மெய்ப்பொருள் காண்பது அறிவு

நிதி நிறுவனங்களில் வைப்புச் செய்யும் போது அவதானம் தேவை : பந்துல குணவர்தன!

- Advertisement -

த பினான்ஸ் நிதி நிறுவனம் மூடப்படுகின்றமை காரணமாக நெருக்கடியை எதிர்நோக்கியுள்ள வாடிக்கையாளர்களுக்கு அடுத்த வாரம் முதல் கொடுப்பனவுகள் வழங்கப்பட உள்ளதாக அறிவிக்கப்பட்டுள்ளது.

மத்திய வங்கியினால் இந்த தீர்மானம் மேற்கொள்ளப்பட்டுள்ளதாக, இன்றைய அமைச்சரவைக் கூட்டத்தின்போது, அமைச்சரவைப் பேச்சாளர் பந்துல குணவர்தன தெரிவித்தார்.

- Advertisement -

“நிதி நிறுவனங்களின் அனுமதிப் பத்திரம் ரத்து செய்யப்படுகின்றமை, மூடப்படுகின்றமை அல்லது முன்னைய நிலைமையின் அடிப்படையிலோ நாட்டின் இலட்சக்கணக்கான மக்கள் எதிர்நோக்கியுள்ள நெருக்கடி நிலைமை குறித்து பாரிய கலந்துரையாடலொன்றை நாம் முன்னெடுத்திருந்தோம்.

அனைத்து வைப்பாளர்களுக்கும் தலா ஆறு இலட்சம் ரூபா என்ற வகையில் கொடுப்பனவுகளை வழங்கும் நடவடிக்கை திங்கட்கிழமை முதல் ஆரம்பிக்கப்படுவதாக, மத்தியவங்கியினால் பிரதமர் மஹிந்த ராஜபக்‌ஷவுக்கு அறிவிக்கப்பட்டுள்ளது.

இதன்படி, மொத்த வைப்பாளர்களில் 93 வீதமானோரின் பிரச்சினை தீர்க்கப்பட்டுவிடும். ஆறு இலட்சம் ரூபாவை விட அதிகமாக வைப்பிலிட்டவர்கள் 7 வீதமானோர் உள்ளனர்.

இவர்களுக்கு உடனடியாக கொடுப்பனவை வழங்க முடியாதுள்ளதாக தெரிவிக்கப்பட்டுள்ளது.

இவர்களுக்கு நிறுவனத்தை மூடும் செயற்பாடுகளை நிறைவு செய்வதற்குள் கொடுப்பனவுகளை வழங்கி முடிக்க நடவடிக்கை எடுக்கப்படும்.

இதேவேளை, நிதி நிறுவனங்களில் வைப்புகளை மேற்கொள்ளும் போது அவதானமாக செயற்பட வேண்டும்.

ஏதேனும் ஒரு நிதி நிறுவனத்தில் பணத்தை வைப்பிலிடும்போது மத்திய வங்கியினால் ஆறு இலட்சம் ரூபா வரை மட்டுமே பொறுப்புக் கூறப்படும் என்பது எமது கலந்தரையாடல்களில் தெளிவாகியுள்ளது.

ஆகவே நாட்டில் உள்ள வைப்பாளர்கள் தமது பணத்தை நிதி நிறுவனங்களில் வைப்பிலிடும்போது, தமது பாதுகாப்பான எல்லை 6 இலட்ச ரூபா என்பதை அறிந்து கொள்வது முக்கியம் எனக் கருதுகிறேன்.

6 இலட்சம் ரூபா என்றாலும் வைப்பாளர் காப்புறுதி திட்டத்தின் கீழ் மத்தியவங்கியினால் அந்த பணத்தை வழங்க நடவடிக்கை எடுக்கப்படும். அதற்கு அதிகமான பணத்தையே வழங்க முடியாதுள்ளது.

ஆகவே, எந்தவொரு வைப்பாளரும் தமது பணத்தை நிதி நிறுவனங்களில் வைப்பிலிடும்போது, அந்த நிறுவனங்களால் வழங்கப்படும் அதிக வட்டியை மாத்திரம் கருத்திற் கொள்ளாது தமது வைப்புக்கான பாதுகாப்பையும் கருத்திற் கொண்டு செயற்பட வேண்டும் என பொதுமக்களிடம் கேட்டுக்கொள்கிறோம்” என  அமைச்சரவைப் பேச்சாளர் பந்துல குணவர்தன மேலும் குறிப்பிட்டுள்ளார்.

தொடர்புபட்ட செய்திகள்

Related News

பரந்தன் – பூநகரி பிரதான வீதி பூட்டப்பட்டது!

கிளிநொச்சி, பரந்தன் - பூநகரி வீதியூடான போக்குவரத்துக்கள் முற்றாகத் தடை செய்யப்பட்டுள்ளதாக கிளிநொச்சி வீதி அபிவிருத்தி அதிகார சபையின் நிறைவேற்றுப் பொறியியலாளர்  சி.எம். மொறாய்ஸ் தெரிவித்துள்ளார். இதன்படி பரந்தன் பூநகரி வீதியூடாக எதிர்வரும் மூன்றாம்...

தொழில் பிணக்குகள் தொடர்பில் தோட்ட நிர்வாகங்கள் ஒழுங்காகச் செயற்படவில்லை : அரவிந்தகுமார்!

தொழில் பிணக்குகள் தொடர்பில் தோட்ட நிர்வாகங்கள் முறையற்ற போக்கை கடைப்பிடித்து வருவதாக நாடாளுமன்ற உறுப்பினர் அருணாசலம் அரவிந்தகுமார் குறிப்பிட்டுள்ளார். பதுளையில் இன்று நடைபெற்ற நிகழ்வொன்றில் கலந்துக்கொண்டு கருத்து தெரிவிக்கும் போதே அவர் இதனைக் குறிப்பிட்டார்.   CAPITAL...

வீதியை புனரமைத்து தருமாறு கோரி மடுல்சீமை மக்கள் ஆர்ப்பாட்டம்!

மடுல்சீம - மாதோவ பிரதேச மக்கள் இன்று ஆர்ப்பாட்டம் ஒன்றினை முன்னெடுத்திருந்தனர். மடுல்சீம - பசறை பிரதான வீதியை புனரமைத்து தருமாறு கோரியே இந்த ஆர்ப்பாட்டம் முன்னெடுக்கப்பட்டது. மருத்துவ தேவைகளுக்காக பயணிப்போர், பாடசாலை மாணவர்கள் என...

கொக்குப்படையான் கிராம மக்களால் கவனயீர்ப்பு போராட்டம் முன்னெடுப்பு!

கொக்குப்படையான் மீனவக் கிராமம்  கடலரிப்பினால் மூழ்கும் நிலையில் உள்ளதாக பிரதேச மக்கள் குறிப்பிட்டுள்ளனர். மன்னார் முசலி பிரதேசச் செயலாளர் பிரிவுக்குற்பட்ட  கொக்குப்படையான் மீனவக் கிராமம்  கடலரிப்பினால் மூழ்கும் நிலையில் உள்ளது எனவும், விரைந்து நடவடிக்கை...

கொரோன தொற்றுக்குள்ளான மேலும் இருவர் அடையாளம்!

கொரோன வைரஸ் தொற்றுக்குள்ளான மேலும் இருவர் அடையாளம் காணப்பட்டுள்ளனர். ஓமான் நாட்டில் இருந்து நாடு திரும்பியவர்களே இவ்வாறு கொரோனா வைரஸ் தொற்றுக்குள்ளானதாக அடையாளம் காணப்பட்டுள்ளனர். அரசாங்கத் தகவல் திணைக்களம் வெளியிட்டுள்ள அறிக்கையிலே இந்த விடயம் தெரிவிக்கப்பட்டுள்ளது. இதற்கமைய,...

Developed by: SEOGlitz