மெய்ப்பொருள் காண்பது அறிவு

நாட்டில் கொரோனா வைரஸ் தொற்றின் பாதிப்புகள் குறித்து இராணுவத் தளபதி விடுத்துள்ள அறிவிப்பு…!

- Advertisement -

நாட்டில் நான்காயிரத்து 665 பேர் தனிமைப்படுத்தப்பட்டுள்ளதாக இராணுவத் தளபதி ஷவேந்திர சில்வா தெரிவித்துள்ளார்.

இதற்கமைய, அவர்கள் 36 தனிமைப்படுத்தல் நிலையங்களில் வைக்கப்பட்டுள்ளதாக அவர் குறிப்பிட்டுள்ளார்.

- Advertisement -

இராணுவத்தின் கண்காணிப்பின் கீழ் 25 நிலையங்களும், கடற்படையின் கீழ் ஆறு நிலையங்களும், விமானப் படையின் கண்காணிப்பின் கீழ் நான்கு தனிமைப்படுத்தல் நிலையங்களும் வழிநடத்தப்படுவதாக இராணுவத் தளபதி ஷவேந்திர சில்வா கூறியுள்ளார்.

இதேவேளை, வவுனியா, மகா கச்சகொடி கிராமத்தில் சுய தனிமைப்படுத்தப்பட்டிருந்த 21 குடும்பங்கள் நேற்றைய தினம் சுகாதார திணைக்களத்தினரால் விடுவிக்கப்பட்டுள்ளனர்.

வெலிசறை கடற்படை முகாமில் கடமையாற்றும் வவுனியா, மகா கச்சகொடி பகுதியைச் சேர்ந்த ஒருவர், அண்மையில் விடுமுறைக்காக வருகை தந்திருந்த நிலையில், அவருக்கு கொரோனா தொற்று உள்ளதாக உறுதிப்படுத்தப்பட்டது.

இதனையடுத்து, குறித்த கடற்படை வீரரின் மகா கச்சகொடி கிராமம் தொடர்ந்தும் முடக்கப்பட்டுள்ளது.

இந்த நிலையில், மகா கச்சகொடி பகுதியில் கடற்படை வீரருடன் தொடர்பினை வைத்தவர்களிடம் மேற்கொள்ளப்பட்ட பீ. சீ.ஆர் பரிசோதனையில் அவர்களுக்கு கொரோனா தொற்று இல்லை என உறுதிப்படுத்தப்பட்டுள்ளது.

இந்த நிலையிலேயே, சுய தனிமைப்படுத்தலில் வைக்கப்பட்டிருந்த 21 குடும்பங்கள் இன்று விடுவிக்கப்பட்டுள்ளதாக எமது பிராந்திய செய்தியாளர் தெரிவித்தார்.

அத்துடன், குறித்த கடற்படை வீரருடன் தொடர்பை பேணியதாக பம்பைமடுவில் தங்கவைக்கப்பட்டுள்ள 9 பேரிடம் மேற்கொள்ளப்பட்ட பீ.சீ.ஆர் பரிசோதனை முடிவுகளும் வெளியாகியுள்ளன.

இதற்கமைய, அவர்களுக்கும் கொரோனா தொற்று இல்லை என உறுதிப்படுத்தப்பட்டுள்ளது.

மேலும், மகா கச்சகொடி கிராமம் தவிர குறித்த கடற்படை வீரர் சென்ற வர்த்தக நிலையங்கள், காப்புறுதி நிறுவனங்கள், அரச திணைக்களங்கள் என்பவற்றைச் சேர்ந்த 115 பேர் தொடர்ந்தும் சுய தனிமைப்படுத்தலுக்கு உட்படுத்தப்பட்டுள்ளமையும் குறிப்பிடத்தக்கது.

இதேவேளை, கொழும்பிலிருந்து மலையத்திற்கு திரும்பிய நிலையில் தனிமைப்படுத்தலுக்கு உட்படுத்தப்பட்டிருந்த 200 பேர் தமது வீடுகளுக்கு அனுப்பிவைக்கப்பட்டுள்ளனர்.

இதற்கமைய, 14 நாட்கள் தனிமைப்படுத்தலின் பின்னர், லிந்துலை பொது சுகாதார பரிசோதகர் பிரிவினால் நேற்றைய தினம் அவர்கள் அனுப்பிவைக்கப்பட்டதாக எமது செய்தியாளர் தெரிவித்தார்.

லிந்துலை, அக்கரப்பத்தனை மற்றும் டயகம ஆகிய பொலிஸ் பிரிவுகளுக்குட்பட்ட பிரதேசங்களை சேர்ந்தவர்களே இவ்வாறு தமது வீடுகளுக்கு அனுப்பிவைக்கப்பட்டுள்ளனர்.

எனினும், விடுவிக்கப்பட்ட அனைவரையும் மீண்டும் பரிசோதனைகளுக்கு உட்படுத்தப்பட்டு, தேவையேற்படின் மேலும் சில தினங்களுக்கு தனிமைப்படுத்த வேண்டிய நிலைமை ஏற்படலாம் எனவும் லிந்துலை பொது சுகாதார பரிசோதகர் பிரிவு குறிப்பிட்டுள்ளது

தொடர்புபட்ட செய்திகள்

Related News

வியட்னாமில் மண்சரிவு : ஒரு மில்லியன் மக்கள் பாதிப்பு!

வியட்னாமில் ஏற்பட்டுள்ள வெள்ளம் மற்றும் மண்சரிவில் சிக்குண்டு  சுமார் ஒரு மில்லியன் மக்கள் பாதிப்படைந்துள்ளனர். அத்துடன்   மின்சார வசதியின்னை காரணமாக 56 ஆயிரம் பேர் வீடுகளில் இருந்து வெளியேறியுள்ளதாகவும் சர்வதேச ஊடகங்கள் தெரிவிக்கின்றன. இதேவேளை வெள்ளம்...

துமிந்த சில்வா விடுதலை விவகாரம் : விலகிக் கொள்வதாக மனோ அறிவிப்பு!

முன்னாள் நாடாளுமன்ற உறுப்பினர் துமிந்த சில்வாவை விடுதலை செய்யுமாறு கோரி தயாரிக்கப்பட்டுள்ள மனுவில் இருந்து தான் விலகிக் கொள்வதாக, ஐக்கிய மக்கள் சக்தியின் நாடாளுமன்ற உறுப்பினர் மனோ கணேசன் தெரிவித்துள்ளார். கொழும்பில் இன்று இடம்பெற்ற...

ஊரடங்கை மீறுபவர்களைக் கைது செய்ய பொலிஸார் விசேட நடவடிக்கை!

தனிமைப்படுத்தல் ஊரடங்கு சட்டத்தை மீறி செயற்படும் நபர்களைக்கைது செய்ய சிவில் உடையில் பொலிஸ் அதிகாரிகள் ஈடுபடுத்தப்படவுள்ளதாக தெரிவிக்கப்பட்டுள்ளது. பொலிஸ் ஊடகப் பேச்சாளரும் பிரதிப் பொலிஸ்மா அதிபருமான அஜித் ரோஹண இதனைத் தெரிவித்துள்ளார். அத்துடன், இன்றைய தினம்...

ஊரடங்கு சட்டத்தை மீறிய குற்றச்சாட்டில் ஆயிரத்திற்கு மேற்பட்டவர்கள் கைது!

தனிமைப்படுத்தல்  ஊரடங்கு சட்டத்தை மீறி செயற்பட்ட குற்றச்சாட்டில் மேலும் 73 பேர் கைது செய்யப்பட்டுள்ளதாக பொலிஸ் ஊடகப் பேச்சாளரான பிரதிப் பொலிஸ் மா அதிபர் அஜித் ரோஹண தெரிவித்துள்ளார். நாட்டின் 68 பொலிஸ் பிரிவுகளில்...

இரயில்வே திணைக்களம் முன்னெடுக்கவுள்ள விசேட திட்டம்!

இரயில்களில் ஆசனங்களை முன்பதிவு செய்துள்ள பொதுமக்களுக்கான சலுகைத் திட்டமொன்றை முன்னெடுப்பதற்கு எதிர்பார்த்துள்ளதாக ரயில்வே திணைக்களம் தெரிவித்துள்ளது. இதன்படி, முன்பதிவு செய்யப்பட்டுள்ள பயணச்சீட்டுகளின் பெறுமதிக்கு உரிய பணத்தை பொதுமக்கள் மீளப் பெற்றுக்கொள்ளமுடியும் என தெரிவிக்கப்பட்டுள்ளது. அத்துடன், மாற்றுத்...

Developed by: SEOGlitz