மெய்ப்பொருள் காண்பது அறிவு

சிறுபான்மைச் சமூகங்களில் இருந்து ஜனாதிபதிக்கு ஆதரவு உறுதி : காதர் மஸ்தான்!

- Advertisement -

ஜனாதிபதி மற்றும் பிரதமர் ஆகியோருக்கு சிறுபான்மை சமூகத்தில் இருந்து ஆதரவு அலைகள் ஏற்பட்டுள்ளதாக முன்னாள் பிரதி அமைச்சர் காதர் மஸ்தான் தெரிவித்துள்ளார்.

வவுனியாவில் உள்ள அவரது அலுவலகத்தில் இன்று ஊடகவியலாளரின் கேள்வி ஒன்றுக்கு பதில் அளிக்கும் போதே இவ்வாறு தெரிவித்தார். இவ்விடயம் தொடர்பில் அவர் மேலும் தெரிவிக்கையில்,

- Advertisement -

“ஜனாதிபதி மற்றும் பிரதமர் ஆகியோரின் நல்லாட்சியால் நாட்டு மக்கள் திருப்தியடைந்துள்ளனர். சிறுபான்மை மக்கள் ஜனாதிபதித் தேர்தலுக்கு முன் ஜனாதிபதி தொடர்பில் பாரிய சந்தேகம் கொண்டிருந்தனர்.

சிறுபான்மை நாடாளுமன்ற உறுப்பினர்கள் முன்வைத்த குற்றச் சாட்டுக்களே அதற்கு காரணம். ஆனால் இன்று அதனை மறுதலிக்கும் வகையில் ஜனாதிபதி அவர்களுடைய செயற்பாடுகள் அமைந்துள்ளன.

அவர்களுடைய செயற்பாடுகளால் ஜனாதிபதி மற்றும் பிரதமர் ஆகியோருக்கு சிறுபான்மை சமூகத்தில் இருந்து ஆதரவு அலைகள் ஏற்பட்டுள்ளன.

ஜனாதிபதி தேர்தலின் போது வன்னித் தேர்தல் தொகுதியில் இருந்த தேசிய பட்டியல் நாடாளுமன்ற உறுப்பினர் உட்பட 7 பேரில் நான் மட்டுமே ஜனாதிபதி கோட்டபாய அவர்களுக்கு சார்பாக பிரச்சாரம் செய்திருந்தேன்.

ஏனைய 6 பேரும் முன்னாள் நாடாளுமன்ற உறுப்பினர் சஜித் பிரேமாதாச அவர்களுடன் இருந்தார்கள். அந்த நிலையிலும் ஓரளவு வாக்குளை நாம் எமது பகுதியில் பெற்றுக் கொடுத்தோம்.

தேர்தலுக்கு பிறகு ஜனாதிபதி மற்றும் பிரதமர் ஆகியோரது செயற்பாட்டில் குறிப்பாக சிறுபான்மையின மக்கள் நம்பிக்கை வைத்துள்ளார்கள்.

நாடாளுமன்றம் கலைத்தமையை பிழை என மாற்றுக் கொள்கையுடைய மாற்றுக் கட்சியினர் சிலர் முயற்சித்தார்கள்.

ஆனால் அவ்வாறு இல்லை என சுயாதீனமாக இயங்கும் சட்டத்துறை தெளிவுபடுத்தியுள்ளது. அந்த தீர்ப்பு மூலம் மக்கள் விரும்புகின்ற ஒரு ஆணையை வழங்கியுள்ளது.

தேர்தல் ஆணைக்குழு திகதியை அறிவித்த பின் நாம் அடுத்து தேர்தலை நோக்கி செல்ல இருக்கின்றோம்.

அடுத்து வரும் நாடாளுமன்றத்தை பெரும்பான்மை பலத்துடன் நிறுவ வன்னி மக்களும் ஆதரவு வழங்குவார்கள்” என முன்னாள் பிரதி அமைச்சர் காதர் மஸ்தான் தெரிவித்தார்.

தொடர்புபட்ட செய்திகள்

Related News

விடுதலைப்புலி உறுப்பினர்களின் வழக்குகளை விரைவாக நிறைவு செய்ய அரசாங்கம் நடவடிக்கை..!

உயர் நீதிமன்றத்தில் நிலுவையில் உள்ள, முன்னாள் விடுதலைப்புலி உறுப்பினர்களுடன் தொடர்புடைய, வழக்குகளை விரைவாக நிறைவு செய்வது தொடர்பில், சட்டமா அதிபர் ஆராய்ந்து வருவதாக, இலங்கை அரசாங்கம் குறிப்பிட்டுள்ளது. ஐக்கிய நாடுகள் மனித உரிமை பேரவையின்...

இலங்கையில் தடுப்பூசி வழங்குவதில் உள்ள பின்னணி – இரண்டு வயது குழந்தைக்கும் தடுப்பூசி..!

நாட்டில் முக்கிய பிரமுகர்கள் மற்றும் அரசியல் தலைவர்களுக்கு முன்னுரிமை வழங்கப்பட்டு கொரோனா தடுப்பூசி செலுத்தப்பட்டு வருவதாக தெரிவிக்கப்பட்டுள்ளது. BBC செய்தி சேவையினால் இது தொடர்பில் வெளியிடப்பட்டுள்ள செய்தியிலேயே இந்த விடயம் குறிப்பிடப்பட்டுள்ளது. பிரமுகர்களுக்காக அமைக்கப்பட்டுள்ள தடுப்பூசி...

வடக்கு மாகாண சுகாதார தொண்டர்களினால் நான்காவது நாளாகவும் கவனயீர்ப்பு போராட்டம்

வடக்கு மாகாண சுகாதார தொண்டர்களினால் நான்காவது நாளாகவும், கவனயீர்ப்பு போராட்டமொன்று முன்னெடுக்கப்பட்டுள்ளது. வட மாகாண ஆளுநர் செயலகத்திற்கு முன்னால் குறித்த தொடர் போராட்டம் முன்னெடுக்கப்பட்டுள்ளதாக, எமது பிராந்திய செய்தியாளர் தெரிவித்தார். தமக்கு வழங்கப்பட்ட நியமனத்தை மீள...

பாகிஸ்தான் சுப்பர் லீக் இருபதுக்கு 20 தொடர் அதிரடியாக ஒத்திவைப்பு!

பாகிஸ்தான் சுப்பர் லீக் இருபதுக்கு 20 தொடர் உடன் அமுலுக்கு வரும் வகையில் ஒத்திவைக்கப்பட்டுள்ளதாக, பாகிஸ்தான் கிரிக்கெட் சபை உத்தியோகபூர்வமாக அறிவித்துள்ளது. பாகிஸ்தான் சுப்பர் லீக் இருபதுக்கு 20 தொடரில் பங்கேற்றுள்ள 7 வீரர்களுக்கு...

இலங்கையில் மற்றுமொரு கொரோனா தடுப்பூசிக்கு அனுமதி!

ரஷ்யாவின் ஸ்புட்னிக் வி கொரோனா தடுப்பூசிக்கு, தேசிய ஒளடதங்கள் ஒழுங்குபடுத்தல் அதிகாரசபை அனுமதி வழங்கியுள்ளது. அவசர பாவனைக்காக இந்த அனுமதி வழங்கப்பட்டுள்ளதாக, இராஜாங்க அமைச்சர் சன்ன ஜயசுமன தெரிவித்துள்ளார்.

Developed by: SEOGlitz