மெய்ப்பொருள் காண்பது அறிவு

வத்தளையில் உணவுப் பொதி விற்பனை செய்தவருக்கு கொரோனா தொற்று உறுதி!

- Advertisement -

திவுலப்பிட்டிய மற்றும்  மினுவாங்கொட ஆகிய பகுதிகளில் கொரோனா தொற்று  பகுதியளவில் கட்டுப்பாட்டுக்குள் கொண்டுவரப்பட்டுள்ளதாக பொது சுகாதார பரிசோதகர்கள் சங்கம் தெரிவித்துள்ளது.

இதனிடையே கட்டுநாயக்க சுதந்திர வர்த்தக வலயத்துடன் தொடர்புடைய கொரோனா தொற்றாளர்களின் எண்ணிக்கை 135 ஆக அதிகரித்துள்ளது.

- Advertisement -

குறித்த  பகுதியில் கொரோனா தொற்றினை கட்டுப்படுத்துவதற்கு நடவடிக்கை எடுக்கப்பட்டுள்ளதாக பொது சுகாதார பரிசோதகர்கள் சங்கத்தின் தலைவர்  உபுல் ரோஹன  தெரிவித்துள்ளார்.

இதேவேளை  கொரோனா தொற்று அச்சநிலைமை காரணமாக கொழும்பு மெனிங் சந்தையின் 32 வர்த்தக நிலையங்கள்  மூடப்பட்டுள்ளன.

குறித்த வர்த்தக நிலையத்தின் பணியாளர் ஒருவரின் மனைவிக்கு கொரோனாதொற்று உறுதிப்படுத்தப்பட்டிருந்த நிலையில் இந்த நடவடிக்கை எடுக்கப்பட்டுள்ளதாகவும்  கொழும்பு மெனிங் சந்தை பொது வர்த்தக சங்க தலைவர் லால் ஹெட்டிகே தெரிவித்துள்ளார்.

இந்த நிலையில் குறித்த வர்த்தக நிலையத்தின் பணியாளர்கள் பி.சி.ஆர் பரிசோதனைகளுக்குட்படுத்தப்பட்டுள்ளதுடன் தொற்றுக்குள்ளான பெண்ணின் கணவர் தனிமைப்படுத்தல் நிலையத்தில் அனுமதிக்கப்பட்டுள்ளதாகவும் குறிப்பிடப்பட்டுள்ளது.

இதேவேளை வத்தளை ஹெந்தல பகுதியில் உணவுப் பொதி விற்பனையில் ஈடுபட்டிருந்த நபர் ஒருவர் கொரோனா தொற்றுக்குள்ளானமை உறுதி செய்யப்பட்டுள்ளது.

குறித்த நபரின் மனைவி மினுவாங்கொடை ஆடைத்தொழிற்சாலை பணியாளர் எனவும்  கண்டறியப்பட்டுள்ளது.

குறித்த பெண் கொரோனா தொற்றுக்குள்ளானமை உறுதிப்படுத்தப்பட்டுள்ளது.

இதேவேளை குறித்த நபர் கடந்த 3 ஆம் திகதி வரை ஹெந்தல பகுதியில்  உணவுப் பொது  விற்பனை  செய்துவந்துள்ளமை தெரியவந்துள்ளது.

எனவே குறித்த நபரிடம் உணவுப்பொதிகளை  கொள்வனவு செய்துள்ளவர்கள் பொது சுகாதார பரிசோதகர்களை தொடர்பு கொள்ளுமாறு சுகாதார அதிகாரிக்ள பொதுமக்களை கோரியுள்ளனர்.

தொடர்புபட்ட செய்திகள்

Related News

மாகந்துர மதுஷ் சுட்டுக் கொலை

பாதாள உலகக் குழுத்தலைவரும் போதைப்பொருள் கடத்தல்காரருமான மாகந்துர மதுஷ் சுட்டுக் கொல்லப்பட்டுள்ளார். மாளிகாவத்தை வீட்டுத்தொகுதியில் பொலிஸாருக்கும் பாதாள உலகக் குழுவினருக்கும் இடையில் இடம்பெற்ற துப்பாக்கிப் பிரயோகத்திலேயே அவர் துப்பாக்கிச் சூட்டுக்கு இலக்காகி உயிரிழந்துள்ளார். மாளிகாவத்தை வீட்டுத்...

பிரபல நகைச்சுவை நடிகர் செய்துள்ள பெருந்தன்மையான செயல்!

தமிழ் சினிமாவில் தற்போது நகைச்சுவை நடிகர்களில் முன்னிலையில் இருந்து வருபவர் நடிகர் யோகி பாபு. தமிழ் திரையுலகில் உள்ள முன்னணி நட்சத்திரங்களான விஜய், ரஜினி, அஜித், சூர்யா, விக்ரம், என பல முன்னணி நடிகர்களுடன்...

வனிதா தனது கணவரை வீட்டை விட்டு அனுப்பி விட்டாரா? விபரம் உள்ளே?

தமிழ் சினிமாவின் பிரபல நடிகரின் மகள் என்ற அடையாளத்தோடு தமிழ் சினிமாவில் நுழைந்தவர் வனிதா விஜயகுமார். இவரது சினிமா வாழ்க்கையை விட அதிகமாக சொந்த வாழ்க்கை பற்றிய செய்திகள் தான் அதிகம். அண்மையில் கடும் எதிர்ப்புகளுக்கு...

உயர்தரப்பரீட்சை நிலையங்களில் சுகாதாரப் பாதுகாப்பை அதிகரிக்க மேலும் நிதி ஒதுக்கீடு

உயர்தரப்பரீட்சை நிலையங்களில், சுகாதாரப் பாதுகாப்பை மேலும் அதிகரிக்க, மேலும் நிதி ஒதுக்கீடு செய்யப்பட்டுள்ளதாக கல்வியமைச்சின் செயலாளர் பேராசிரியர் கபில பெரேரா தெரிவித்துள்ளார். இதன்படி, பரீட்சைக்காக பயன்படுத்தப்பட்டுள்ள பாடசாலைகளின், அபிவிருத்தி சங்கங்களுக்கு தலா 15 ஆயிரம்...

Developed by: SEOGlitz