மெய்ப்பொருள் காண்பது அறிவு

போதைப்பொருள் தடுப்பு பிரிவின் அதிகாரிகளின் விளக்கமறியல் நீடிப்பு!

- Advertisement -

போதைப்பொருள் மோசடியுடன் தொடர்புடைய குற்றச்சாட்டில் கைது செய்யப்பட்டு தடுத்து வைக்கப்பட்டுள்ள பொலிஸ் போதைப்பொருள் தடுப்பு பிரிவின் அதிகாரிகள் 13 பேரின் விளக்கமறியல் எதிர்வரும் 26 ஆம் திகதி வரை நீடிக்கப்பட்டுள்ளது.

இது தொடர்பான வழக்கு கொழும்பு பிரதான நீதவான் நீதிமன்றத்தில் இன்றைய தினம் விசாரணைக்கு எடுத்துக்கொள்ளப்பட்டபோதே இந்த உத்தரவு பிறப்பிக்கப்பட்டுள்ளது.

- Advertisement -

போதைப்பொருள் கடத்தல்காரர்களுடன் சட்டவிரோதமாக தொடர்புகளைப் பேணிய குற்றச்சாட்டிலேயே குறித்த 13 பொலிஸ் போதைப்பொருள் தடுப்பு பிரிவின் அதிகாரிகளும் கைது செய்யப்பட்டுள்ளனர்.

இந்த நிலையில், இன்றைய வழக்கு விசாரணைகளின் போது குறித்த 13 பேரும் நீதிமன்றத்தில் முன்னிலைப்படுத்தப்படவில்லை என தெரிவிக்கப்பட்டுள்ளது.

அத்துடன், குறித்த வழக்கு விசாரணை நடவடிக்கைகளின் முன்னேற்றம் தொடர்பான அறிக்கையொன்று, குற்றப்புலனாய்வு திணைக்களத்தின் சார்பில் நீதிமன்றத்தில் முன்னிலையான, பிரதி சொலிசிட்டர் நாயகம் திலீப பீரிஸினால் சமர்ப்பிக்கப்பட்டுள்ளது.

இதனை அடுத்து, பொலிஸ் போதைப்பொருள் தடுப்பு பிரிவின் அதிகாரிகள் 13 பேரின் விளக்கமறியல் எதிர்வரும் 26 ஆம் திகதி வரை நீடிக்கப்படுவதாக, நீதவான் பணிப்புரை விடுத்தார்.

அத்துடன், குறித்த தினத்தில் விசாரணை நடவடிக்கைகள் குறித்த அறிக்கையொன்றை சமர்ப்பிக்குமாறும் நீதவான் உத்தரவிட்டுள்ளமை குறிப்பிடத்தக்கது.

தொடர்புபட்ட செய்திகள்

Related News

மாவீரர் தினம் குறித்து செய்தி வெளியிட்டோருக்கு நடந்தது என்ன? பொலிஸார் விளக்கம்!

மாவீரர் தினத்தை போற்றும் வகையில், சமூக வலைத்தளத்தில் செய்திகளை வெளியிட்ட குற்றச்சாட்டில், நான்கு பேர் கைது செய்யப்பட்டுள்ளனர். இதன்படி, குறித்த நபர்கள் செங்கலடி பகுதியில் வைத்து, நேற்றைய தினம் ஏறாவூர் பொலிஸாரினால் கைது செய்யப்பட்டுள்ளதாக,...

35 ஆவது பொலிஸ்மா அதிபராக பதவியேற்கின்றார் சி.டி விக்ரமரத்ன!

இலங்கை பொலிஸ் சேவையின் 35 ஆவது பொலிஸ்மா அதிபராக, சி.டி விக்ரமரத்ன இன்றைய தினம் பதவியேற்கவுள்ளார். இதற்கமைய, அவர் இன்று காலை பொலிஸ் தலைமையகத்தில் தனது கடமைகளை ஆரம்பிக்கவுள்ளதாக, பொலிஸ் ஊடகப் பேச்சாளரான பிரதிப்...

PCR தொடர்பில் பண்டாரகம பிரதேச சபைத் தலைவர் முன்வைக்கும் குற்றச்சாட்டு!

பண்டாரகம - அட்டுலுகம பகுதியில், பல தரப்பினர் PCR பரிசோதனையை தவிர்த்து செயற்படுவதாக பண்டாரகம பிரதேச சபைத் தலைவர் தேவேந்திர பெரேரா தெரிவித்துள்ளார். அட்டுலுகம பகுதியில் இதுவரை 164 கொரோனா தொற்றாளர்கள் அடையாளங் காணப்பட்டுள்ளதாக...

பிரான்ஸ் பொலிஸ் அதிகாரிகள் மூவர் பணி இடைநிறுத்தம்- காரணம் என்ன?

பிரான்ஸில் PARRIS நகரில்  கறுப்பு இனத்தவரொருவரை தாக்கிய குற்றச்சாட்டில் அந்தநாட்டு பொலிஸ் அதிகாரிகள் மூவர், பணி இடைநீக்கம் செய்யப்பட்டுள்ளனர் கருப்பினத்தைச் சேர்ந்த இசைத் தயாரிப்பாளர் ஒருவரை PARRIS பொலிஸ் அதிகாரிகள் தாக்கிய சம்பவம், காணொளி...

99 கொரோனா உயிரிழப்புக்கள் பதிவு – முழு விபரம் உள்ளே!

நாட்டில் கொரோனா தொற்று காரணமாக உயிரிழந்தோரின் மொத்த எண்ணிக்கை 99 ஆக உயர்வடைந்துள்ளது. கொரோனா தொற்றுக்குள்ளான மேலும் மூவர் உயிரிழந்துள்ளமை நேற்று நள்ளிரவு உறுதிப்படுத்தப்பட்டதை அடுத்து இந்த அதிகரிப்பு ஏற்பட்டுள்ளது. சுகாதார சேவைகள் பணிப்பாளர் நாயகம்...

Developed by: SEOGlitz