மெய்ப்பொருள் காண்பது அறிவு

சர்வதேச கிரிக்கெட் போட்டிகளின் புதிய நடைமுறைகள் : ஐ.சி.சி  அறிவிப்பு!

- Advertisement -

சர்வதேச கிரிக்கெட் போட்டிகளின் போது, பின்பற்றப்பட வேண்டிய நடைமுறைகள் தொடர்பாக சர்வதேச கிரிக்கெட் பேரவை அறிவித்துள்ளது.

கொவிட்-19 வைரஸ் காரணமாக வீரர்களின் பாதுகாப்பை முன்னிட்டு, அனில் கும்ளே தலைமையிலான குழு முன்வைத்த ஆலோசனைகள் தொடர்பில் ஆராய்ந்த பின்னர், மேற்படி முடிவுகளை சர்வதேச கிரிக்கெட் பேரவையின் தலைமை நிர்வாகிகள் குழு அறிவித்திருக்கிறது.

- Advertisement -

இதன்படி கிரிக்கெட் போட்டிகளின் போது, பந்தின் மீது உமிழ்நீர் இடுவது மற்றும் போட்டிகளில் உள்ளூர் நடுவர்களை நியமிப்பது போன்ற சில தற்காலிக போட்டி ஒழுங்குமுறைகளை திருத்தியமைப்பது தொடர்பாக நடைமுறைக்கு கொண்டுவரவுள்ளதாக சர்வதேச கிரிக்கெட் பேரவை உத்தியோகபூர்வமாக அறிவித்துள்ளது.

மேலும், டெஸ்ட் போட்டியின் போது கொவிட்-19 வைரஸ் அறிகுறி ஏற்படும் வீரர் ஒருவருக்கு பதிலாக மற்றுமொரு வீரரை நடுவர்களால் நியமிக்க முடியும் எனவும் தெரிவிக்கப்பட்டுள்ளது.

அத்துடன், உமிழ்நீர் மூலமாக பந்தினை சுத்தம் செய்வதற்கு தடை விதிக்கப்பட்டுள்ளது. எனினும், வீரர்கள் பந்தின் மீது உமிழ்நீர் இட்டால், நடுவர்கள் அவர்களுக்கு சந்தர்ப்பங்கள் வழங்க முடியும் என்பதுடன், குறித்த அணிக்கு நடுவர்களால் எச்சரிக்கை கொடுக்கப்படும்.

இதனைத் தொடர்ந்து ஒரு இன்னிங்ஸிற்கு 2 எச்சரிக்கைகள் நடுவர்களால் கொடுக்கப்படுவதுடன், மீண்டும் அந்த தவறிழைக்கப்படுமாயின், துடுப்பெடுத்தாடும் அணிக்கு மேலதிகமாக 5 ஓட்டங்கள் வழங்கப்படும் என சர்வதேச கிரிக்கெட் பேரவை குறிப்பிட்டுள்ளது.

சர்வதேச போட்டிகளில் நடுநிலை நாடுகளை சேர்ந்த நடுவர்கள் மாத்திரமே இருக்க வேண்டும் என்ற கட்டுப்பாட்டினை தற்காலிகமாக நீக்கியுள்ளதுடன், உள்ளூர் நடுவர்களுக்கு சந்தர்ப்பம் வழங்கப்படும் எனவும் சர்வதேச கிரிக்கெட் பேரவை தெரிவித்துள்ளது.

கொவிட்-19 காரணமாக சர்வதேச பயணங்கள் தடைசெய்யப்பட்டுள்ளதால், இந்த தீர்மானம் மேற்கொள்ளப்பட்டுள்ளதாக அப்பேரவை மேலும் குறிப்பிட்டுள்ளது.

அத்துடன், வீரர்களின் உடைகளில் அச்சிடப்படும் லோகோக்களுக்கான கடந்தகால விதிமுறைகள் எதிர்வரும் 12 மாதங்களுக்கு நீக்கப்பட்டுள்ளன.

டெஸ்ட் போட்டிகளில் அச்சிடப்படும் மூன்று லோகோக்களை தவிர்த்து, 32 சதுர அங்குலத்துக்கு அதிகமாகாத லோகோ ஒன்றினை வீரர்களின் சீருடைகளில் அச்சிட முடியும் என சர்வதேச கிரிக்கெட் பேரவை அறிவித்துள்ளமை குறிப்பிடத்தக்கது.

தொடர்புபட்ட செய்திகள்

Related News

ஒவ்வொரு தருணமும் பெண்களின் உரிமைகளுக்காக அர்ப்பணிக்கப்பட வேண்டும் -பிரதமர்

'அவள் ஒரு நாடு, ஒரு தேசம், ஒரு உலகம்' எனும் தொனிப்பொருளில் கொண்டாடப்படும் சர்வதேச மகளிர் தினத்தை முன்னிட்டு பிரதமர் மஹிந்த ராஜபக்ஸ வாழ்த்து தெரிவித்துள்ளார். பெண்களின் உரிமைகளுக்காக ஒரு தினம் கொண்டாடப்பட்ட போதிலும்,...

‘ஸ்புட்னிக் வீ’ தடுப்பூசிக்காக ரஷ்யாவுக்கு அனுப்பப்பட்ட முக்கிய கடிதம்!

நாட்டில் அவசர தேவை நிமித்தம் ரஷ்யாவின் ஸ்புட்னிக் வீ தடுப்பூசியினை பெற்றுக்கொள்வது தொடர்பில் ரஷ்ய அதிகாரிகளுக்கு அரசாங்கம் கடிதம் மூலம் அறிவித்துள்ளதாக ராஜாங்க அமைச்சர் சன்ன ஜயசுமன தெரிவித்துள்ளார். கொரோனா தடுப்பூசி செலுத்தப்படும் நடவடிக்கை...

நாட்டில் கொரோனா தொற்றின் தற்போதைய நிலவரம்!

நாட்டில் கொரோனா தொற்றுக்குள்ளான மேலும் 337 பேர் நேற்றைய நாளில் அடையாளம் காணப்பட்டுள்ளனர். கொவிட் 19 தொற்று பரவலை தடுப்பதற்கான தேசிய செயலணியின் தலைவரும் இராணுவ தளபதியுமான ஷவேந்திர சில்வா இந்த விடயத்தை தெரிவித்துள்ளார். மினுவாங்கொடை...

ஜனாதிபதி, பிரதமரின் வழிகாட்டலில் மாகாண சபைத் தேர்தல்கள் நடத்தப்படும் – ரொஷான் ரணசிங்க உறுதி

மாகாண சபைத் தேர்தலை நடத்துவது தொடர்பில் கூட்டு முடிவொன்று மேற்கொள்ளப்படும் என, மாகாண சபைகள் மற்றும் உள்ளூராட்சி மன்ற இராஜாங்க அமைச்சர் ரொஷான் ரணசிங்க தெரிவித்துள்ளார். மேலும், தற்போது மாகாண சபைகள் மக்கள் பிரதிநிதிகள்...

கொரோனா தடுப்பூசி பெற்றோரின் எண்ணிக்கை 729,000 ஐ கடந்தது

நாட்டில் இதுவரையான காலப்பகுதியில் கொரோனா தடுப்பூசி வழங்கப்பட்டவர்களின் மொத்த எண்ணிக்கை 7 இலட்சத்து 29 ஆயிரத்தைக் கடந்துள்ளது. சுகாதார அமைச்சின் தொற்று நோய் பிரிவு வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. இந்தியாவின் சீரம் நிறுவனத்தினால்...

Developed by: SEOGlitz