மெய்ப்பொருள் காண்பது அறிவு

வெளிநாட்டில் வசிக்கும் இலங்கையர்களே உங்களுக்கான அறிவிப்பு!

- Advertisement -

தற்போதைய சூழ்நிலையில், அவசியமான தேவைகள் தவிர்ந்த நோக்கங்களுக்காக நாடு திரும்புவது குறித்து சிந்தித்து செயற்படுமாறு வெளிநாடுவாழ் இலங்கையர்களிடம் வெளியுறவு அமைச்சு கோரிக்கை விடுத்துள்ளது.

நாடு திரும்புவதற்காக வெளியுறவு அமைச்சிடம் இதுவரை முன்வைக்கப்பட்டுள்ள 38ஆயிரம் பேரில் 28 ஆயிரம் பேர் வெளிநாட்டு தொழிலாளர்கள் என வெளியுறவு அமைச்சு சுட்டிக்காட்டியுள்ளது.

- Advertisement -

அத்துடன், வெளிநாட்டு தொழிலாளர்களில் குறிப்பாக, வெளிநாடுகளில் சட்டவிரோதமாக தங்கியுள்ள தொழிலாளர்களை நாட்டுக்கு அழைத்து வருவதற்கு முன்னுரிமை அளித்து செயற்பட உள்ளதாக வெளியுறவு அமைச்சு தெரிவித்துள்ளது.

அவர்கள் வெளிநாடுகளில் சட்ட விரோதமாக தங்கியுள்ளமையினால் மருத்துவ வசதிகளை பெற்றுக் கொள்ள முடியாத நிலை காணப்படுவதால் இந்த நடவடிக்கை எடுக்கப்பட்டுள்ளதாக வெளியுறவு அமைச்சினால் வெளியிடப்பட்டுள்ள அறிக்கையில் தெரிவிக்கப்பட்டுள்ளது.

மேலும், வெளிநாடுகளில் சட்ட ரீதியான தொழில் புரியும், கொரோனா தாக்கத்தினால் பாதிப்பை எதிர்நோக்கக் கூடிய தொழிலாளர்களுக்கும் முன்னுரிமை அளிக்கத் தீர்மானித்துள்ளதாக வெளியுறவு அமைச்சு கூறுகின்றது.

அத்துடன், இந்த சந்தர்ப்பத்தில் நாடு திரும்புவதால், தமது தொழிலுக்கோ அல்லது கல்வி நடவடிக்கைகளுக்கோ ஏற்படக் கூடிய பாதிப்பு குறித்தும் சிந்தித்து செயற்படுமாறு வெளிநாடுவாழ் இலங்கையர்களிடம் வெளியுறவு அமைச்சு கோரிக்கை விடுத்துள்ளது.

மட்டுப்படுத்தப்பட்ட விமானங்கள் மட்டுமே இயக்கப்படும் இத்தகைய ஒரு காலப்பகுதியில், குறுகிய கால பயணம் ஒன்றை நோக்காகக் கொண்டு நாடு திரும்புவது பொருத்தமற்றது எனவும் வெளியுறவு அமைச்சு தெரிவித்துள்ளது.

இதேவேளை, வெளிநாட்டில் இருந்து நாட்டுக்கு அழைத்துவரும் அனைவரும் 21 நாள் தனிமைப்படுத்தலுக்கு உட்பட வேண்டும் எனவும் வெளியுறவ அமைச்சு தெரிவித்துள்ளமை குறிப்பிடத்தக்கது.

தொடர்புபட்ட செய்திகள்

Related News

உலகக்கிண்ண ரி 20 போட்டிகள் ஒத்திவைப்பு குறித்த செய்திகளை ஐ.சி.சி மறுப்பு!

உலகக்கிண்ண ரி 20 போட்டிகள் ஒத்திவைக்கப்பட்டுள்ளதாக வெளியான செய்திகளை ஐசிசி மறுத்துள்ளது. அவுஸ்திரேலியாவில் நடைபெறும் இருபதுக்கு 20 உலகக் கிண்ணப் போட்டிகள் ஒத்திவைக்க முடிவு எடுக்கப்பட்டுள்ளதாக வெளியான செய்திகளை சர்வதேச கிரிக்கெட் பேரவை (ஐ.சி.சி)...

அமரர் ஆறுமுகன் தொண்டமானின் பூதவுடலிற்கு நாளை நாடாளுமன்றத்தில் அஞ்சலி!

அமரர் ஆறுமுகன் தொண்டமானின் பூதவுடல்  அரச மரியாதை நிமித்தம் நாளைய தினம்  நாடாளுமன்றத்தில் வைக்கப்படவுள்ளது. அரசாங்கத் தகவல் திணைக்களம் இன்று வெளியிட்ட ஊடக அறிக்கையிலேயே இதனைத் தெரிவித்துள்ளது. இதற்கமைய, அமரர் ஆறுமுகன் தொண்டமானின் பூதவுடல் நாளைய...

வடமாகாண நிர்வாகச் செயற்பாடுகளைக் குழப்புவதற்கு இடமளிக்க மாட்டேன் : ஆளுநர் சாள்ஸ்!

வடமாகாண நிர்வாகச் செயற்பாடுகள் உள்ளிட்ட வடக்கின் அமைதியான நிலைமைகளை குழப்பியடிப்பதற்கு சிலர் முயற்சிப்பதாக வடமாகாண ஆளுநர் பிஸ்.எஸ்.எம்.சார்ள்ஸ் தெரிவித்துள்ளார். மூன்று மாதங்கள் விடுப்பில் செல்வதற்கான அனுமதி கோரியமை, உட்பட அண்மைக்காலமாக வெளிவந்து கொண்டிருக்கும் தகவல்கள்...

சிறுபோகச் செய்கைக்காக மன்னார் கட்டுக்கரைக்குளம் திறப்பு!

மன்னார் கட்டுக்கரை குளத்தின் கீழான சிறு போக நெற் செய்கைக்கான நீர் விநியோகம் வைபவ ரீதியாக திறந்து வைக்கப்பட்டது. குறித்த நிகழ்வு இன்று புதன்கிழமை காலை 9.30 மணிக்கு மன்னார் மாவட்ட நீர்பாசன பணிப்பாளர்...

தொண்டமான் மறைவு : வேட்பாளர் வெற்றிடம் குறித்து தேர்தல் திணைக்களம் விளக்கம்!

தேர்தலொன்றை நடத்தும் நோக்கத்துக்காக நாடாளுமன்றம் கலைக்கப்பட்டுள்ள நிலையில், வாக்கெடுப்புக்கு முன்னதாக, குறித்த வேட்பாளர் மரணித்தால் பின்பற்ற வேண்டிய நடைமுறைகள் குறித்து தேர்தல்கள் சட்டத்தில் தெளிவுபடுத்தப்பட்டுள்ளது. மலையகத்தின் மூத்த தொழிற்சங்கவாதியும், இலங்கை தொழிலாளர் காங்கிரஸ் கட்சியின்...