மெய்ப்பொருள் காண்பது அறிவு

மழையுடனான வானிலை – மண்சரிவு அபாய எச்சரிக்கை தொடர்ந்தும் நீடிப்பு

- Advertisement -

நாட்டில் தொடர்ந்துவரும் மழையுடனான வானிலை காரணமாக 4 மாவட்டங்களுக்கு விடுக்கப்பட்டுள்ள மண்சரிவு அபாய எச்சரிக்கை தொடர்ந்தும் நீடிக்கப்பட்டுள்ளது.

தேசிய கட்டிட ஆராய்ச்சி நிறுவகம் வெளியிட்டுள்ள அறிக்கையிலேயே, இந்த விடயம் குறிப்பிடப்பட்டுள்ளது.

- Advertisement -

இதன்படி, இரத்தினபுரி, கேகாலை, நுவரெலியா மற்றும் கண்டி ஆகிய மாவட்டங்களுக்கே இவ்வாறு மண்சரிவு அபாய எச்சரிக்கை நீடிக்கப்பட்டுள்ளது.

இதற்கமைய, இரத்தினபுரி மாவட்டத்தின் எஹலியகொட, எலபாத, அயகம, கிரியெல்ல, குருவிட்ட, கொடகவெல, கஹவத்த மற்றும் கொலன்ன ஆகிய பிரதேச செயலகங்கள் மற்றும் அதனை அண்மித்த பகுதிகளுக்கு மஞ்சல் நிற மண்சரிவு அபாய எச்சரிக்கை விடுக்கப்பட்டுள்ளது.

அத்துடன், இரத்திபுரி மாவட்டத்தின் இரத்தினபுரி, கலவான, ஓப்பநாயக்க, பலாங்கொடை, பெல்மடுல்ல மற்றும் நிவித்திகல ஆகிய பிரசே செயலகங்களுக்கும் அதனை அண்மித்த பகுதிகளுக்கும் செம்மஞ்சல் நிற மண்சரிவு அபாய எச்சரிக்கை விடுக்கப்பட்டுள்ளது.

மேலும், கேகாலை மாவட்டத்தின் தெரனியகலை, புளத்கொஹுபிட்டிய, , றம்புக்கண, கலிகமுவ, கேகாலை, யட்டியாந்தோட்டை அரநாயக்க மற்றும் தெஹியோவிட்ட பிரதேச செயலாளர் பிரிவுகளுக்கு மஞ்சல் நிற அபாய எச்சரிக்கை விடுக்கப்பட்டுள்ளது

இதேவேளை, கண்டி மாவட்டத்தின் கங்க இகல கோரல பிரதேச செயலகத்திற்குட்பட்ட பகுதிகளுக்கு மஞ்சல் நிற மண்சரிவு அபாய எச்சரிக்கை விடுக்கப்பட்டுள்ளதாக தேசிய கட்டிட ஆராய்ச்சி நிறுவகம் குறிப்பிட்டுள்ளது.

அத்துடன், நுவரெலிய மாவட்டத்தின் அம்பகமுவகோரல பிரதேச செயலகத்திற்குட்பட்ட பகுதிகளுக்கும் மஞ்சள் நிற மண்சரிவு அபாய எச்சரிக்கை விடுக்கப்பட்டுள்ளது.

இதன் காரணமாக, குறித்த மாவட்டங்களில் உள்ள மலைபாங்கான பிரதேசங்கள் மற்றும் ஏற்கனவே எச்சரிக்கை விடுக்கப்பட்டுள்ள பிரதேசங்களில் வாழும் பொதுமக்களை மிகுந்த அவதானத்துடன் செயற்படுமாறு இடர்முகாமைத்துவ மத்திய நிலையம் கோரிக்கை விடுத்துள்ளது.

இதேவேளை களுகங்கையின்  நீர் மட்டம் அதிகரித்துள்ளதன் காரணமாக  மில்லக்கந்த பிரதேசத்தில் வாழும் பொதுமக்கள் அவதானத்துடன்  செயற்படுமாறும் அறிவுறுத்தப்பட்டுள்ளனர்.

மேலும், சீரற்ற வானிலை காரணமாக இரத்தினபுரி மாவட்டத்திலேயே அதிகளவான பாதிப்புகள் ஏற்பட்டுள்ளன.

இதற்கமைய, இரத்தினபுரி மாவட்டத்தில் 30 குடும்ங்களைச் சேர்ந்த 122 பேர் பாதிக்கப்பட்டுள்ளதாக இடர் முகாமைத்துவ நிலையம் குறிப்பிட்டுள்ளது.

தொடர்புபட்ட செய்திகள்

Related News

விராத் கோஹ்லியின் தலைமையிலான உலக டெஸ்ட் சம்பியன்ஷிப் இந்தியக் குழாம் அறிவிப்பு

விராத் கோஹ்லியின் தலைமையில் உலக டெஸ்ட் சம்பியன்ஷிப் போட்டிகளுக்கான இந்தியக் குழாம் அறிவிக்கப்பட்டுள்ளது,   இதில் ரோஹித் ஷர்மா,சு ப்மன் கில்,மயான்க் அகர்வால், அஜின்கே ரஹானே, ஹனுமா விஹாரி, ரிஷாப் பாண்ட்  ஆகியோர் துடுப்பாட்ட வீரர்களாக...

அதிபர் ஆசிரியர்களுக்கு பிரதமர் விடுத்துள்ள அறிவுறுத்தல்

ஆசிரியர்கள் மற்றும் அதிபர்கள் மாணவர்களின் பரீட்சை பெறுபேறுகளை உயர்மட்டத்திற்கு கொண்டு செல்ல அர்ப்பணிப்புடன் செயற்பட வேண்டும் என பிரதமர் மஹிந்த ராஜபக்ஸ தெரிவித்துள்ளார்.   இம் முறை உயர்தரப் பரீட்சையில் தொழில்நுட்ப பிரிவில் அதிக மதிப்பெண்களை...

நாட்டை இரண்டு வாரங்களுக்கு முடக்குவதே சிறந்த தீர்வு – ஐ.தே.க

நாட்டின் தற்போதைய சூழ்நிலையில் எதிர்வரும் 2 வாரங்களுக்கு தேசிய முடக்க செயற்பாட்டினை அமுல்படுத்த வேண்டும் என ஐக்கிய தேசியக் கட்சி தெரிவித்துள்ளது கொழும்பில் இன்று ஊடகங்களுக்கு கருத்துரைத்த கட்சியின் பொதுச் செயலாளர் பாலித ரங்கே...

எஸ்ட்ரா செனேகா தடுப்பூசி தொடர்பில் ஜனாதிபதி விசேட நடவடிக்கை

இலங்கைக்கு தேவையான அஸ்ட்ரா செனகா கொவிட் 19 தடுப்பூசியின் இரண்டாவது தொகுதியை பெற்றுக் கொள்ள, உலக சுகாதார ஸ்தாபனம் முயற்சிகளை முன்னெடுக்கும் என தாம் நம்புவதாக, ஜனாதிபதி கோட்டாபய ராஜபக்ஸ தெரிவித்துள்ளார்.   ஜனாதிபதி கோட்டாபய...

தற்போதைய அரசாங்கம் பல விடயங்களில் தோல்வி கண்டுள்ளது-எஸ் எம் மரிக்கார் 

அரசாங்கம் ஆட்சிப் பொறுபேற்று இன்று பல விடயங்களில் தோல்வி கண்டுள்ளதாக ஐக்கிய மக்கள் சக்தி தெரிவித்துள்ளது. கொழும்பில் இன்று ஊடகங்களுக்கு கருத்துரைத்த நாடாளுமன்ற உறுப்பினர் எஸ் எம் மரிக்கார்  அவர் இதனைக் கூறியுள்ளார் அவர் மேலும்...

Developed by: SEOGlitz