பிரித்தானியாவில் ஒரு இலட்சத்துக்கும் மேற்பட்டோருக்கு கொரோனா பரிசோதனை..!

பிரித்தானியாவில் இதுவரை ஒரு இலட்சத்துக்கும் மேற்பட்ட கொரோனா தொற்று பரிசோதனைகள் மேற்கொள்ளப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.

பிரித்தானிய அரச பரிசோதனை ஒருங்கிணைப்பாளரான பேராசிரியர் ஜோன் நியூட்டனை மேற்கோள் காட்டி இந்த தகவல் வெளியிடப்பட்டுள்ளது.

இதன்படி, ஏப்ரல் 30 வரையான காலப்பகுதிக்குள் 1 இலட்சத்து 22 ஆயிரத்து 347 கொரோனா தொற்று பரிசோதனைகள் மேற்கொள்ளப்பட்டுள்ளதாக அவர் சுட்டிக்காட்டியுள்ளார்.

அத்துடன், 80 ஆயிரத்துக்கும் மேற்பட்ட பரிசோதனைகள் பரிசோதனைக் கூடங்களிலும், 40 ஆயிரம் வரையிலான பரிசோதனைகள் பொதுமக்களின் வீடுகளிலும் மேற்கொள்ளப்பட்டுள்ளதாகவும் அவர் தெரிவித்துள்ளமை குறிப்பிடத்தக்கது.