மெய்ப்பொருள் காண்பது அறிவு

ரத்னஜீவன் ஹூலின் செயற்பாடுகளை ஏற்றுக்கொள்ள முடியாது : அனில் ஜாசிங்க

- Advertisement -

தேர்தல் ஆணைக்குழுவின் உறுப்பினர் ரத்னஜீவன் ஹூல் சுயதனிமைப்படுத்தல் செயற்பாடுகளை முழுமையாக நிறைவு செய்யாத  தமது புதல்வியுடன் தேர்தல் ஆணைக்குழு அலுவலகத்திற்குள் பிரவேசித்தமை தொடர்பில் சுகாதார தரப்பினர் கடும் விமர்சனங்களை முன்வைத்து வருகின்றனர்.

தேர்தல் ஆணைக்குழுவின் உறுப்பினர் ரத்னஜீவன் ஹூல் சுயதனிமைப்படுத்தல் செயற்பாடுகளை முழுமையாக நிறைவு செய்யாத தமது புதல்வியை ஆணைக்குழுவின் அலுவலகத்துக்கு அழைத்து சென்றமை முறையற்ற விடயம் என சுகாதார சேவைகள் பணிப்பாளர் நாயகம் விசேட வைத்திய நிபுணர் வைத்தியர் அனில் ஜாசிங்க தெரிவித்துள்ளார்.

- Advertisement -

அப்பாவிப் பொதுமக்கள் கூட தனிமைப்படுத்தல் ஆலோசனைகளை மதித்து 14 நாட்கள் தனிமைப்படுத்தல் செயற்பாடுகளை நிறைவு செய்ததன் பின்னர் மேலும் 14 நாட்கள் சுயதனிமைப்படுத்தலில் ஈடுபட்டு வரும் நிலையில் ரத்னஜீவன் ஹூலின் புதல்வி தேர்தல் ஆணைக்குழுவின் அலுவலகத்திற்கு சென்றமை நெறிமுறையற்ற விடயம் என விசேட வைத்திய நிபுணர் அனில் ஜாசிங்க தெரிவித்துள்ளார்.

இந்த செயலினை எந்த விதத்திலும் ஏற்றுக் கொள்ள முடியாது எனவும் விசேட வைத்திய நிபுணர் அனில் ஜாசிங்க குறிப்பிட்டு்ளளார்.

எவ்வாறாயினும் ரத்னஜீவன் ஹீல் மற்றும் அவரது புதல்வியின் செயற்பாட்டால் தேர்தல் ஆணைக்குழுவில் உள்ளவர்களை தனிமைப்படுத்தலுக்கு உட்படுத்த வேண்டிய அவசியமில்லையெனவும் சுகாதார சேவைகள் பணிப்பாளர் நாயகம் கூறினார்.

எனினும் தேர்தல் ஆணைக்குழுவின் உறுப்பினரை தேர்தல் ஆணைக்குழுவுக்கு அழைத்து வருவதனை ஒரு போதும் நியாயப்படுத்த முடியாது என சுகாதார சேவைகள் பணிப்பாளர் நாயகம் குறிப்பிட்டுள்ளார்.

இதேவேளை  தனிமைப்படுத்தல் விதிகளை மீறுவோருக்கு எதிராக தராதரம் பாராது நடவடிக்கையெடுக்கப்பட வேண்டும் என அரச வைத்திய அதிகாரிகள் சங்கத்தின்  இணை செயலாளர் வைத்தியர் நவீன் டி சொய்சா தெரிவிக்கின்றார்.

வௌிநாடுகளில் இருந்து வருபவர்கள் 14 நாட்கள் தனிமைப்படுத்தல் செயற்பாடுகளின் பின்னர் மேலும் 14 நாட்களுக்கு சுய தனிமைப்படுத்தலில் ஈடுபட வேண்டும்  என  சுகாதார அமைச்சு அறிவித்துள்ள நிலையில் அந்த அறிவிப்பை சிலர் கருத்திற் கொள்ளாது செயற்படுவதாக வைத்தியர் நவீன் டி சொய்சா கூறுகின்றார்.

இந்த நிலையில் தேர்தல் ஆணைக்குழுவின் உறுப்பினர் ரத்னஜீவன் ஹூலின் புதல்வி சுயதனிமைப்படுத்தலில் ஈடுபடாமல் ஆணைக்குழுவின் அலுவலகத்திற்குள் பிரவேசித்திருப்பது தனிமைப்படுத்தல் தொடர்பில் மக்களுக்கு உள்ள நம்பிக்கையினை கேள்விக்குட்படுத்தும் என வைத்தியர் நவீன் டி சொய்சா குறிப்பிட்டார்.

ஆகவே அவ்வாறான நிலைமையொன்று ஏற்படாமல் நடவடிக்கையெடுக்க வேண்டியது சுகாதாரத்துறை  அதிகாரிகளின் கடமையாகும் என வைத்தியர் நவீன் டி சொய்சா குறிப்பிட்டுள்ளார்.

தொடர்புபட்ட செய்திகள்

Related News

SL v IND: இந்திய அணியை 4 விக்கெட்டுகளினால் வீழ்த்தியது இலங்கை…!

இந்திய அணிக்கு எதிரான இரண்டாவது இருபதுக்கு 20 போட்டியில் இலங்கை அணி 4 விக்கெட்டுகளினால் வெற்றி பெற்றுள்ளது. இந்த போட்டியில் முதலில் துடுப்பெடுத்தாடிய இந்திய அணி 20 ஓவர்கள் நிறைவில் 5 விக்கெட் இழப்புக்கு...

ஜப்பானிலிருந்து ஒரு தொகை Astrazeneca தடுப்பூசிகள் நாட்டுக்கு வரவுள்ளது.

ஜப்பானின் நிதியுதவியில் இலங்கைக்கு வழங்கப்படவுள்ள Astrazeneca தடுப்பூசிகள் எதிர்வரும் நாட்களில் நாட்டுக்கு கிடைக்கும் என எதிர்பார்ப்பதாக சுகாதார அமைச்சு தெரிவிக்கின்றது. ஒலிம்பிக் போட்டிகள் காரணமாக இலங்கையை அண்மித்த பிராந்தியங்களுக்கு விமானங்கள் வருகை தருவதில்லை என...

உலகின் மிகப் பெரிய மாணிக்கக் கல் இரத்தினபுரியில் கண்டுபிடிப்பு

உலகின் மிகப் பெரிய மாணிக்கக் கல்லொன்று இலங்கையில் தற்செயலான முறையில் கண்டுபிடிக்கப்பட்டுள்ளதாக தெரிவிக்கப்பட்டுள்ளது. இரத்தினபுரி பகுதியில் நபர் ஒருவர் தனது வீட்டுக்காக கிணறு தோண்டிய போது இந்த மாணிக்கக் கல் கண்டுபிடிக்கப்பட்டுள்ளது. வெளிர் நீல நிறத்திலான...

இலங்கை – இந்திய அணிகளுக்கு இடையிலான இரண்டாவது இருபதுக்கு 20 போட்டி ஒத்தி வைப்பு

இலங்கை மற்றும் இந்திய அணிகளுக்கு இடையிலான இரண்டாவது இருபதுக்கு 20 போட்டி ஒத்தி வைக்கப்பட்டுள்ளது. இன்று இரவு 8 மணிக்கு குறித்த போட்டி ஆரம்பமாகவிருந்த நிலையிலேயே இந்த விடயம் தெரிவிக்கப்பட்டுள்ளது. இந்திய அணி வீரர் ஒருவர்...

சிறுவர் பணியாளர்களை கண்டறியும் நடவடிக்கை முன்னெடுப்பு!

வீட்டு பணியாளர்களாக பணிபுரியும் 16 வயதுக்குட்பட்ட சிறுவர்களை  கண்டறியும் வகையில் பொலிஸாரினால் விசேட நடவடிக்கை முன்னெடுக்கப்பட்டுள்ளது. நாட்டின் பல்வேறு பகுதிகளில் கடந்த சில நாட்களில் பதிவு செய்யப்பட்ட சம்பவங்களை  அடிப்படையாகக் கொண்டு இந்த நடவடிக்கை...

Developed by: SEOGlitz