வவுனியா பிரதேச செயலக பிரிவிற்குட்பட்ட பகுதிகளில் வாழும் குடும்பங்கள் தொடர்பான தகவல்களை திரட்டும் நடவடிக்கை ஆரம்பிக்கப்பட்டுள்ளது.
இதற்கமைய, குறித்த நடவடிக்கைக்கு பொதுமக்கள் ஒத்துழைப்பு வழங்குமாறு வவுனியா பிரதேச செயலாளர் ந.கமலதாசன் வேண்டுகோள் விடுத்துள்ளார்.
மேலும், புதிதாக நியமனம் பெற்றுள்ள பட்டதாரிப் பயிலுனர்கள் பொது மக்களின் வீடுகளுக்கு வருகை தரும் போது அவர்களது அடையாளத்தினை உறுதிப்படுத்துவதன் ஊடாக அவர்களினால் கேட்கப்படும் விபரங்களுக்கு ஒத்துழைப்பு வழங்குமாறும் அவர் கேட்டுக்கொண்டுள்ளார்.
அத்துடன், குடும்ப விபர அட்டை அல்லது அதற்கு பதிலாக வழங்கப்பட்டுள்ள ஆவணம் 2019 வாக்காளர் இடாப்பு பட்டியல், குடும்ப அங்கத்தவர்களின் விபரங்கள், பிறப்புச் சான்றிதழ்கள், தேசிய அடையாள அட்டை, திருமணச்சான்றிதழ், தொலைபேசி இலக்கம், கொடுப்பனவு விபரம், காணி ஆவணங்கள் என்பவற்றை பொதுமக்கள் தயார் நிலையில் வைத்திருக்குமாறும் வவுனியா பிரதேச செயலாளர் தெரிவித்துள்ளார்.
