மெய்ப்பொருள் காண்பது அறிவு

போட்டிகளை நடத்துவது தொடர்பாக இந்திய கிரிக்கெட் கட்டுப்பாட்டுச் சபை ஆலோசனை!

- Advertisement -

இந்திய கிரிக்கெட் கட்டுப்பாட்டுச்சபை எதிர்வரும் 31ஆம் திகதிக்குப் பின்னர் ஐ.பி.எல். கிரிக்கெட் போட்டிகள் உள்ளிட்ட  போட்டிகளை நடத்துவது மற்றும் போட்டிகளில் பங்கேற்பது தொடர்பான முடிவுகளை அறிவிக்கும் என தெரிவிக்கப்படுகிறது.

கொரோனா வைரஸ் தொற்று பரவலைக் கட்டுப்படுத்தும் வகையில் இந்தியாவில் அமுல்படுத்தப்பட்டுள்ள முடக்க நடவடிக்கை இந்த மாதம் 31ஆம் திகதி வரை நீடிக்கப்பட்டுள்ளதாக மத்திய அரசு தெரிவித்துள்ளது.

- Advertisement -

இருப்பினும், புதிதாக சில தளர்வுகளை வழங்கியுள்ளதாக இந்திய ஊடகங்கள் தெரிவிக்கின்றன.

இதன்படி, விளையாட்டு அரங்குகள், மைதானங்களைத் திறப்பதற்கு மத்திய அரசு அனுமதி வழங்கியுள்ளது.

அத்துடன், மைதானங்களுக்குள் பார்வையாளர்கள் அனுமதிக்கப்பட மாட்டார்கள் எனவும் அறிவித்துள்ள மத்திய அரசு, மக்கள் நடமாட்டத்திற்கு  இரவு 7 மணி முதல் காலை 7 மணி வரை தடை வித்திக்கப்பட்டுள்ளதாகவும் குறிப்பிட்டுள்ளது.

இதேவேளை, வெளிநாட்டு மற்றும் உள்நாட்டு விமானப் போக்குவரத்துக்கான தடை தொடரும் என்று அறிவிக்கப்பட்டுள்ளது.

இந்த நிலையிலேயே கிரிக்கெட் போட்டிகளை நடத்துவது குறித்து இந்திய கிரிக்கெட் கட்டுப்பாட்டு சபை தமது நிலைப்பாட்டை வெளிப்படுத்தியுள்ளது.

இதேவேளை,  உள்நாட்டு விமானப் போக்குவரத்து மற்றும் இரவு நேரத்தில் மக்கள் நடமாட்டத்திற்கு தடை விதிக்கப்பட்டுள்ளமையால் போட்டிகளை உடனடியாக ஆரம்பிப்பிக்க முடியாது எனவும் இந்திய கிரிக்கெட் கட்டுப்பாட்டுச்சபை தெரிவித்துள்ளது.

அத்துடன், அடுத்த கட்டத் தளர்வுகளுக்குப் பின்னர் விளையாட்டுப் போட்டிகளை மீண்டும் நடத்துவது தொடர்பாக நடவடிக்கை எடுக்கப்படும் என தெரிவித்துள்ளது.

இதேவேளை, உள்நாட்டு வீரர்கள் தங்களது பகுதிகளில் உள்ள மைதானங்களில் பயிற்சிகளை மேற்கொள்வார்கள் என்றும்  இந்திய கிரிக்கெட் கட்டுப்பாட்டுச்சபை தெரிவித்துள்ளமை குறிப்பிடத்தக்கது.

தொடர்புபட்ட செய்திகள்

Related News

ஊரடங்கை மீறிய குற்றச்சாட்டில் மேலும் 411 பேர் கைது!

ஊரடங்கு சட்ட விதிமுறைகளை மீறி செயற்பட்ட குற்றச்சாட்டில் மேலும் 411 பேர் கைது செய்யப்பட்டுள்ளனர். நேற்றிரவு 10 மணி முதல் இன்று அதிகாலை 4.00 மணிவரையான ஆறு மணித்தியால காலப்பகுதியிலேயே அவர்கள் கைது செய்யப்பட்டுள்ளதாக...

வளிமண்டலவியல் திணைக்களம் விடுத்துள்ள விசேட அறிவிப்பு

இலங்கையைச் சூழவுள்ள கீழ் வளிமண்டலத்தில் ஏற்பட்ட தளம்பல் நிலை காரணமாக நாடு முழுவதும் தற்போது நிலவும் மழையுடனான வானிலை அடுத்த சில நாட்களில் மேலும் அதிகரிக்கும் என  எதிர்பார்க்கப்படுகின்றது. இதற்கமைய, மேல், சப்ரகமுவ, மத்திய,...

பிரித்தானியாவில் ஜூன் 15 முதல் அத்தியாவசிய வணிக நிறுவனங்களை திறப்பதற்கு தீர்மானம்

பிரித்தானியாவில் எதிர்வரும் ஜுன் மாதம் 15 ஆம் திகதி முதல் அத்தியாவசிய வணிக நிறுவனங்களை திறப்பதற்கு தீர்மானம் எடுக்கப்பட்டுள்ளது. பிரித்தானிய பிரதமர் போரிஸ் ஜோன்சன் இந்த விடயத்தை உத்தியோகபூர்வமாக தெரிவித்துள்ளார். இதேவேளை ஜூன் 8-ம் திகதி...

நாட்டின் 7 மாவட்டங்களுக்கு மண்சரிவு அபாய எச்சரிக்கை

நாடு முழுவதும் நிலவி வரும் சீரற்ற வானிலை காரணமாக ஏழு மாவட்டங்களுக்கு மண்சரிவு அபாய எச்சரிக்கை விடுக்கப்பட்டுள்ளது. நேற்றைய தினம் நான்கு மாவட்டங்களுக்கு மாத்திரம்  ஊடங்கு சட்டம் அமுல்படுத்தப்பட்டிருந்த நிலையிலேயே, தற்போது மேலும் மூன்று...

அமரர் தொண்டமானின் இறுதிக்கிரியைகள் குறித்த முழு விபரம்!

அமரர் ஆறுமுகம் தொண்டமானின் இறுதிக்கிரியைகள் எதிர்வரும் ஞாயிற்றுக்கிழமை கொட்டகலையில் நடைபெறவுள்ளதாக தெரிவிக்கப்பட்டுள்ளது. நேற்றிரவு பிரேத பரிசோதனைகளின் பின்னர் அவரது உடல் குடும்ப உறவினர்களிடம் கையளிக்கப்பட்டது. இந்த நிலையில், இன்று காலை 11 மணிக்கு மலர்ச்சாலையில் இருந்து அவரது...