மெய்ப்பொருள் காண்பது அறிவு

சீரற்ற வானிலை : நாடு முழுவதிலும் ஏற்பட்ட பாதிப்புக்கள் விபரம்!

- Advertisement -

கடந்த சில நாட்களாக  நாட்டில் நிலவிய சீரற்ற வானிலை காரணமாக கம்பஹா மாவட்டத்திலேயே, அதிகளவான மக்கள் பாதிக்கப்பட்டுள்ளனர்.

இதற்கமைய, கடந்த இரண்டு நாட்களில், கம்பஹா மாவட்டத்தில் கடும் மழை, வெள்ளம் மற்றும் மின்னல் தாக்கம் உள்ளிட்ட அனர்த்தங்களினால் இரண்டாயிரத்து 461 பேர் பாதிக்கப்பட்டுள்ளனர்.

- Advertisement -

இடர் முகாமைத்துவ நிலையம் இன்று வெளியிட்டுள்ள அறிக்கையிலேயே, இந்த விடயம் குறிப்பிடப்பட்டுள்ளது.

இதற்கமைய, கம்பஹா மாவட்டத்தின் களனிய, அத்தனகல்லை, மஹர, மினுவாங்கொடை, தொம்பே, ஜா எல, பியகம, நீர்கொழும்பு, மீரிகம, திவுலப்பிட்டிய, வத்தளை, கட்டானை மற்றும் கம்பஹா ஆகிய பகுதிகளில் இவ்வாறு பாதிப்புகள் ஏற்பட்டுள்ளதாக இடர் முகாமைத்துவ நிலையம் தெரிவிக்கின்றது.

இதேவளை,  சீரற்ற வானிலை காரணமாக கொழும்பு மாவட்டத்தில் 139 குடும்பங்களைச் சேர்ந்த 518 பேர் பாதிக்கப்பட்டுள்ளனர்.

இதற்கமைய, கொழும்பு மாவட்டத்தில் மூன்று வீடுகள் முழுமையாகவும், 136 வீடுகள் பகுதியளவிலும் சேதமடைந்துள்ளன.

கொழும்பு மாவட்டத்தின், மொரட்டுவை, சீத்தாவக்கை மற்றும் ரத்மலானை ஆகிய பகுதிகளிலேயே, அதிகமான பாதிப்புக்கள் ஏற்பட்டுள்ளதாக இடர் முகாமைத்துவ நிலையம் தெரிவிக்கின்றது.

மேலும், களுத்தறை மாவட்டத்தில் 16 குடும்பங்களைச் சேர்ந்த 49 குடும்பங்கள் பாதிக்கப்பட்டுள்ளன.

இதற்கமைய,  கொழும்பு, கம்பஹா மற்றும் களுத்தறை ஆகிய மாவட்டங்கள் உள்ளடங்கும் மேல் மாகாணத்திலேயே அதிகளவான மக்கள் பாதிக்கப்பட்டுள்ளனர்.

இதன்படி, மேல் மாகாணத்தில் மூவாயிரத்து 28 பேர் பாதிக்கப்பட்டுள்ளதாக இடர் முகாமைத்துவ நிலையம் தெரிவிக்கின்றது.

இதேவேளை, அதிகம் பாதிக்கப்பட்ட இரண்டாவது மாகாணமாக வட மேல் மாகாணம் பதிவாகியுள்ளது.

இதற்கமைய, வட மேல் மாகாணத்தின் புத்தளம் மாவட்டத்தில் 159 குடும்பங்களைச் சேர்ந்த 680 பேர் பாதிக்கப்பட்டுள்ளதாக இடர் முகாமைத்துவ நிலையம் தெரிவிக்கின்றது.

இதன்படி, புத்தளம் மாவட்டத்தின் வென்னப்புவ பகுதியிலேயே அதிகளவான பாதிப்புக்கள் ஏற்பட்டுள்ளன.

இதற்கமைய, வென்னப்புவ பகுதியில் 99 குடும்பங்களைச் சேர்ந்த 454 பேர் பாதிக்கப்பட்டுள்ளதாக இடர் முகாமைத்துவ நிலையம் தெரிவிக்கின்றது.

இதேவேளை, கண்டி மாவட்டத்தில் கடும் மழை மற்றும் காற்று காரணமாக 118 குடும்பங்களைச் சேர்ந்த 441 பேர் பாதிக்கப்பட்டுள்ளனர்.

இதன்படி, கண்டி மாவட்டத்தின் மினிப்பே, பாதஹேவாஹெட்ட உள்ளிட்ட பகுதிகளிலேயே அதிக பாதிப்புகள் ஏற்பட்டுள்ளதாக இடர் முகாமைத்துவ நிலையம் தெரிவிக்கின்றது.

இதேவேளை, நாட்டில் தொடர்ந்தும் நிலவிவரும் சீரற்ற வானிலை காரணமாக ஐந்து மாவட்டங்களுக்கு விடுக்கப்பட்டுள்ள மண்சரிவு அபாய எச்சரிக்கை தொடர்ந்தும் அமுலில் உள்ளது

இதன்படி, கொழும்பு, இரத்தினபுரி, களுத்துறை, கேகாலை மற்றும் காலி ஆகிய மாவட்டங்களுக்கு இவ்வாறு மண்சரிவு அபாய எச்சரிக்கை விடுக்கப்பட்டுள்ளது.

கொழும்பு மாவட்டத்தின் சீதாவாக்கை பிரதேச செயலகப் பிரிவிற்கும், காலி மாவட்டத்தின் நெலுவ பிரதேச செயலகப் பிரிவுக்கும் முதலாம் கட்ட மஞ்சள்நிற மண்சரிவு அபாய  எச்சரிக்கை விடுக்கப்பட்டுள்ளது.

மேலும், களுத்துறை மாவட்டத்தின் புளத்சிங்கள மற்றும் பாலிந்தநுவர பிரதேச செயலக பிரிவுகளுக்கும், கேகாலை மாவட்டத்தின் ருவன்வெல்ல, புளத்கொஹுப்பிட்டிய தெஹியோவிட்ட, கேகாலை மற்றும் யட்டியாந்தோட்டை ஆகிய பிரதேச செயலக பிரிவுகளுக்கும் முதலாம் கட்ட மஞ்சள் நிறஅபாய மண்சரிவு எச்சரிக்கை விடுக்கப்பட்டுள்ளது.

அத்துடன், இரத்தினபுரி மாவட்டத்தின் எஹலியகொட பிரதேச செயலகப் பிரிவிற்கும் மஞ்சள்நிற மண்சரிவு அபாய எச்சரிக்கை விடுக்கப்பட்டுள்ளது.

எனவே குறித்த பகுதிகளில் வாழும் மக்கள் மிகவும் அவதானமாக இருக்குமாறு அறிவுறுத்தல் விடுக்கப்பட்டுள்ளது.

இதேவேளை, மேல், சப்ரகமுவ, மத்திய மற்றும் வட மேல் மாகாணங்களிலும், காலி மற்றும் மாத்தறை மாவட்டங்களிலும் மழையுடன் கூடிய வானிலை நிலவக் கூடும் என அறிவிக்கப்பட்டுள்ளது.

இதற்கமைய, குறித்த பகுதிகளின் சில இடங்களில் 50 மில்லிமீற்றர் வரையான மழைவீழ்ச்சி பதிவாகக் கூடும் என எதிர்வுகூறப்பட்டுள்ளது

வளிண்டலவியல் திணைக்களம் வெளியிட்டுள்ள அறிக்கையிலேயே, இந்த விடயம் குறிப்பிடப்பட்டுள்ளது.

அத்துடன், ஊவா மாகாணத்திலும். அம்பாறை மற்றம் மட்டக்களப்பு மாவட்டத்தின் சில பகுதிகளிலும், பிற்பகல் 2.00 மணிக்கப் பின்னர், மழை அல்லது இடியுடன் கூடிய மழை பெய்யக் கூடும் என எதிர்வு கூறப்பட்டுள்ளது.

இதேவேளை, வடக்கு, வடமத்திய மற்றும் வட மேல் மாகாகணங்களிலும், திருகோணமலை. ஹம்பாந்தோட்டை, கண்டி மற்றும் நுவரெலிய மாவட்டங்களிலும், மணித்தியாலத்திற்கு 50 கிலோமீற்றர் வரையான வேகத்தில் காற்றுவீசக் கூடும் என வளிண்டலவியல் திணைக்களம் மேலும் குறிப்பிட்டுள்ளது

தொடர்புபட்ட செய்திகள்

Related News

நாடளாவிய ரீதியில் மக்கள் அஞ்சலி – சர்வமத வழிபாடுகள் முன்னெடுப்பு..!

உயிர்த்த ஞாயிறு தாக்குதல் இடம்பெற்று இன்றுடன் இரண்டு வருடங்கள் பூர்த்தியாகின்றன. 2019 ஆம் ஆண்டு ஏப்ரல் 21 ஆம் திகதி உயிர்த்த ஞாயிறு தின ஆராதனைகள் முன்னெடுக்கப்பட்டிருந்த போது, நாட்டின் பல்வேறு பகுதிகளிலும் அமைந்துள்ள...

உயிர்த்த ஞாயிறு குற்றவாளிகளுக்கு தராதரமின்றி சட்டம் நடைமுறைப்படுத்தப்படும் – நாமல்

உயிர்த்த ஞாயிறு தாக்குதலுடன் தொடர்புடைய குற்றவாளிகளுக்கு தராதரம் பாராது சட்டம் நடைமுறைப்படுத்தப்படும் என நாமல் ராஜபக்ஸ உறுதி கூறியுள்ளார். நாடாளுமன்றத்தில் இன்று உரையாற்றிய போதே அவர் இதனை தெரிவித்தார். நாட்டில் தற்போது உள்ள சட்டங்களுக்கு அமைவாக...

ஆண்டுகள் இரண்டு கடந்தும் நீதிக்காய் இரந்து நிற்கும் மக்கள்!

உயிர்த்த ஞாயிறு தாக்குதல் இடம்பெற்று இன்றுடன் இரண்டு வருடங்கள் பூர்த்தியாகின்றன. 2019 ஆம் ஆண்டு ஏப்ரல் 21 ஆம் திகதி உயிர்த்த ஞாயிறு தின ஆராதனைகள் முன்னெடுக்கப்பட்டிருந்த போது, நாட்டின் பல்வேறு பகுதிகளிலும் அமைந்துள்ள...

கொச்சிக்கடை புனித அந்தோனியார் தேவாலயத்தை அண்மித்த பகுதிகளில் இரண்டு தினங்களுக்கு விசேட போக்குவரத்து திட்டம் அமுல்

கொழும்பு கொச்சிக்கடை புனித அந்தோனியார் தேவாலயத்தில் இன்று மற்றும் நாளைய தினம் இடம்பெறவுள்ள விசேட வழிபாட்டு நிகழ்வினை முன்னிட்டு குறித்த பகுதியில் போக்குவரத்து மட்டுப்படுத்தப்படவுள்ளது. கொழும்பு கொச்சிக்கடை புனித அந்தோனியார் தேவாலயத்துக்கு அதிக அளவிலான...

உத்தேச மாகாண சபை தேர்தல் முறைமைகளில், மலையகத்திற்கு பாதிப்பு – பிரதமரிடம் செந்தில் விளக்கம்

மாகாண சபைத் தேர்தலை நடத்துவதற்கு யோசனை முன்வைக்கப்பட்டுள்ள இரு வழிமுறைகளுக்கும், மலையக பிரதிகளின் எண்ணிக்கை குறைவடையும் என்பதை தாம் பிரதமரின் கவனத்திற்கு கொண்டு சென்றதாக பெருந்தோட்டங்களுக்கான பிரதமரின் ஒருங்கிணைப்புச் செயலாளர் செந்தில் தொண்டமான் தெரிவித்துள்ளார் அனைத்துக்...

Developed by: SEOGlitz