மெய்ப்பொருள் காண்பது அறிவு

வருமான வரி  செலுத்தாதோருக்கு அபராத தொகை இல்லை : பந்துல குணவர்தன!

- Advertisement -

இந்த வருடம் ஜூன் மாதம் 20ஆம் திகதி வரையிலான காலப்பகுதிக்குள் வருமான வரி  செலுத்தாதோருக்கு அபராத தொகை விதிக்கப்படாது என அமைச்சரும் அமைச்சரவை இணைப் பேச்சாளருமான பந்துல குணவர்தன தெரிவித்துள்ளார்.

அமைச்சரவை தீர்மானங்கள் குறித்து அறிவிக்கும் ஊடக சந்திப்பில் அவர் இந்த விடயத்தை தெரிவித்துள்ளார்.

- Advertisement -

“நாட்டில் உள்ள சிறிய மற்றும் நடுத்தர தொழில் துறைகள் சுற்றுலாத்துறை, ஆடைக் கைத்தொழில்துறை உள்ளிட்ட பல்வேறு துறைகள் பாதிக்கப்பட்டுள்ளன.

குறித்த தொழில்துறைகளை கொண்டு நடத்த முடியாத நிலை காணப்படுவதால் நான்கு வீத நிவாரண வட்டி விகிதத்தில் கடன் பெற்றுக் கொடுக்க அரசாங்கம் நடவடிக்கை எடுத்தது.

எவ்வாறாயினும் பொருளாதாரத்தில் ஏற்பட்ட சரிவு காரணமாக பலருக்கும் குறித்த நிவாரண வட்டி வீதத்தில் கடன் கிடைக்கவில்லை.

மத்திய வங்கியை குறித்த நிவாரணத்திற்காக 50 பில்லியன் ரூபாய்களே முன்னதாக ஒதுக்கப்பட்டிருந்தது. இந்நிலையில் குறித்த நிதியை 150 பில்லியன்களாக அதிகரிக்க ஜனாதிபதி அமைச்சரவைக்கு பத்திரம் முன்வைத்துள்ளார்.

இதேவேளை வரி செலுத்தாதோருக்கு தேசிய வருமான திணைக்களம் அபராதத் தொகையை விதிப்பது வழமையாகும்.

எனினும் நாடு முடக்கப்பட்ட காலப்பகுதியில் வருமான  வரி செலுத்தாதோருக்கு எந்தவித அபராத தொகையையும் செலுத்த தேவையில்லை என ஜனாதிபதி முன்வைத்த அமைச்சரவை பத்திரத்துக்கு அமைச்சரவை அனுமதி கிடைக்கப்பெற்றுள்ளது.

இதற்கமைய இந்த வருடம் ஜூன் மாதம் 20ஆம் திகதி வரையிலான காலப்பகுதிக்குள் வருமான வரி தொடர்பான அபராதங்களை விதிக்காதிருக்க தீர்மானிக்கப்பட்டுள்ளது” என அமைச்சர்  பந்துல குணவர்தன மேலும் குறிப்பிட்டுள்ளார்.

தொடர்புபட்ட செய்திகள்

Related News

‘ஸ்புட்னிக் வீ’ தடுப்பூசிக்காக ரஷ்யாவுக்கு அனுப்பப்பட்ட முக்கிய கடிதம்!

நாட்டில் அவசர தேவை நிமித்தம் ரஷ்யாவின் ஸ்புட்னிக் வீ தடுப்பூசியினை பெற்றுக்கொள்வது தொடர்பில் ரஷ்ய அதிகாரிகளுக்கு அரசாங்கம் கடிதம் மூலம் அறிவித்துள்ளதாக ராஜாங்க அமைச்சர் சன்ன ஜயசுமன தெரிவித்துள்ளார். கொரோனா தடுப்பூசி செலுத்தப்படும் நடவடிக்கை...

நாட்டில் கொரோனா தொற்றின் தற்போதைய நிலவரம்!

நாட்டில் கொரோனா தொற்றுக்குள்ளான மேலும் 337 பேர் நேற்றைய நாளில் அடையாளம் காணப்பட்டுள்ளனர். கொவிட் 19 தொற்று பரவலை தடுப்பதற்கான தேசிய செயலணியின் தலைவரும் இராணுவ தளபதியுமான ஷவேந்திர சில்வா இந்த விடயத்தை தெரிவித்துள்ளார். மினுவாங்கொடை...

ஜனாதிபதி, பிரதமரின் வழிகாட்டலில் மாகாண சபைத் தேர்தல்கள் நடத்தப்படும் – ரொஷான் ரணசிங்க உறுதி

மாகாண சபைத் தேர்தலை நடத்துவது தொடர்பில் கூட்டு முடிவொன்று மேற்கொள்ளப்படும் என, மாகாண சபைகள் மற்றும் உள்ளூராட்சி மன்ற இராஜாங்க அமைச்சர் ரொஷான் ரணசிங்க தெரிவித்துள்ளார். மேலும், தற்போது மாகாண சபைகள் மக்கள் பிரதிநிதிகள்...

கொரோனா தடுப்பூசி பெற்றோரின் எண்ணிக்கை 729,000 ஐ கடந்தது

நாட்டில் இதுவரையான காலப்பகுதியில் கொரோனா தடுப்பூசி வழங்கப்பட்டவர்களின் மொத்த எண்ணிக்கை 7 இலட்சத்து 29 ஆயிரத்தைக் கடந்துள்ளது. சுகாதார அமைச்சின் தொற்று நோய் பிரிவு வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. இந்தியாவின் சீரம் நிறுவனத்தினால்...

மியன்மாரில் நாடு தழுவிய தொழிற்சங்க நடவடிக்கைக்கு அழைப்பு!

மியன்மார் இராணுவ ஆட்சிக்கு எதிர்ப்பு தெரிவித்து இன்று முதல் நாடு தழுவிய தொழிற்சங்க நடவடிக்கைக்கு அழைப்பு விடுக்கப்பட்டுள்ளது. அந்த நாட்டின் முக்கிய தொழிற்சங்கங்கள் ஒன்றிணைந்து விடுத்துள்ள கூட்டு அறிக்கையில் இந்த விடயம் தெரிவிக்கப்பட்டுள்ளது. அத்துடன், ஜனநாயகத்தைப்...

Developed by: SEOGlitz