மெய்ப்பொருள் காண்பது அறிவு

தேர்தல் வர்த்தமானி விவகாரம் : இரண்டாவது நாளாகவும் விசாரணைகள் முன்னெடுப்பு!

- Advertisement -

நாடாளுமன்றத் தேர்தல் திகதி தொடர்பில் வெளியிடப்பட்டுள்ள அதிவிசேட வர்த்தமானி அறிவித்தலை இரத்துச்செய்யுமாறு  கோரி உயர் நீதிமன்றத்தில் தாக்கல் செய்யப்பட்டுள்ள அடிப்படை உரிமை மீறல் மனுக்கள் மீதான விசாரணைகள் இரண்டாவது நாளாக இன்றும் முன்னெடுக்கப்பட்டுள்ளன.

ஐவரடங்கிய நீதியரசர்கள் குழாம் முன்னிலையில்  குறித்த மனுக்கள்  மீதான விசாரணை   இன்று காலை 10 மணிக்கு  முன்னெடுக்கப்பட்டுள்ளது.

- Advertisement -

குறித்த அடிப்படை உரிமை மீறல் மனுக்கள் மீதான விசாரணைகள் நீதியரசர் ஜயந்த ஜயசூரியவின் தலைமையில்,  புவனேக அலுவிஹாரே, சிசிர டி அப்ரூ, பிரியந்த ஜயவர்தன மற்றும் விஜித் மலல்கொட ஆகிய நீதியரசர்கள் முன்னிலையில்  நேற்றைய தினம் இடம்பெற்றது.

கடந்த மார்ச் மாதம் 2 ஆம் திகதி நாடாளுமன்றம் கலைக்கப்பட்டதுடன், ஏப்ரல் 25ஆம் திகதி பொதுத்தேர்தலுக்கான திகதியாக நிர்ணயிக்கப்பட்டு ஜனாதிபதியினால் அதிவிசேட வர்த்தமானி வெளியிடப்பட்டிருந்தது.

எனினும், நாட்டில் ஏற்பட்டுள்ள கொரோனா தாக்கம் காரணமாக  பொதுத்தேர்தல் திகதி ஒத்திவைக்கப்பட்டதுடன் புதிய திகதியாக ஜூன் 20ஆம் திகதி குறிப்பிடப்பட்டு   தேர்தல்கள் ஆணைக்குழுவினால் அதிவிசேட வர்த்தமானி அறிவித்தல் வெளியிடப்பட்டது.

இந்த நிலையில், வெளியிடப்பட்ட  வர்த்தமானி அறிவித்தல்கள் அரசியலமைப்புக்கு முரணான வகையில் அமைந்துள்ளதாகவும், அதன்மூலம் பொதுமக்களின் அடிப்படை உரிமைகள் மீறப்படுவதாகவும் குறிப்பிட்டு அடிப்படை உரிமை மீறல்  மனுக்கள் தாக்கல் செய்யப்பட்டிருந்தன.

முன்னாள் மத்திய மாகாண ஆளுநர் மைத்திரி குணரத்னவின்  புதல்வர்  வழக்கறிஞர் சரித குணரத்ன, சமூக செயற்பாட்டாளரான விக்டர் ஐவன், பாக்கியசோதி சரவணமுத்து மற்றும் ஐக்கிய மக்கள் சக்தி உள்ளிட்ட அரசியல் கட்சிகள் ஆகியவற்றினால் குறித்த அடிப்படை உரிமை  மனுக்கள் தாக்கல் செய்யப்பட்டுள்ளன.

குறித்த  மனுக்களின் பிரதிவாதிகளாக தேர்தல்கள் ஆணைக்குழுவின் தலைவர், தேர்தல்கள் ஆணைக்குழுவின் உறுப்பினர்கள் மற்றும் சட்டமா அதிபர் ஆகியோர் பெயரிடப்பட்டுள்ளனர்.

இதேவேளை,  குறித்த மனுக்கள் நேற்றையதினம் விசாரணைக்காக எடுத்துக்கொள்ளப்பட்டு வாதங்கள் முன்வைக்கப்பட்ட நிலையில் இன்று காலை 10 மணிவரை ஒத்திவைக்கப்பட்டமை குறிப்பிடத்தக்கது.

தொடர்புபட்ட செய்திகள்

Related News

ஐ.நா. மனித உரிமைகள் ஆணைக்குழுவினால் முன்வைக்கப்பட்ட குற்றச்சாட்டை மறுத்த இலங்கை!

கொரோனா தொற்றினால் உயிரிழக்கும் நபர்களின் விவகாரத்தில், இலங்கை அரசாங்கம் இனவாத ரீதியாக செயற்படுவதாக, ஐக்கிய நாடுகளின் மனித உரிமைகள் ஆணைக்குழுவினால் முன்வைக்கப்பட்ட குற்றச்சாட்டை இலங்கை அரசாங்கம் மறுத்துள்ளது. அமைச்சரவை முடிவுகளை அறிவிக்கும் இன்றைய  ஊடகவியலாளர்...

குடியரசு தினத்தில் 50 ஆயிரத்திற்கும் மேற்பட்ட உழவு இயந்திரங்களுடன் விவசாயிகள் பேரணி – பொலிஸார் கண்ணீர் புகைப் பிரயோகம்

இந்தியாவின் - டெல்லி மாநிலத்தில் 50 ஆயிரத்திற்கும் மேற்பட்ட உழவு இயந்திரங்களைக் கொண்டு விவசாயிகளால் பாரிய எதிர்ப்புப் பேரணியொன்று முன்னெடுக்கப்பட்டுள்ளது. இந்தியாவில் அறிமுகப்படுத்தப்பட்டுள்ள வேளாண்மை சட்டத்தை எதிர்த்தும், அதானி உள்ளிட்ட நிறுவனங்களின் செயற்பாடுகளுக்கு எதிர்ப்புத்...

ஐ.தே.க தேசிய அமைப்பாளர் பதவியிலிருந்து விலக நவீன் தயார்..!

ஐக்கிய தேசிய கட்சியின் தேசிய அமைப்பாளர் பதவியிலிருந்து விலகுவதற்கு, முன்னாள் நாடாளுமன்ற உறுப்பினர் நவீன் திஸாநாயக்க விருப்பம் தெரிவித்துள்ளார். ஐக்கிய தேசிய கட்சியின் தலைவர் ரணில் விக்ரமசிங்கவுக்கு அனுப்பிவைத்துள்ள கடிதத்திலேயே, அவர் இதனைக் குறிப்பிட்டுள்ளார். இதன்படி,...

நாட்டில் நேற்று மாத்திரம் 843 பேருக்கு தொற்று உறுதி – கொழும்பு மாவட்டத்தில் மாத்திரம் 50 வீதத்திற்கும் அதிகளவானோர் பதிவு

நாட்டில் நேற்றைய தினம் அடையாளம் காணப்பட்ட கொரோனா தொற்றாளர்களில் 50 வீதத்திற்கும் அதிகளவானவர்கள் கொழும்பு மாவட்டத்தில் பதிவாகியுள்ளனர். இதன்படி, நேற்றைய தினம் 843 கொரோனா தொற்றாளர்கள் அடையாளம் காணப்பட்ட நிலையில், அதில் 480 பேர்...

ரஞ்சனை அங்குனுகொலபெலஸ்ஸ சிறைச்சாலைக்கு மாற்ற நடவடிக்கை!

நீதிமன்ற அவமதிப்பு வழக்கில் சிறைத்தண்டனை விதிக்கப்பட்டுள்ள ரஞ்சன் ராமநாயக்கவை, அங்குனுகொலபெலஸ்ஸ சிறைச்சாலைக்கு  அனுப்பிவைக்க நடவடிக்கை எடுக்கப்பட்டுள்ளதாக சிறைச்சாலைகள் திணைக்களம் தெரிவித்துள்ளது. நீதிமன்ற அவமதிப்பு வழக்கில் சிறைத்தண்டனை விதிக்கப்பட்டுள்ள ரஞ்சன் ராமநாயக்க, நீர்கொழும்பு பல்லன்சேன தனிமைப்படுத்தல்...

Developed by: SEOGlitz