மெய்ப்பொருள் காண்பது அறிவு

போக்குவரத்து நெருக்கடி காணப்படும் பிரதேசங்களில் புதிய போக்குவரத்து நடைமுறை!

- Advertisement -

கொழும்பு மற்றும் போக்குவரத்து நெருக்கடி காணப்படும் பிரதேசங்களில் பேருந்து முன்னுரிமைப்பாதை நடைமுறை இன்று முதல் நடைமுறைப்படுத்தப்படவுள்ளது.

பொலிஸ் தலைமையகத்தின் போக்குவரத்து கட்டுப்பாடு மற்றும் வீதிப் பாதுகாப்பு குறித்த சிரேஷ்ட அதிகாரி இந்திக ஹப்புகொட இதனை தெரிவித்துள்ளார்.

- Advertisement -

2015ஆம் ஆண்டுமுதல் நடைமுறையில் உள்ள இந்த செயற்றிட்டம், கொரோனா தொற்று பரவல் காரணமாக நடைமுறைப்படுத்தப்படவில்லை எனவும் அவர் கூறியுள்ளார்.

இதன் காரணமாக, இன்று முதல் இரண்டு வாரங்களுக்கு இந்த செயற்றிட்டம் குறித்து சாரதிகளுக்கு அறிவுறுத்தப்படும் எனவும், எதிர்வரும் 22ஆம் திகதி முதல் கடுமையாக அமுல்படுத்தப்படும் எனவும் அவர் குறிப்பிட்டுள்ளார்.

இதன்படி, மொறட்டுவை முதல் இரத்மலானை வரையிலும், தெஹிவளை   மற்றும்  சவோய் திரையரங்கு முதல் கொள்ளுபிட்டி தர்மபால மாவத்தை, கொம்பனிவீதி, குமாரரத்னம் வீதி, றீகல் முதல் புறக்கோட்டை வரையிலும், பேருந்து முன்னுரிமைப்பாதை நடைமுறை அமுல்படுத்தப்பட உள்ளது.

காலை 6 மணி முதல் 9 மணி வரையிலும், மாலை 4 மணி முதல் இரவு 7 மணி வரையிலும், இந்த பேருந்து முன்னுரிமைப்பாதை நடைமுறை செயல்படுத்தப்பட உள்ளது.

இதேவேளை, பேருந்து முன்னுரிமைப்பாதைக்குள், பேருந்துகளுக்கு மாத்திரம்  உரிய நேரத்தில் அனுமதி வழங்கப்படும் என போக்குவரத்து கட்டுப்பாடு மற்றும் வீதிப் பாதுகாப்பு குறித்த சிரேஷ்ட அதிகாரி தெரிவித்துள்ளார்.

இதன்படி, 20 ஆசனங்களுக்கு அதிகமான அலுவலக வாகன சேவை, பாடசாலை மாணவர்களுக்கான பேருந்து மற்றும் வான் ஆகியனவற்றுக்கு மட்டுமே பேருந்து முன்னுரிமைப் பாதைக்குள், பயணிக்க அனுமதி வழங்கப்படும் எனவும் அவர் சுட்டிக்காட்டியுள்ளமை குறிப்பிடத்தக்கது.

தொடர்புபட்ட செய்திகள்

Related News

பரந்தன் – பூநகரி பிரதான வீதி பூட்டப்பட்டது!

கிளிநொச்சி, பரந்தன் - பூநகரி வீதியூடான போக்குவரத்துக்கள் முற்றாகத் தடை செய்யப்பட்டுள்ளதாக கிளிநொச்சி வீதி அபிவிருத்தி அதிகார சபையின் நிறைவேற்றுப் பொறியியலாளர்  சி.எம். மொறாய்ஸ் தெரிவித்துள்ளார். இதன்படி பரந்தன் பூநகரி வீதியூடாக எதிர்வரும் மூன்றாம்...

தொழில் பிணக்குகள் தொடர்பில் தோட்ட நிர்வாகங்கள் ஒழுங்காகச் செயற்படவில்லை : அரவிந்தகுமார்!

தொழில் பிணக்குகள் தொடர்பில் தோட்ட நிர்வாகங்கள் முறையற்ற போக்கை கடைப்பிடித்து வருவதாக நாடாளுமன்ற உறுப்பினர் அருணாசலம் அரவிந்தகுமார் குறிப்பிட்டுள்ளார். பதுளையில் இன்று நடைபெற்ற நிகழ்வொன்றில் கலந்துக்கொண்டு கருத்து தெரிவிக்கும் போதே அவர் இதனைக் குறிப்பிட்டார்.   CAPITAL...

வீதியை புனரமைத்து தருமாறு கோரி மடுல்சீமை மக்கள் ஆர்ப்பாட்டம்!

மடுல்சீம - மாதோவ பிரதேச மக்கள் இன்று ஆர்ப்பாட்டம் ஒன்றினை முன்னெடுத்திருந்தனர். மடுல்சீம - பசறை பிரதான வீதியை புனரமைத்து தருமாறு கோரியே இந்த ஆர்ப்பாட்டம் முன்னெடுக்கப்பட்டது. மருத்துவ தேவைகளுக்காக பயணிப்போர், பாடசாலை மாணவர்கள் என...

கொக்குப்படையான் கிராம மக்களால் கவனயீர்ப்பு போராட்டம் முன்னெடுப்பு!

கொக்குப்படையான் மீனவக் கிராமம்  கடலரிப்பினால் மூழ்கும் நிலையில் உள்ளதாக பிரதேச மக்கள் குறிப்பிட்டுள்ளனர். மன்னார் முசலி பிரதேசச் செயலாளர் பிரிவுக்குற்பட்ட  கொக்குப்படையான் மீனவக் கிராமம்  கடலரிப்பினால் மூழ்கும் நிலையில் உள்ளது எனவும், விரைந்து நடவடிக்கை...

கொரோன தொற்றுக்குள்ளான மேலும் இருவர் அடையாளம்!

கொரோன வைரஸ் தொற்றுக்குள்ளான மேலும் இருவர் அடையாளம் காணப்பட்டுள்ளனர். ஓமான் நாட்டில் இருந்து நாடு திரும்பியவர்களே இவ்வாறு கொரோனா வைரஸ் தொற்றுக்குள்ளானதாக அடையாளம் காணப்பட்டுள்ளனர். அரசாங்கத் தகவல் திணைக்களம் வெளியிட்டுள்ள அறிக்கையிலே இந்த விடயம் தெரிவிக்கப்பட்டுள்ளது. இதற்கமைய,...

Developed by: SEOGlitz