மெய்ப்பொருள் காண்பது அறிவு

சீரற்ற காலநிலை – மூன்று பேர் பலி

- Advertisement -

நாட்டில் ஏற்பட்டுள்ள சீரற்ற காலநிலை காரணமாக நேற்றைய தினம் மூன்று உயிரிழப்புகள் பதிகாகியுள்ளன.

அனர்த்த முகாமைத்துவ நிலையத்தின் பிரதிப் பணிப்பாளர் பிரதீப் கொடிபிலி இதனைத் தெரிவித்துள்ளார்.

- Advertisement -

களுத்துறை மாவட்டத்திற்கு உட்பட்ட பேருவளை மகொன பகுதியில் மீன்பிடி படகொன்று கவிழந்ததில் இருவர் உயிரிழந்துள்ளதாக அவர் மேலும் தெரிவித்துள்ளார்.

அத்துடன், அனுராதபுரம் கஹடகஸ்திகிலிய (Kahatagasdigiliya) பகுதியில் பர வீடொன்று இடிந்து விழுந்ததில் மற்றுமொருவர் உயிரிழந்துள்ளதாகவும் அனர்த்த முகாமைத்துவ நிலையத்தின் பிரதிப் பணிப்பாளர் பிரதீப் கொடிபிலி குறிப்பிட்டுள்ளார்.

இதேவேளை, தேசிய கட்டிட ஆராய்ச்சி நிறுவனம் 10 மாவட்டங்களுக்கு விடுத்துள்ள மண்சரிவு அபாய எச்சரிக்கை மீள் அறிவித்தல் வரை அமுலில் இருக்கும் எனவும் அவர்  தெரிவித்துள்ளார்.

இரத்தினபுரி, காலி, கேகாலை, குருநாகலை மற்றும் நுவரெலியா ஆகிய மாவட்டங்களுக்கே இவ்வாறு செம்மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

இதன்படி, காலி மாவட்டத்தின் பத்தேகம பிரதேச செயலாளர் பிரிவுக்கும், இரத்தினபுரி மாவட்டத்தின் கிரியெல்ல, கலவான, நிவித்திகல, எலபாத்த, இரத்தினபுரி மற்றும் பெல்மடுல்ல ஆகிய பிரதேச செயலாளர் பிரிவுகளுக்கும் இவ்வாறு செம்மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

அத்துடன், கேகாலை மாவட்டத்தின் புளத்கொஹுபிட்டிய, வறக்காபொலை, றம்புக்கண, கலிகமுவ, கேகாலை மற்றும் தெஹியோவிட்ட பிரதேச செயலாளர் பிரிவுகளுக்கும், குருநாகலை மாவட்டத்தின் மாவத்தகம மற்றும் பொல்கஹாவெல பிரதேச செயலாளர் பிரிவுகளுக்கும், நுவரெலியா மாவட்டத்தின் அம்பகமுவ கோரளை பிரதேச செயலாளர் பிரிவுக்கும் இவ்வாறு செம்மஞ்சள் நிற மண்சரிவுஅபாய எச்சரிக்கை விடுக்கப்பட்டுள்ளது.

இதேவேளை, காலி, மாத்தளை, இரத்தினபுரி, களுத்துறை, மாத்தறை, கொழும்பு, கேகாலை, மற்றும் கண்டி ஆகிய மாவட்டங்களுக்கு முதலாம் கட்ட மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

இதன்படி, காலி மாவட்டத்தின், கடவத்சதர, அக்மீமன, எல்பிட்டிய, நியகம, நாகொட, தவலம, நெலுவ மற்றும் போப்பே போத்தல ஆகியபிரதேச செயலாளர் பிரிவுகளுக்கும், மாத்தளை மாவவட்டத்தின் உக்குவெல பிரதேச செயலாளர் பிரிவுக்கும் இவ்வாறு மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

அதேபோன்று, இரத்தினபுரி மாவட்டத்தின், எஹெலியகொட, குருவிட்ட, அயாகம ஆகிய பிரதேச செயலாளர் பிரிவுகளுக்கும், களுத்துறை மாவட்டத்தின், அகலவத்த, பாலிந்த நுவர, புளத்சிங்ஹல, வலல்லாவிட்ட, ஹொரண, இங்கிரிய மற்றும் மத்துகம ஆகிய பிரதேச செயலாளர் பிரிவுகளுக்கும் இவ்வாறு மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

அத்துடன், மாத்தறை மாவட்டத்தின், பிட்டபெத்தர மற்றும் கொடபொல ஆகிய பிரதேச செயலாளர் பிரிவுகளுக்கும், கொழும்பு மாவட்டத்தின் சீதாவாக்க பிரதேச செயலாளர் பிரிவுக்கும், கேகாலை மாவட்டத்தின் அரநாயக்க, யட்டியாந்தோட்டை மற்றும் தெரணியகலை ஆகிய பிரதேச செயலாளர் பிரிவுகளுக்கும் இவ்வாறு மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

மேலும், கண்டி மாவட்டத்தின், கங்கஹல கோரளை மற்றும் தும்பனை ஆகிய பிரதேச செயலாளர் பிரிவுகளுக்கும் இவ்வாறு மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளமை குறிப்பிடத்தக்கது.

இதன் காரணமாக , மலைபாங்கான பிரதேசங்களில் வசிக்கும் பொதுமக்கள் மற்றும் ஏற்கனவே எச்சரிக்கை விடுக்கப்பட்டுள்ள பொதுமக்களை மிகுந்த அவதானத்துடன் செயற்படுமாறு இடர்முகாமைத்து மத்திய நிலையம் கோரிக்கை விடுத்துள்ளது

மேலும், மண்சரிவு, மண்மேடு சரிந்து விழுதல், கற்பாறைகள் சரிதல், வெள்ளம், மின்னல் தாக்கம் மற்றும் மரங்கள் முறிந்து விழுதல் உள்ளிட்ட அனர்த்தங்கள் குறித்து மிகுந்த அவதானத்துடன் செயற்படுமாறு அறிவுறுத்தல் விடுக்கப்பட்டுள்ளது.

தொடர்புபட்ட செய்திகள்

Related News

வெளிநாடுகளில் நிர்க்கதிக்குள்ளாகியிருந்த 644 பேர் இன்று நாட்டுக்கு வருகை!

நாட்டில் கடந்த 24 மணிநேரத்தில் 14 விமான சேவைகளின் ஊடாக ஆயிரத்து 122 பேர் பயண நடவடிக்கைகளை மேற்கொண்டுள்ளனர். இதன்படி, கொரோனா தொற்று பரவலுக்கு மத்தியில் தென்கொரியாவில் நிர்க்கதிக்குள்ளாகியிருந்த 245 பேர் நாடு திரும்பியுள்ளனர். அத்துடன்,...

குப்பைகளை கொண்டு மின்சக்தி தயாரிக்கும் விசேட திட்டம்!

உள்ளுராட்சி மன்றங்களின் ஊடாக நாள்தோரும் சேகரிக்கபடும், குப்பைகளை கொண்டு மின்சக்தி தயாரிக்கும் திட்டம் ஒன்று நடைமுறைப்படுத்தப்படவுள்ளது. இதன்படி, எரியூட்டக்கூடிய குப்பைகளை பயன்படுத்தி இந்த திட்டத்தை முன்னெடுக்க தீர்மானிக்க்பட்டுள்ளதாக மேல்மாகாண கழிவு மேலான்மை அதிகாரசபை தெரிவித்துள்ளது. கொழும்பு...

மேல்மாகாண பாடசாலைகள் மீள திறப்பது தொடர்பில் விசேட கலந்துரையாடல்!

மேல்மாகாணத்தில் உள்ள பாடசாலைகளை மீள திறப்பது குறித்த தீர்மானம் இன்றையதினம் மேற்கொள்ளப்படவுள்ளதாக கல்வி அமைச்சு குறிப்பிட்டுள்ளது. கல்வி அமைச்சின் அதிகாரிகள் மற்றும் சுகாதார அமைச்சின் அதிகாரிகளுக்கிடையில் இன்று இதற்கான தீர்மானம் மிக்க கலந்துரையாடல் இடம்பெறவுள்ளது. மேலும்,...

கொழும்பில் நேற்றைய தினத்தில் மாத்திரம் 130 தொற்றாளர்கள் அடையாளம்!

கொழும்பு மாவட்டத்தில் மேலும் 130 பேர் அடையாளம் காணப்பட்டுள்ள நிலையில், நேற்றைய நாளில் அதிகமான கொரோனா தொற்றாளர்கள் பதிவாக பகுதியாக கொழும்பு காணப்படுகின்றது. கொழும்பு மாவட்த்தில், நாரயேன்பிட்டிய பகுதியில் 26 பேரும், மருதானை பகுதியில்...

பங்களாதேஷ் – மேற்கிந்தியத் தீவுகள் அணிகளுக்கு இடையிலான கிரிக்கெட் தொடர் இன்று

பங்களாதேஷ் மற்றும் மேற்கிந்தியத் தீவுகள் அணிகளுக்கு இடையிலான கிரிக்கெட் தொடரின் முதலாவது ஒருநாள் சர்வதேச போட்டி இன்று இடம்பெறவுள்ளது. 2 டெஸ்ட் மற்றும் 3 ஒருநாள் போட்டிகள் அடங்கிய கிரிக்கெட் தொடரில் பங்கேற்பதற்காக மேற்கிந்தியத்...

Developed by: SEOGlitz