்திகள்

Related News

உயிர்த்த ஞாயிறு தாக்குதல் விசாரணை அறிக்கையை சமர்ப்பிக்க நடவடிக்கை

உயிர்த்த ஞாயிறு தாக்குதல் தொடர்பாக விசாரணைகளை முன்னெடுத்து வரும் ஜனாதிபதி விசாரணை ஆணைக்குழுவின் அறிக்கை எதிர்வரும் 31 ஆம் திகதி அல்லது அதற்கு முன்னதாக சமர்ப்பிக்கப்படவுள்ளது. உயிர்த்த ஞாயிறு தாக்குதல் தொடர்பான விசாரணைகள் மற்றும்...

60 ஆயிரத்தைக் கடந்த கொரோனா தொற்றாளர்களின் எண்ணிக்கை

நாட்டில் கொரோனா தொற்றுக்குள்ளானவர்களின் எண்ணிக்கை 60 ஆயிரத்தைக் கடந்துள்ளது. கொரோனா தொற்றுக்குள்ளான மேலும் 311 பேர் அடையாளம் காணப்பட்டுள்ள நிலையிலே இந்த அதிகரிப்பு ஏற்பட்டுள்ளதாக இராணுவத் தளபதி சவேந்திர சில்வா தெரிவித்துள்ளார். இதற்கமைய, நாட்டில் கொரோனா...

சீன அரசாங்கத்தினால் அடுத்த மாதம் இலங்கைக்கு வழங்கவுள்ள கொரோனா தடுப்பூசிகள்!

இலங்கைக்கு சீன அரசாங்கம் மூன்று இலட்சம் Sinopharm கொரோனா தடுப்பூசியினை வழங்கவுள்ளதாக கொழும்பில் உள்ள சீன தூதரகம் தெரிவித்துள்ளது. இதற்கமைய எதிர்வரும் பெப்ரவரி மாதம் நடுப்பகுதியில் அவை இலங்கைக்கு  நன்கொடையாக வழங்கப்படும் என தெரிவிக்கப்பட்டுள்ளது. இலங்கை...

SAMSUNG GALAXY S21 SERIES : அனைத்து வகையிலும் உன்னதமான ஸ்மார்ட் ஃபோன் அனுபவத்துக்கு உன்னதமான வடிவமைப்பு!

SAMSUNG GALAXY S21 SERIES: அனைத்து வகையிலும் உன்னதமான ஸ்மார்ட் ஃபோன் அனுபவத்துக்கு உன்னதமான வடிவமைப்பு. தற்போது முற்பதிவு செய்து கொள்ள முடியும் WEDNESDAY, 27TH JANUARY 2021, COLOMBO: இலங்கையில் முதலிடம் வகிக்கும் ஸ்மார்ட்...

மாலியில் இடம்பெற்ற பிரான்ஸ் படைகளுடனான தாக்குதலில் 100 பேர் பலி..!

மாலியில் இடம்பெற்ற பிரான்ஸ் படைகளுடனான தாக்குதலில் கிளர்ச்சியாளர்கள் 100 பேர் உயிரிழந்துள்ளனர். சாஹேல் பாலைவனம் அருகில் இந்த தாக்குதல் இடம்பெற்றதாக மாலி ராணுவம் விடுத்துள்ள அறிக்கையில் தெரிவிக்கப்பட்டுள்ளது. இதேவேளை 2012 ஆம் ஆண்டில் இருந்து வடக்கு...

Developed by: SEOGlitz