மெய்ப்பொருள் காண்பது அறிவு

இலங்கையில் கொரோனாத் தொற்று நெருக்கடி நிலைகளின்போது கருத்து சுதந்திரம் பாதிப்பு : ஐ.நா கவலை!

- Advertisement -

கொரோனாத் தொற்று நெருக்கடி நிலைகளின்போது இலங்கை உள்ளிட்ட ஆசிய – பசிபிக் பிராந்தியங்களில் கருத்து சுதந்திரம் வெகுவாகப் பாதிக்கப்பட்டுள்ளதாக ஐக்கிய நாடுகள் சபையின் மனித உரிமைகள் ஆணையாளர் மைக்கல் பச்லெட் குறிப்பிட்டுள்ளார்.

இவ்விடயம் தொடர்பாக அவர் வெளியிட்டுள்ள விசேட அறிக்கையிலேயே அவர் இதனைத் தெரிவித்துள்ளார்.

- Advertisement -

மேலும், கொரோனாத் தொற்றுக் குறித்து சிறிய குறைபாடுகளை விமர்சித்த அல்லது முன்னிலைப்படுத்தியதாகக் கூறப்படும் நபர்கள் கூட கைது செய்யப்பட்டு கடுமையாகத் தண்டிக்கப்பட்டுள்ளதாகவும் அவர் குறிப்பிட்டுள்ளார்.

பொது அதிகாரிகள் அல்லது கொள்கைகளை வெறுமனே விமர்சித்ததற்காக கைது செய்யப்படுவது அரசியலமைப்பிற்கு விரோதமானது என கடந்த ஏப்ரல் 25 ம் திகதி இலங்கையின் மனித உரிமைகள் ஆணையம் காவல்துறையினருக்கு அறிக்கையினை வழங்கியிருந்தது.

கொரோனா தொற்றுநோய் பரவலின் பின்னர் பல நாடுகளில் தணிக்கை மேலும் இறுக்கமடைந்துள்ளதாகவும், தமது அரசாங்கத்தை விமர்சிக்கும் நபர்களை தன்னிச்சையாக கைதுசெய்து தடுத்து வைத்துள்ளமை அதிகரித்துள்ளதாக மனித உரிமைகள் ஆணையாளர் மைக்கல் பச்லெட் தனது அறிக்கையில் குறிப்பிட்டுள்ளார்.

இந்நிலையில், பத்திரிகைகள் மற்றும் சமூக ஊடகங்கள் மூலம் அதிருப்தியை வெளிப்படுத்தியதாக அல்லது தவறான தகவல்களை பரப்பியதாக கைது செய்யப்பட்டவர்கள் பங்களாதேஷ், கம்போடியா, சீனா, இந்தியா, இந்தோனேசியா, மலேசியா, மியான்மர், நேபாளம், பிலிப்பைன்ஸ், இலங்கை, தாய்லாந்து மற்றும் வியட்நாம் ஆகிய நாடுகளில் பதிவாகியுள்ளனர்.

எனவே இவ்வாறான அசாதாரண நிலைகளின்போது அரசாங்கங்கள் நியாயமான சட்டபூர்வமான நடவடிக்கைகளை எடுக்க வேண்டும்.

அத்துடன் குறித்த சட்டங்கள் மக்களுக்கான இலகுபடுத்தப்பட்ட தண்டனைகளைப் பெற்றுக் கொடுப்பதாக அமைய வேண்டுமெனவும் மனித உரிமைகள் ஆணையாளர் மைக்கல் பச்லெட் அறிவுறுத்தியுள்ளார்.

தொடர்புபட்ட செய்திகள்

Related News

ஒவ்வொரு தருணமும் பெண்களின் உரிமைகளுக்காக அர்ப்பணிக்கப்பட வேண்டும் -பிரதமர்

'அவள் ஒரு நாடு, ஒரு தேசம், ஒரு உலகம்' எனும் தொனிப்பொருளில் கொண்டாடப்படும் சர்வதேச மகளிர் தினத்தை முன்னிட்டு பிரதமர் மஹிந்த ராஜபக்ஸ வாழ்த்து தெரிவித்துள்ளார். பெண்களின் உரிமைகளுக்காக ஒரு தினம் கொண்டாடப்பட்ட போதிலும்,...

‘ஸ்புட்னிக் வீ’ தடுப்பூசிக்காக ரஷ்யாவுக்கு அனுப்பப்பட்ட முக்கிய கடிதம்!

நாட்டில் அவசர தேவை நிமித்தம் ரஷ்யாவின் ஸ்புட்னிக் வீ தடுப்பூசியினை பெற்றுக்கொள்வது தொடர்பில் ரஷ்ய அதிகாரிகளுக்கு அரசாங்கம் கடிதம் மூலம் அறிவித்துள்ளதாக ராஜாங்க அமைச்சர் சன்ன ஜயசுமன தெரிவித்துள்ளார். கொரோனா தடுப்பூசி செலுத்தப்படும் நடவடிக்கை...

நாட்டில் கொரோனா தொற்றின் தற்போதைய நிலவரம்!

நாட்டில் கொரோனா தொற்றுக்குள்ளான மேலும் 337 பேர் நேற்றைய நாளில் அடையாளம் காணப்பட்டுள்ளனர். கொவிட் 19 தொற்று பரவலை தடுப்பதற்கான தேசிய செயலணியின் தலைவரும் இராணுவ தளபதியுமான ஷவேந்திர சில்வா இந்த விடயத்தை தெரிவித்துள்ளார். மினுவாங்கொடை...

ஜனாதிபதி, பிரதமரின் வழிகாட்டலில் மாகாண சபைத் தேர்தல்கள் நடத்தப்படும் – ரொஷான் ரணசிங்க உறுதி

மாகாண சபைத் தேர்தலை நடத்துவது தொடர்பில் கூட்டு முடிவொன்று மேற்கொள்ளப்படும் என, மாகாண சபைகள் மற்றும் உள்ளூராட்சி மன்ற இராஜாங்க அமைச்சர் ரொஷான் ரணசிங்க தெரிவித்துள்ளார். மேலும், தற்போது மாகாண சபைகள் மக்கள் பிரதிநிதிகள்...

கொரோனா தடுப்பூசி பெற்றோரின் எண்ணிக்கை 729,000 ஐ கடந்தது

நாட்டில் இதுவரையான காலப்பகுதியில் கொரோனா தடுப்பூசி வழங்கப்பட்டவர்களின் மொத்த எண்ணிக்கை 7 இலட்சத்து 29 ஆயிரத்தைக் கடந்துள்ளது. சுகாதார அமைச்சின் தொற்று நோய் பிரிவு வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது. இந்தியாவின் சீரம் நிறுவனத்தினால்...

Developed by: SEOGlitz