மெய்ப்பொருள் காண்பது அறிவு

மருந்துகளை உள்நாட்டில் உற்பத்தி செய்வதற்கு அரசாங்கம் தீர்மானம்!

- Advertisement -

எதிர்வரும் மூன்று வருடங்களில் நாட்டின் மருந்து தேவையில் 50 வீதத்தினை உள்நாட்டில் உற்பத்தி செய்வதற்குத் திட்டமிடப்பட்டுள்ளது.

சர்வதேச சந்தை மற்றும் பொதுமக்களுக்கு தரமான மருந்துகளை குறைந்த விலையில் வழங்குவதே இதன் நோக்கமென குறிப்பிடப்பட்டுள்ளது.

- Advertisement -

அத்துடன் அனைத்து தயாரிப்புகளும் உலக சுகாதார ஸ்தாபனத்தின் பரிந்துரை மற்றும் தரத்திற்கமைய தயாரிக்கப்பட உள்ளதாக தெரிவிக்கப்படுகிறது.

மருந்து உற்பத்தி மற்றும் ஒழுங்குபடுத்தல் இராஜாங்க அமைச்சின் எதிர்கால திட்டங்கள் குறித்து ஜனாதிபதி செயலகத்தில் நேற்றைய தினம் இடம்பெற்ற கலந்துரையாடலின் போதே ஜனாதிபதி கோட்டாபய ராஜபக்‌ஷ இந்த விடயம் குறித்து கவனம் செலுத்தியுள்ளார்.

ஜனாதிபதி ஊடகப்பிரிவு வெளியிட்டுள்ள ஊடக அறிக்கையிலே இந்த விடயம் தெரிவிக்கப்பட்டுள்ளது.

மேலும், நாட்டில் தற்போதைய மருந்து தேவையில் 85 வீதம்  இறக்குமதி செய்யப்படுவதாகவும் இதற்கென வருடத்திற்கு 130 பில்லியன் ரூபா செலவிடப்படுவதாகவும் இதன்போது சுட்டிக்காட்டப்பட்டுள்ளது.

இதற்கமைய, நாட்டின் மருந்து தேவையை பூர்த்தி செய்வதற்காக  உள்நாட்டில் மருந்து உற்பத்தியை மேற்கொள்வதன் மூலம் ஆண்டுக்கு 60 பில்லியன் ரூபா சேமிக்கப்படுமெனவும் ஜனாதிபதி தெரிவித்துள்ளார்.

மேலும், வெளிநாட்டு சந்தை வாய்ப்புகளை மையப்படுத்தி ஹம்பந்தோட்டை தொழிற்துறை பகுதியில் 400 ஏக்கர் பரப்பளவில் மருந்து உற்பத்தியை மேற்கொள்வதற்கும் தீர்மானிக்கப்பட்டுள்ளது.

இதற்கமைய, மருந்து உற்பத்திகளை மேற்கொள்வதற்கு உலகின் முன்னணி மருந்து நிறுவனங்கள் இணைந்துகொள்ள உள்ளதாகவும் தெரிவிக்கப்படுகிறது.

அத்துடன், அனுராதபுரம் ஒயாமடுவ பகுதியில் 100 ஏக்கர் நிலப்பரப்பில் உள்ளூர் முதலீட்டாளர்களுக்கான வர்த்தக வலையமொன்றும் அமைக்கப்பட உள்ளதாக தெரிவிக்கப்பட்டுள்ளது.

இதேவேளை,  பொது மக்களுக்கு குறைந்த விலையில்  மருந்தை வழங்குவதற்காக நாடுமுழுவதும் 100 மருந்தகங்கள் அமைப்பது குறித்தும் இதன்போது கலந்துரையாடப்பட்டுள்ளது.

அத்துடன், வீடுகளுக்கு மருந்துகளை வழங்கும் திட்டம் குறித்தும் கவனம் செலுத்தப்பட்டுள்ளமை குறிப்பிடத்தக்கது.

தொடர்புபட்ட செய்திகள்

Related News

ரஷ்யாவுடன் ஐரோப்பிய ஒன்றியம் பேச்சுவார்த்தைகளை முன்னெடுப்பது ஆபத்தானது

ரஷ்யாவுடன் ஐரோப்பிய ஒன்றியம் பேச்சுவார்த்தைகளை முன்னெடுப்பது ஆபத்தானது என யுக்ரேன் எதிர்ப்பு வெளியிட்டுள்ளது. ரஷ்ய ஜனாதிபதியுடன் முறையான பேச்சுவார்த்தைகள் முன்னெடுக்கப்பட வேண்டும் என, ஜேர்மனி மற்றும் பிரான்ஸ் ஆகிய நாடுகள் ஐரோப்பிய ஒன்றியத்தை வலியுறுத்திய...

இரண்டாவது இருபதுக்கு 20 போட்டி இன்று

இலங்கை மற்றும் இங்கிலாந்து அணிகளுக்கு இடையிலான இரண்டாவது இருபதுக்கு 20 போட்டி இன்று இடம்பெறவுள்ளது. இந்தப் போட்டி, இலங்கை நேரப்படி இன்றிரவு 11 மணிக்கு ஆரம்பமாகவுள்ளது. இதேவேளை, இந்த இரு அணிகளுக்கும் இடையிலான மூன்று இருபதுக்கு...

யாழ்ப்பாணம் மாவட்டத்துக்கு மேலும் 50 ஆயிரம் கொரோனா தடுப்பூசிகள்

யாழ்ப்பாணம் மாவட்டத்துக்கு மேலும் 50 ஆயிரம் கொரோனா தடுப்பூசிகள் வழங்கப்பட்டுள்ளதாக தெரிவிக்கப்பட்டுள்ளது. முதலாவது கொரோனா தடுப்பூசி பெற்றுக் கொண்டவர்களுக்காக குறித்த தடுப்பூசிகள் பயன்படுத்தப்படவுள்ளதாக சுகாதார அமைச்சு குறிப்பிட்டுள்ளது. இதற்கமைய, எதிர்வரும் திங்கட்கிழமை முதல் குறித்த தடுப்பூசிகளை...

பிரதேச கற்றல் மத்திய நிலையங்களை ஆரம்பிக்க நடவடிக்கை

கொரோனா தொற்று பரவல் காரணமாக பாதிப்புக்கு உள்ளாகியுள்ள பாடசாலை கற்றல் செயற்பாடுகளை வினைத்திறனான வகையில் முன்னெடுக்கும் நோக்கில் யாழ்ப்பாணம் மாவட்டத்தில் பிரதேச கற்றல் மத்திய நிலையங்களை ஆரம்பிக்க நடவடிக்கை எடுக்கப்பட்டுள்ளது. இதற்கமைய, யாழ்ப்பாணம் மாவட்டத்தில்...

16 அரசியல் கைதிகள் விடுதலை செய்யப்பட்டுள்ளனர்

பயங்கரவாத தடைச்சட்டத்தின் கீழ் கைது செய்யப்பட்டு நீண்டகாலமாக சிறைச்சாலைகளில் தடுத்துவைக்கப்பட்டிருந்த  தமிழ் அரசியல் கைதிகள்  16 பேர் இன்று விடுதலை செய்யப்பட்டு, உறவினர்களிடம் ஒப்படைக்கபட்டுள்ளனர். அனுராதபுர சிறைச்சாலையில் இருந்து 15 பேரும் யாழ்ப்பாண சிறைச்சாலையில்...

Developed by: SEOGlitz