மெய்ப்பொருள் காண்பது அறிவு

புதிய PCR இயந்திரத்தை உருவாக்கிய குருநாகலை வைத்தியர்கள்!

- Advertisement -

கொரோனா தொற்றினால் பாதிக்கப்பட்டுள்ளதாக சந்தேகிக்கப்படும் நபர்களை,  PCR பரிசோதனைக்கு உட்படுத்த குருநாகல் வைத்தியசாலையின் விசேட வைத்திய நிபுணர்களினால் புதிய PCR இயந்திரமொன்று உருவாக்கப்பட்டுள்ளது.

கொரோனா தொற்றினால் பாதிக்கப்பட்டுள்ளதாக சந்தேகிக்கப்படும் நபர்களை பரிசோதிப்பதற்கு, இதுவரை  PCR இயந்திரமொன்று இல்லாத காரணத்தினாலேயே, இந்த நடவடிக்கை எடுக்கப்பட்டுள்ளது.

- Advertisement -

வைத்தியசாலையின் வேறு சிகிச்சைப் பிரிவுகளில் இருந்த, பரிசோதனை இயந்திரங்களின் உதிரிப்பாகங்களை ஒன்றிணைத்து, குறித்த  PCR இயந்திரம் தயாரிக்கப்பட்டுள்ளது.

குறித்த  இயந்திரத்தில்,  முறையான  PCR இயந்திரத்தில் காணப்படும் தொழிற்பாடுகள் இல்லாத போதிலும், அதன் ஊடாக நாளாந்தம் சுமார் 10 PCR பரிசோதனைகளை மேற்கொள்ள முடியும் என குருநாகல் போதனா வைத்தியசாலையின் பிரதிப் பணிப்பாளர் வைத்தியர் சந்தன கெந்தன்கமுவ தெரிவித்துள்ளார்.

தெங்கு ஆராய்ச்சி நிலையத்தின் பயன்பாட்டிற்காக கொண்டுவரப்பட்ட PCR இயந்திரமே இதுவரை குருநாகல் போதனா வைத்தியசாலையில் பயன்படுத்தப்பட்டுள்ளது.

எனினும், குறித்த இயந்திரத்தை மீண்டும் வழங்க வேண்டிய தேவையின் அடிப்படையில், இவ்வாறு புதிய PCR இயந்திரம் பொருத்தப்பட்டுள்ளதாக, வைத்தியசாலையின் பிரதிப் பணிப்பாளர் சுட்டிக்காட்டியுள்ளார்.

இதன்படி, புதிய இயந்திரத்தின ஊடான PCR பரிசோதனைகளை நாளை (19) முதல் முன்னெடுக்க தீர்மானித்துள்ளதாக குருநாகல் போதனா வைத்தியசாலையின் பிரதிப் பணிப்பாளர் வைத்தியர் சந்தன கெந்தன்கமுவ மேலும் தெரிவித்துள்ளார்.

தொடர்புபட்ட செய்திகள்

Related News

யாழ் மாநகர முதல்வரின் தன்னிச்சையான முடிவிற்கு எதிராக ஆர்ப்பாட்டம்!

யாழ்ப்பாணம் மத்திய பஸ் நிலைய வாழ்வாதார அங்காடி வியாபாரிகள் மற்றும் மாநகர அப்பிள் வியாபாரிகள் இன்றையதினம் யாழ்.மாநகர சபைக்கு முன்பாக கவனயீர்ப்பு போராட்டம் ஒன்றினை முன்னெடுத்துள்ளனர். மாநகர முதல்வரின் தன்னிச்சையான முடிவால் தாமும் தமது...

ஐக்கிய மக்கள் சக்தியின் நாடாளுமன்ற உறுப்பினர்களுக்கு ஆளும்கட்சி விரிசையில் ஆசனங்கள்!

அரசியலமைப்புத் திருத்தத்திற்கு ஆதரவாக வாக்களித்த ஐக்கிய மக்கள் சக்தியின் நாடாளுமன்ற உறுப்பினர்களுக்கு ஆளும்கட்சி விரிசையில் ஆசனங்களை ஒதுக்குமாறு எதிர்க்கட்சியின் பிரதான அமைப்பாளர் கோரிக்கை விடுத்துள்ளார். 20 ஆவது அரசியலமைப்புத் திருத்தத்திற்கு ஆதரவாக வாக்களித்த ஐக்கிய...

கொரோனா தொற்றாளர்களுக்கு சிகிச்சை வழங்குவதற்காக மேலும் இரண்டு வைத்தியசாலைகள்!

கொரோனா தொற்றாளர்களுக்கு சிகிச்சை வழங்குவதற்காக கம்பஹா  மாவட்டத்தின் மேலும் இரண்டு வைத்தியசாலைகள் நிறுவப்படவுள்ளதாக கம்பஹா மாவட்ட சுகாதார சேவைகள்  பணிப்பாளர்  தெரிவித்துள்ளார். கம்பஹா மாவட்ட பொது வைத்தியசாலை நிர்வாகத்தின் கீழ்  கண்காணிக்கும் வகையில் குறித்த...

அரசியலமைப்பு  திருத்தத்தில்  சபாநாயகர் கையெழுத்திட்டார்!

அரசியலமைப்பின் 20 ஆவது திருத்தத்தில்  சபாநாயகர் மஹிந்த யாப்பா அபேவர்தன கையெழுத்திட்டுள்ளார். நாடாளுமன்ற பிரதி செயலாளர் நாயகம் நீல் இத்தவெல  இதனை தெரிவித்துள்ளார். அரசியலமைப்பின்20ஆவது திருத்தம் இன்றையதினம் நாடாளுமன்றத்துக்கு கையளிக்கப்பட்டிருந்த நிலையில்  சபாநாயகர்  அதனை உறுதிப்படுத்தியுள்ளார். இதேவேளை...

சட்டவிரோதமாக எடுத்துச் செல்லப்பட்ட மதுபான போத்தல்கள் மீட்பு!

அனுமதிப்பத்திரமின்றி சட்டவிரோதமாக கொண்டு செல்லப்பட்ட மதுபான போத்தல்களை   சவளக்கடை பொலிசார்  மீட்டுள்ளனர். மோட்டர் சைக்கிளில் சட்டவிரோதமாக மதுபானம் விற்பனை செய்யப்படுவதாக  பொலிஸாருக்கு கிடைத்த இரகசியத் தகவலையடுத்து மேற்கொள்ளப்பட்ட வீதிச் சோதனையில் குறித்த மதுபானம் கைப்பற்றப்பட்டதாக...

Developed by: SEOGlitz