மெய்ப்பொருள் காண்பது அறிவு

அரசாங்கத்தின் மற்றுமொரு செயற்திட்டம் இன்று ஆரம்பம்..!

- Advertisement -

கொரோனா வைரஸ் தாக்கம் காரணமாக நாடு திரும்ப முடியாத நிலையில், வெளிநாடுகளில் சிக்கியுள்ள இலங்கை மாணவர்களை நாட்டுக்கு அழைத்து வருவதற்கான செயற்றிட்டத்தின் இரண்டாம் கட்டம் இன்று ஆரம்பமாக உள்ளது.

ஏற்கனவே மேற்கொள்ளப்பட்ட முதற்கட்ட செயற்றிட்டத்தில் இந்தியா, நேபாளம், பங்களாதேஷ் மற்றும் பாகிஸ்தான் ஆகிய தெற்காசிய நாடுகளில் இருந்து இலங்கை மாணவர்கள் அழைத்து வரப்பட்டிருந்தனர்.

- Advertisement -

இதன்படி, இரண்டாம் கட்ட செயற்றிட்டத்தில் பிரித்தானியா மற்றும் அவுஸ்திரேலியா ஆகிய நாடுகளில் சிக்கியுள்ள மாணவர்கள் அழைத்து வரப்பட உள்ளனர்.

இலங்கை வெளியுறவு அமைச்சு, அந்த நாடுகளில் உள்ள தூதரகங்கள் மற்றும் அந்த நாடுகளில் உள்ள இலங்கை சிவில் விமான சேவை அதிகாரிகள் ஆகியோர் ஒன்றிணைந்து இந்த நடவடிக்கையை முன்னெடுத்துள்ளனர்.

இதன் அடிப்படையில், இன்று, நாளை மற்றும்  நாளை மறுதினம் ஆகிய திகதிகளில் ஶ்ரீலங்கன் எயார்லைன்ஸின் விசேட விமானங்கள், பிரித்தானியாவின் மூன்று முக்கிய விமான நிலையங்களின் ஊடாக அந்த நாட்டில் சிக்கியுள்ள இலங்கை மாணவர்களை அழைத்து வரவுள்ளன.

இதற்கமைய, முதலாவது விமானம் இன்று அதிகாலை 4.40 அளவில் பிரித்தானியாவின் லண்டனில் உள்ள ஹீத்ரூ விமான நிலையம் நோக்கி புறப்பட்டதாக எமது விமான நிலைய செய்தியாளர் தெரிவித்தார்.

இதற்கமைய, இந்த விமானம் மூலம் 250 மாணவர்கள் நாட்டுக்கு அழைத்துவரப்படவுள்ளனர்.

இந்த நிலையில், குறித்த விமானம் நாளை நள்ளிரவு 12.45 அளவில் நாட்டை வந்தடையவுள்ளதாக, எமது விமான நிலைய செய்தியாளர் மேலும் குறிப்பிட்டார்.

இதேவேளை, எதிர்வரும் 8ஆம் திகதி, அவுஸ்திரேலியாவின் மெல்பேர்ன் நகருக்கு செல்லவுள்ள விசேட விமானம் மூலம் அந்த நாட்டில் சிக்கியுள்ள இலங்கை மாணவர்கள் அழைத்து வரப்பட உள்ளனர்.

குறித்த விமானம் அவுஸ்திரேலியாவின் மெல்பேர்ன் நகரில் இருந்து காலை 8.15க்கு புறப்பட்டு பிற்பகல் 2.30 மணிக்கு கட்டுநாயக்க விமான நிலையத்தை வந்தடைய உள்ளமை குறிப்பிடத்தக்கது.

தொடர்புபட்ட செய்திகள்

Related News

முன்னணி நடிகர்களிடையில் நேரடி மோதல்..?

தமிழ் திரையுலகில் பிசியான நடிகர்களாக வலம் வரும் தனுஷ், சந்தானம் ஆகியோரின் படங்கள் ஒரே நாளில் வெளியாகவுள்ளதாக தகவல்கள் வெளியாகியுள்ளன. மாஸ்டர் படத்திற்கு திரையரங்குகளில் கிடைத்த வரவேற்பால், முன்னணி நடிகர்களின் படங்கள் வரிசையாக வெளியாக...

7 விக்கெட்டுக்களால் வெற்றியை தன்வசப்படுத்திய பங்களாதேஷ் அணி!

மேற்கிந்தியத் தீவுகள் அணிக்கு எதிரான கிரிக்கெட் தொடரின் இரண்டாவது ஒருநாள் சர்வதேச போட்டியில் பங்களாதேஷ் அணி 7 விக்கெட்டுக்களால் வெற்றி பெற்றுள்ளது. முதலில் துப்பெடுத்தாடிய மேற்கிந்தியத் தீவுகள் அணி சகல விக்கெட்டுக்களையும் இழந்து 148...

Pfizer நிறுவனத்திற்கு எச்சரிக்கை விடுத்த இத்தாலி!

கொரோனா தடுப்பூசி விநியோகத்தை மட்டுப்படுத்தினால் சட்ட நடவடிக்கை எடுக்கப்படும் என இத்தாலி எச்சரிக்கை விடுத்துள்ளது. ஐரோப்பிய ஒன்றியத்தினால் Pfizer நிறுவனத்திடம் இருந்து 600 மில்லியன் கொரோனா தடுப்பூசிகளை வழங்குமாறு கோரப்பட்டுள்ளது. எனினும், Pfizer நிறுவனத்திடம் இருந்து...

இன்று இடம்பெற்ற இலங்கை – இங்கிலாந்து அணிகளுக்கிடையிலான 2 ஆவது டெஸ்ட் கிரிக்கட் போட்டி!

இலங்கை மற்றும் இங்கிலாந்து அணிகளுக்கிடையிலான  இரண்டாவது டெஸ்ட் கிரிக்கட் போட்டியின் முதலாவது நாள் ஆட்டம் இன்று இடம்பெற்றது. போட்டியில்  நாண சுழற்சியில் வெற்றி  பெற்று முதல் இனிங்ஸில் துடுப்படுத்தாடி வரும் இலங்கை அணி இன்றைய...

நாட்டில் சடுதியாக அதிகரித்து கொரோனா தொற்று..!

நாட்டில் கொரோனா தொற்றுக்குள்ளாள மேலும் 438 பேர் அடையாளம் காணப்பட்டுள்ளனர். சுகாதார அமைச்சின் தொற்று நோய் தடுப்பு பிரிவு இந்த விடயத்தை தெரிவித்துள்ளது. இதன்படி, நாட்டில் கொரோனா தொற்றுக்குள்ளானோரின் மொத்த எண்ணிக்கை 56 ஆயிரத்து 860...

Developed by: SEOGlitz