மெய்ப்பொருள் காண்பது அறிவு

விவசாய புரட்சிக்கு வித்திடும் புதிய திட்டம் – தரிசு நிலங்களை இலக்குவைக்கும் அரசாங்கம்..!

- Advertisement -

பெரும்போகத்துக்காக பசளையை தட்டுப்பாடு இன்றி விநியோகிக்குமாறு ஜனாதிபதி கோட்டாபய ராஜபக்ஸ உரிய அதிகாரிகளுக்கு உத்தரவிட்டுள்ளார்.

அரசாங்கம் எதிர்காலத்தை இலக்காகக் கொண்டு பாரிய விவசாய புரட்சியை ஏற்படுத்த திட்டமிட்டுள்ளது.

- Advertisement -

இதற்காக நாட்டில் தரிசு நிலங்களாக இருக்ககூடிய பாரிய நிலங்களை உள்வாங்கி பல ஆண்டுகளுக்கு பிறகு நாட்டில் நெல் உள்ளிட்ட பெரும்போக பயிர்களை மீண்டும் பயிரிட திட்டமிடப்பட்டுள்ளது.

இந்த ஆண்டுக்காக இறக்குமதி செய்யப்பட்டுள்ள பசளைகளுக்கான கொடுப்பனவுகள் முறையாக செலுத்தப்பட்டுள்ள நிலையில், பெருந்தோட்ட மற்றும் பெரும்போக விவசாயிகளுக்கு தேவையான பசளைகளை உரிய நேரத்தில் பெற்றுக்கொடுக்க நடவடிக்கை எடுக்குமாறும் ஜனாதிபதி ஆலோசனை வழங்கியுள்ளார்.

பசளை உற்பத்தி மற்று விநியோகம் தொடர்பான அமைச்சுடன், அதன் எதிர்கால திட்டங்கள் குறித்து ஆராயும் விசேட கூட்டத்திலேயே அவர் இத9னக் குறிப்பிட்டுள்ளார்.

இதேவேளை, நாட்டில் விவசாய துறையை அபிவிருத்தி செய்வதற்கு அரசாங்கம் தேவையான நடவடிக்கைகளை முன்னெடுத்துள்ளதாக பொருளாதார மறுசீரமைப்பு மற்றும் வறுமை ஒழிப்புக்கான ஜனாதிபதி விசேட செயலணியின் தலைவர் பெசில் ராஜபக்ஸ தெரிவித்துள்ளார்.

மேலும், பசளை தேவையைகருத்தில் கொண்டு, அவசியமான பசளையை தடையின்றி இறக்குமதி செய்வதற்கு அரச மற்றும் தனியார் துறையினருக்கு முறையான பின்னணி ஏற்படுத்தப்பட்டுள்ளதாகவும் அவர் சுட்டிக்காட்டியுள்ளார்.

அத்துடன், இறக்குமதி பசளையில் தொடர்ந்தும் தங்கியிராது, நாட்டிற்கு தேவையான பசளையை தயாரிப்பதற்கும் நடவடிக்கை முன்னெடுக்குமாறு ஜனாதிபதி கோட்டாபய ராஜபக்ஸ வலியுறுத்தியுள்ளார்.

இதற்கு பதிலளித்த பெசில் ராஜபக்ஸ, ஜயவர்தனபுர பல்கலைக்கழகம் உள்ளிட்ட ஆராய்சி நிறுவனங்களின் பரிந்துரைகளின் அடிப்படையில், நாட்டுக்கு பொருத்தமான பசளைகளை எதிர்வரும் இரண்டு ஆண்டுகளுக்குள் விநியோகிக்க நடவடிக்கை எடுக்கப்பட்டுள்ளதாக தெரிவித்துள்ளார்

இதேவேளை, நாட்டில் பெரும்போகத்திற்காக பயன்படுத்தப்பட்டும் இராசாயண பசளை பாவனையை இந்த ஆண்டுக்குள் 25 வீதத்தினால் குறைக்குமாறும் ஜனாதிபதி கோட்டாபய ராஜபக்ஸ உரிய அதிகாரிகளுக்கு ஆலோசனை வழங்கியுள்ளார்.

தொடர்புபட்ட செய்திகள்

Related News

இலங்கை மற்றும் ரஷ்யாவுக்கு இடையில் ஆறு ஆண்டுகளுக்குப் பின்னர் மீண்டும் விமான சேவை ஆரம்பம்

இலங்கை மற்றும் ரஷ்யா ஆகிய நாடுகளுக்கிடையில் ஆறு ஆண்டுகளுக்கு முன்னர் இடைநிறுத்தப்பட்ட விமான சேவை இன்று முதல்  மீண்டும் முன்னெடுக்கப்பட்டுள்ளது. ரஷ்யாவின் Moscow நகரில் இருந்து ஶ்ரீலங்கன் விமான சேவைக்குச் சொந்தமான UL-534 எனும்...

AstraZeneca இரண்டாவது தடுப்பூசி செலுத்தும் நடவடிக்கை – விஹாரமகாதேவி பூங்காவில் 24 மணிநேர சேவை முன்னெடுப்பு

AstraZeneca இரண்டாவது தடுப்பூசி செலுத்தும் நடவடிக்கை இன்று காலை 8.30 இக்கு கொழும்பு விகாரமஹாதேவி பூங்காவில் ஆரம்பிக்கப்படவுள்ளது. இதன்படி,  AstraZeneca இரண்டாவது தடுப்பூசி செலுத்தும் நடவடிக்கையினை குறித்த மத்திய நிலையத்தில்  24 மணி நேரம்  ...

அத்தியாவசிய தேவைகளுக்காக மாகாணங்களுக்கு இடையிலான பஸ் போக்குவரத்து இன்று ஆரம்பம்

அத்தியாவசிய தேவைகளுக்காக மாகாணங்களுக்கு இடையிலான பஸ் போக்குவரத்து இன்று முதல் ஆரம்பிக்கப்படவுள்ளதாக இலங்கை போக்குவரத்து சபையின் தலைவர் கிங்ஸ்லி ரணவக்க தெரிவித்துள்ளார். அத்துடன், இன்றைய தினத்தில் மட்டுப்படுத்தப்பட்ட அளவில் பஸ்சேவை முன்னெடுக்கப்படுமெனவும், நாளை முதல்...

ஜப்பானில் இருந்து 7 லட்சத்துக்கும் மேற்பட்ட அஸ்ட்ராசெனெகா தடுப்பூசிகள் இன்று நாட்டை வந்தடையவுள்ளன.

உலக சுகாதார ஸ்தாபனத்தின் கொவெக்ஸ் திட்டத்தின் கீழ் ஜப்பான் அரசாங்கத்தினால் வழங்கப்படும் அஸ்ட்ராசெனெகா தடுப்பூசிகள் இன்று நாட்டிற்கு கொண்டுவரப்படவுள்ளதாக சுகாதார அமைச்சு தெரிவித்துள்ளது இதன்படி, 7 லட்சத்து 28 ஆயிரத்து 460 அஸ்ட்ராசெனெகா தடுப்பூசிகள்...

வாகன விபத்தில் பிரபல நடிகை காலமானார்

லிந்துலை பகுதியில் இடம்பெற்ற வாகன விபத்தில் பிரபல நடிகை காலமானார் சிரேஷ்ட நடிகை ஹயசிந்த் விஜேரட்ன தனது 75 ஆவது வயதில் இவ்வாறு உயிரிழந்துள்ளதாக பொலிஸார் தெரிவித்துள்ளனர் குறித்த நடிகை பயணித்த கார் நுவரெலியா தலவாக்கலை...

Developed by: SEOGlitz