மெய்ப்பொருள் காண்பது அறிவு

பள்ளிவாசல்களில் பின்பற்ற வேண்டிய நடைமுறைகள் குறித்து அறிவுறுத்தல்!

- Advertisement -

பள்ளிவாசல்களில் பின்பற்ற வேண்டிய நடைமுறைகள் குறித்து முஸ்லிம் பண்பாட்டலுவல்கள் திணைக்களம் அறிவுறுத்தியுள்ளது.

கடந்த 27 ஆம் திகதி மதத் தலங்களில் பின்பற்ற வேண்டிய நடைமுறைகள் குறித்து சுகாதார அமைச்சு சுற்றுநிருபம் ஒன்றினை வெளியிட்டிருந்தது.

- Advertisement -

இதன் அடிப்படையில் முஸ்லிம் பண்பாட்டலுவல்கள் திணைக்களம் இன்று பள்ளிவாசல்களில் பின்பற்ற வேண்டிய நடைமுறைகள் குறித்து தெளிவுபடுத்தியுள்ளது.

இதன்படி, அனைத்துப் பள்ளிவாசல்களின் பொறுப்பாளர்களும் தமது பிரதேச பொதுச் சுகாதாரப் பிரிவு அதிகாரியினது அறிவுறுத்தல்களுடன் கூடிய தொற்று நீக்கல் செயற்பாடுகளை பள்ளிவாசல்களில் மேற்கொள்ள வேண்டும்.

பள்ளிவாசல்களின் உள்நுழைவிற்காக ஒரு நுழைவாயிலை மட்டுமே பயன்படுத்த வேண்டும் எனவும், குறித்த நுழைவாயில்களில் கைகளைச் சுத்தப்படுத்தும் ஏற்பாடுகளை மேற்கொண்டிருக்க வேண்டும் எனவும் குறிப்பிடப்பட்டுள்ளது.

மேலும் தொழுகையை மேற்கொள்பவர்களுக்கிடையில் ஒரு மீற்றர் இடைவெளி பேணப்படுவதுடன், ஒவ்வொரு தொழுகைக்காகவும் 15 நிமிடத்திற்கு முன்னதாகவே பள்ளிவாசல்கள் திறக்கப்படவேண்டும் என அறிவுறுத்தப்பட்டுள்ளது.

அத்துடன், 45 நிமிடங்களே தொழுகைக்காக ஒதுக்கப்படவேண்டுமெனவும், விசேட தொழுகைகள் மற்றும் கூட்டுத் தொழுகைகள் முன்னெடுக்கப்பட அனுமத்திக்கப்படமாட்டாது எனவும் குறித்த அறிக்கையில் தெரிவிக்கப்பட்டுள்ளது.

ஒரே நேரத்தில் 30 பேர்வரையிலேயே தொழுகைக்காக அனுமதிக்கப்பட வேண்டுமெனவும், அனைவருமே முகக் கவசங்களை அணிந்திருப்பதுடன், சமூக இடைவெளியினை அனைவரும் கடைப்பிடிப்பது அவசியம் எனவும் வலியுறுத்தப்பட்டுள்ளது.

அனைத்து தொழுகையாளர்களும் தொழுகைக்காகப் பயன்படுத்தப்படும் தரைவிரிப்புக்களை தம்முடன் எடுத்துவருவதுடன், தொழுகை முடிந்ததும் அவற்றைத் தம்முடன் எடுத்துச் செல்ல வேண்டுமெனவும் தெரிவிக்கப்பட்டுள்ளது.

பள்ளிவாசல்களைப் பயன்படுத்தும் அனைவரும் சுகாதார அமைச்சினது நடைமுறைகளைப் பின்பற்றவேண்டுமெனவும், பாதுகாப்புத் துறையினர் மற்றும் பொதுச் சுகாதாரப்பிரிவினரிற்கு இவ்விடயம் தொடர்பாக ஒத்துழைப்புக்களையும் வழங்கவேண்டுமென முஸ்லிம் பண்பாட்டலுவல்கள் திணைக்களம் வெளியிட்டுள்ள குறித்த அறிக்கையில் தெரிவிக்கப்பட்டுள்ளது.

தொடர்புபட்ட செய்திகள்

Related News

விராத் கோஹ்லியின் தலைமையிலான உலக டெஸ்ட் சம்பியன்ஷிப் இந்தியக் குழாம் அறிவிப்பு

விராத் கோஹ்லியின் தலைமையில் உலக டெஸ்ட் சம்பியன்ஷிப் போட்டிகளுக்கான இந்தியக் குழாம் அறிவிக்கப்பட்டுள்ளது,   இதில் ரோஹித் ஷர்மா,சு ப்மன் கில்,மயான்க் அகர்வால், அஜின்கே ரஹானே, ஹனுமா விஹாரி, ரிஷாப் பாண்ட்  ஆகியோர் துடுப்பாட்ட வீரர்களாக...

அதிபர் ஆசிரியர்களுக்கு பிரதமர் விடுத்துள்ள அறிவுறுத்தல்

ஆசிரியர்கள் மற்றும் அதிபர்கள் மாணவர்களின் பரீட்சை பெறுபேறுகளை உயர்மட்டத்திற்கு கொண்டு செல்ல அர்ப்பணிப்புடன் செயற்பட வேண்டும் என பிரதமர் மஹிந்த ராஜபக்ஸ தெரிவித்துள்ளார்.   இம் முறை உயர்தரப் பரீட்சையில் தொழில்நுட்ப பிரிவில் அதிக மதிப்பெண்களை...

நாட்டை இரண்டு வாரங்களுக்கு முடக்குவதே சிறந்த தீர்வு – ஐ.தே.க

நாட்டின் தற்போதைய சூழ்நிலையில் எதிர்வரும் 2 வாரங்களுக்கு தேசிய முடக்க செயற்பாட்டினை அமுல்படுத்த வேண்டும் என ஐக்கிய தேசியக் கட்சி தெரிவித்துள்ளது கொழும்பில் இன்று ஊடகங்களுக்கு கருத்துரைத்த கட்சியின் பொதுச் செயலாளர் பாலித ரங்கே...

எஸ்ட்ரா செனேகா தடுப்பூசி தொடர்பில் ஜனாதிபதி விசேட நடவடிக்கை

இலங்கைக்கு தேவையான அஸ்ட்ரா செனகா கொவிட் 19 தடுப்பூசியின் இரண்டாவது தொகுதியை பெற்றுக் கொள்ள, உலக சுகாதார ஸ்தாபனம் முயற்சிகளை முன்னெடுக்கும் என தாம் நம்புவதாக, ஜனாதிபதி கோட்டாபய ராஜபக்ஸ தெரிவித்துள்ளார்.   ஜனாதிபதி கோட்டாபய...

தற்போதைய அரசாங்கம் பல விடயங்களில் தோல்வி கண்டுள்ளது-எஸ் எம் மரிக்கார் 

அரசாங்கம் ஆட்சிப் பொறுபேற்று இன்று பல விடயங்களில் தோல்வி கண்டுள்ளதாக ஐக்கிய மக்கள் சக்தி தெரிவித்துள்ளது. கொழும்பில் இன்று ஊடகங்களுக்கு கருத்துரைத்த நாடாளுமன்ற உறுப்பினர் எஸ் எம் மரிக்கார்  அவர் இதனைக் கூறியுள்ளார் அவர் மேலும்...

Developed by: SEOGlitz