மெய்ப்பொருள் காண்பது அறிவு

பரீட்சார்த்த தேர்தல்களை நடாத்துவதற்கு தேர்தல்கள்ஆணைக்குழு தீர்மானம்!

- Advertisement -

எதிர்வரும் பொதுத் தேர்தலுக்கு முன்னதாக 16 பரீட்சார்த்த தேர்தல்களை நடாத்துவதற்கு  எதிர்பார்த்துள்ளதாக தேர்தல்கள் ஆணைக்குழு  தெரிவித்துள்ளது.

எதிர்வரும் 14ஆம் திகதி முதல் 20 ஆம் திகதி வரையிலான காலப்பகுதிக்குள் குறித்த பரீட்சார்த்த தேர்தல்கள் முன்னெடுக்கப்பட உள்ளன.

- Advertisement -

கொரோனா தொற்று பரவல் காரணமாக  அமுல்படுத்தப்பட்டுள்ள சுகாதார நடைமுறைகளைப் பின்பற்றி தேர்தல்களை நடாத்தும் விதம் தொடர்பாக ஆராயும் நோக்கில் குறித்த பரீட்சார்த்த தேர்தல்கள் நடத்தப்பட உள்ளன.

முன்னதாக, கடந்த 7ஆம் திகதி  அம்பலாங்கொடை பிரதேசத்தில் 200 பேரின் பங்குபற்றலுடன் முதலாவது பரீட்சார்த்த தேர்தல் முன்னெடுக்கப்பட்டிருந்தது.

இதன்போது, கைகளைக் கழுவும் நடைமுறைக்கு பதிலாக, தொற்று நீக்கி திரவத்தை பயன்படுத்துவதற்கு தேர்தல்கள் ஆணைக்குழுவினால் தீர்மானிக்கப்பட்டிருந்தது.

அத்துடன், எதிர்வரும் பொதுத் தேர்தலை நடாத்துவதற்கு  800 கோடி ரூபா முதல் 900 கோடி ரூபா வரை செலவிடப்படும் எனவும் தேர்தல்கள் திணைக்களம் மதிப்பிட்டுள்ளது.

இந்த நிலையில், எதிர்வரும் பொதுத் தேர்தலில் 225 நாடாளுமன்ற ஆசனங்களுக்காக 7 ஆயிரத்து 452 பேர் போட்டியிடுகின்றனர்.

இவர்களில், 25 கட்சிகளின் சார்பாக, 3 ஆயிரத்து 652 பேரும், 313 சுயாதீன குழுக்களின் சார்பாக 3 ஆயிரத்து 800 பேரும் போட்டியிடவுள்ளனர்.

அத்துடன், 2019ஆம் ஆண்டுக்கான வாக்காளர் இடாப்பின் அடிப்படையில் 1 கோடியே 62 இலட்சத்து 63 ஆயிரத்து 885 வாக்காளர்கள் வாக்களிக்கத் தகுதி பெற்றுள்ளனர்.

இதேவேளை, எதிர்வரும் ஓகஸ்ட் மாதம் 5ஆம் திகதி பொதுத் தேர்தலை நடத்துவதற்கான அதிவிசேட வர்த்தமானி அறிவித்தல் நேற்று பிற்பகல் வெளியிடப்பட்டது.

இதன்படி, எதிர்வரும் ஓகஸ்ட் 5 ஆம் திகதி காலை 7 மணிமுதல் மாலை 4 மணிவரை பொதுத் தேர்தல் வாக்களிப்பு இடம்பெறவுள்ளது.

அத்துடன், பொதுத் தேர்தல் வாக்களிப்புக்கான வாக்குச் சீட்டுகளை அச்சிடும் பணிகள் தற்போது இடம்பெற்றுவரும் நிலையில், இதுவரை 7 தேர்தல் மாவட்டங்களுக்கான வாக்குச் சீட்டுகள் அச்சிடப்பட்டுள்ளன.

மேலும், எஞ்சியுள்ள மாவட்டங்களுக்கான வாக்குச் சீட்டுகளை அச்சிடும் பணிகளை எதிர்வரும் வாரத்தில் நிறைவு செய்வதற்கு  எதிர்பார்த்துள்ளதாகவும் அரசாங்க அச்சக திணைக்களம் தெரிவித்துள்ளது.

தொடர்புபட்ட செய்திகள்

Related News

யாழ்ப்பாணப் பல்கலைக்கழக மெய்யியல் துறை நடாத்தும் உரையரங்கம் வரும் ஞாயிற்றுக்கிழமை

யாழ்ப்பாணப் பல்கலைக்கழகத்தின் மெய்யியல் துறை நடாத்தும் “இளையோர், உண்மைகள் மற்றும் அர்த்தமுள்ள வாழ்க்கை” எனும் கருப்பொருளிலாலான உரையரங்கம் வரும் ஞாயிற்றுக்கிழமை மாலை 7 மணிக்கு இணையவழியூடாக இடம்பெறவுள்ளது. இவ் உரையாடலானது தொடர்ச்சியாக பல...

தெரனியகலை பிரதேச சபை தவிசாளர் கைது

அரச சொத்துக்களை துஷ்பிரயோகம் செய்த குற்றச்சாட்டில் தெரனியகலை பிரதேச சபை தவிசாளர் கைது செய்யப்பட்டுள்ளார் தேசிய நீர்வழங்கல் வடிகாலமைப்பு சபையினால் தெரனியகலை கும்புருகம பகுதியில் முன்னெடுக்கப்பட்டுவரும் குடிநீர்திட்டத்தில் இடம்பெற்ற மோசடிவிவகாரம் தொடர்பில் விசாரணைகள் முன்னெடுக்கப்பட்டிருந்தன. இந்த...

தென்னிந்திய நடிகர் விவேக் காலமானார்

மாரடைப்பு காரணமாக மருத்துவமனையில் அனுமதிக்கப்பட்டதென்னிந்திய நடிகர் விவேக் காலமானார் சிகிச்சை பலனின்றி இன்று அதிகாலை 4.35 மணிக்கு அவர் உயிரிழந்ததாக வைத்தியசாலை தகவல்கள் தெரிவிக்கின்றன மாரடைப்பு காரணமாக நேற்று காலை சென்னை வடபழனியிலுள்ள தனியார் மருத்துவமனையில்...

சர்ச்சைக்கு உள்ளாகியுள்ள துறைமுகநகரம் – சூடுபிடிக்கும் அரசியல் களம்..!

நாட்டுக்கு பொருத்தமற்ற விடயங்கள் குறித்து பேசுவதை ஜனாதிபதி தவறாக எடுத்துக்கொள்வாராக இருந்தால், எவ்வாறு நாட்டை சரியான இடத்துக்குக் கொண்டுவர முடியும் என நாடாளுமன்ற உறுப்பினர் விஜேதாஸ ராஜபக்ஸ கேள்வி எழுப்பியுள்ளார். கொழும்பு துறைமுகநகர பொருளாதார...

டக்ளஸ் தேவானந்தாவின் கருத்திற்கு எதிராக வலிகாமம் தென்மேற்கு பிரதேச சபையில் கண்டன தீர்மானம் நிறைவேற்றம்

கடற்றொழில் அமைச்சர் டக்ளஸ் தேவானந்தாவின் கருத்திற்கு எதிராக வலிகாமம் தென்மேற்கு பிரதேச சபையில் கண்டன தீர்மானமொன்று நிறைவேற்றப்பட்டுள்ளது. வலிகாமம் தென்மேற்கு பிரதேச சபையின் இன்றைய அமர்வின் போதே இந்த தீர்மானம் நிறைவேற்றப்பட்டுள்ளது. இதன்போது, இந்திய மீனவர்களின்...

Developed by: SEOGlitz