மெய்ப்பொருள் காண்பது அறிவு

நாட்டில் கொரோனா தொற்றின் இன்றைய நிலைவரம்!

- Advertisement -

கொரோனா தொற்றுக்கு உள்ளாகியிருந்த கடற்படை வீரர்கள் 16 பேர் இன்று குணமடைந்து தமது வீடுகளுக்குத் திரும்பியுள்ளனர்.

இதன்படி, கொரோனா தொற்றில் இருந்து குணமடைந்த கடற்படையினரின் மொத்த எண்ணிக்கை 237ஆக அதிகரித்துள்ளதாக கடற்படை ஊடகப்பிரிவு தெரிவித்துள்ளது.

- Advertisement -

அத்துடன், அவர்களில் 7 பேர் ஹோமாகமை- வைத்தியசாலையிலும், 4 பேர் முல்லேரியா வைத்தியசாலையிலும், மூவர் IDH வைத்தியசாலையிலும், இருவர் வெலிக்கந்த வைத்தியசாலையிலும் சிகிச்சை பெற்றுவந்ததாக கடற்படை ஊடகப்பிரிவு சுட்டிக்காட்டியுள்ளது.

இவர்களுக்கு தொடர்ச்சியாக மேற்கொள்ளப்பட்ட PCR பரிசோதனைகளின் அடிப்படையில், கொரோனா தொற்று இல்லை என உறுதி செய்யப்பட்டுள்ளதாக தெரிவிக்கப்பட்டுள்ளது.

மேலும், குறித்த 16 கடற்படை வீரர்களும் சுகாதார ஆலோசனைக்கு அமைவாக, மேலும் 14 நாட்கள் சுய தனிமைப்படுத்தலில் ஈடுபடுத்துவதற்கு தேவையான நடவடிக்கைகளை முன்னெடுத்துள்ளதாகவும், கடற்படை ஊடகப்பிரிவு தெரிவித்துள்ளது.

இந்த நிலையில், நாடளாவிய ரீதியில், கொரோனா தொற்றுக்கு உள்ளான நிலையில் குணமடைந்தவர்களின் மொத்த எண்ணிக்கை 604 ஆக அதிகரித்துள்ளது.

சுகாதார அமைச்சின் தொற்றுநோய் தடுப்புப் பிரிவு வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

அத்துடன், நாட்டில் கொரோனா வைரஸ் தொற்றுக்குள்ளானவர்களின் எண்ணிக்கை ஆயிரத்து 28 ஆக காணப்படுகின்றது.

கொரோனா தொற்று காரணமாக பாதிக்கப்பட்ட மேலும் ஒருவர் நேற்று இரவு அடையாளம் காணப்பட்டதை அடுத்து இந்த அதிகரிப்பு ஏற்பட்டுள்ளது.

அத்துடன், இவ்வாறு கொரோனா வைரஸ் தொற்றுக்குள்ளானவர்களில் 578 பேர் கடற்படை அதிகாரிகள் என இராணுவத் தளபதி லெப்டினன் ஜெனரல் ஷவேந்திர சில்வா தெரிவித்துள்ளார்.

மேலும், கொரோனா தொற்றுக்கு உள்ளான 415 பேர் தொடர்ந்தும் வைத்தியசாலைகளில் சிகிச்சைப் பெற்று வருகின்றனர்.

இந்த நிலையில், நாட்டில் கொரோனா தொற்றைக் கண்டறிவதற்காக 47 ஆயிரத்து 521 பி.சி.ஆர். பரிசோதனைகள் இதுவரை மேற்கொள்ளப்பட்டுள்ளதாக சுகாதார மேம்பாட்டு பணியகம் தெரிவித்துள்ளது.

இதன் அடிப்படையில் நேற்றைய நாளில் மாத்திரம் ஆயிரத்து 108 PCR பரிசோதனைகள் முன்னெடுக்கப்பட்டுள்ளமை குறிப்பிடத்தக்கது.

இதேவேளை, வெலிசறை கடற்படை முகாமில் மேலும் கொரோனா தொற்று அதிகரிக்கும் அபாயம் காணப்படுவதாக தொற்று நோய் தடுப்பு பிரிவின் பணிப்பாளர் சுதத் சமரவீர தெரிவித்துள்ளார்.

வெலிசறை கடற்படை முகாமில் நிலவும் சூழ்நிலைக்கு அமைய, கடற்படை வீரர்களுக்கு மத்தியில் கொரோனா வைரஸ் பரவலைக் கட்டுப்படுத்துவது சிரமமானது என அவர் கூறியுள்ளார்.

அத்துடன், குறைந்த இடத்தில் அதிக அளவானோர் தங்கியுள்ளமையே கடந்படையினருக்கு மத்தியில் கொரோனா தொற்று வேகமாகப் பரவுவதற்குக் காரணம் என தெரியவந்துள்ளது.

கடற்படையினருக்கு மத்தியில் கொரோனா தொற்று வேகமாகப் பரவுவது குறித்து ஆராயும் விசேட வைத்தியர்கள் குழுவில் முன்வைக்கப்பட்டுள்ள முதற்கட்ட அறிக்கையிலேயே இந்த விடயம் குறிப்பிடப்பட்டுள்ளதாக தெரிவிக்கப்படுகிறது.

இந்த நிலையில், குறித்த வைத்தியர்கள் குழுவின் ஆலோசனைக்கு அமைவாக, வெலிசறை கடற்படை முகாமில், தங்க வைக்கக்கூடிய குறைந்த அளவிலானோரை மட்டும் தங்கவைத்துக் கொண்டு, ஏனையோரை தனிமைப்படுத்தல் முகாம்களுக்கு அனுப்ப தீர்மானிக்கப்பட்டுள்ளது.

கடற்படைத் தளபதி வைஸ் அட்மிரல் பியல் டி சில்வா இதனைத் தெரிவித்துள்ளார்.

அத்துடன், குறித்த கடற்படையினரை தனிமைப்படுத்தல் முகாம்களுக்கு அனுப்பிய பின்னர், வெலிசறை கடற்படை முகாமை முழுமையாக தொற்று நீக்கும் நடவடிக்கைக்கு உட்படுத்தவும் நடவடிக்கை எடுக்கப்பட்டுள்ளதாக அவர் கூறியுள்ளார்.

மேலும், கடற்படையினருக்கு கொரோனா தொற்று ஏற்பட்டது எவ்வாறு என்பது இதுவரை கண்டறியப்படாத ஒரு விடயமாகவே இருப்பதாகவும் அவர் தெரிவித்துள்ளார்.

இந்த நிலையில், வெலிசறை கடற்படை முகாமைச் சேர்ந்த 82 பேர் இன்று தனிமைப்படுத்தல் முகாமுக்கு அழைத்துச் செல்லப்பட்டுள்ளனர்.

கல்கிரியாகம சிவில் பாதுகாப்பு படை முகாமில் அமைக்கப்பட்டுள்ள தனிமைப்படுத்தல் முகாம்களுக்கு 5 பேருந்தகளில் இவர்கள் அனுப்பி வைக்கப்பட்டுள்ளனர்.

கல்கிரியாகம சிவில் பாதுகாப்பு படை முகாமில் உள்ள உயர் பயிற்சிப் பாடசாலை வளாகத்தில் காணப்படும் மூன்று மண்டபங்கள் இதற்காக ஒதுக்கப்பட்டுள்ளதாக தெரிவிக்கப்படுகிறது.

அத்துடன், குறித்த 82 கடற்படை வீரர்களையும் இன்று முதல் 14 நாட்களுக்கு தனிமைப்படுத்த கடற்படையினர் நடவடிக்கை எடுத்துள்ளனர்.

மேலும், தனிமைப்படுத்தப்படும் கடற்படையினரையும், குறித்த முகாமில் உள்ள ஏனைய சிவில் பாதுகாப்பு படையினரையும் தொடர்புகள் இன்றி வைப்பதற்கான நடவடிக்கைகளும் மேற்கொள்ளப்பட்டுள்ளதுடன், இது தொடர்பான ஆலோசனைகளும் வழங்கப்பட்டுள்ளதாக சுகாதார தரப்பினர் தெரிவித்துள்ளமை குறிப்பிடத்தக்கது.

தொடர்புபட்ட செய்திகள்

Related News

SL v IND: இந்திய அணியை 4 விக்கெட்டுகளினால் வீழ்த்தியது இலங்கை…!

இந்திய அணிக்கு எதிரான இரண்டாவது இருபதுக்கு 20 போட்டியில் இலங்கை அணி 4 விக்கெட்டுகளினால் வெற்றி பெற்றுள்ளது. இந்த போட்டியில் முதலில் துடுப்பெடுத்தாடிய இந்திய அணி 20 ஓவர்கள் நிறைவில் 5 விக்கெட் இழப்புக்கு...

ஜப்பானிலிருந்து ஒரு தொகை Astrazeneca தடுப்பூசிகள் நாட்டுக்கு வரவுள்ளது.

ஜப்பானின் நிதியுதவியில் இலங்கைக்கு வழங்கப்படவுள்ள Astrazeneca தடுப்பூசிகள் எதிர்வரும் நாட்களில் நாட்டுக்கு கிடைக்கும் என எதிர்பார்ப்பதாக சுகாதார அமைச்சு தெரிவிக்கின்றது. ஒலிம்பிக் போட்டிகள் காரணமாக இலங்கையை அண்மித்த பிராந்தியங்களுக்கு விமானங்கள் வருகை தருவதில்லை என...

உலகின் மிகப் பெரிய மாணிக்கக் கல் இரத்தினபுரியில் கண்டுபிடிப்பு

உலகின் மிகப் பெரிய மாணிக்கக் கல்லொன்று இலங்கையில் தற்செயலான முறையில் கண்டுபிடிக்கப்பட்டுள்ளதாக தெரிவிக்கப்பட்டுள்ளது. இரத்தினபுரி பகுதியில் நபர் ஒருவர் தனது வீட்டுக்காக கிணறு தோண்டிய போது இந்த மாணிக்கக் கல் கண்டுபிடிக்கப்பட்டுள்ளது. வெளிர் நீல நிறத்திலான...

இலங்கை – இந்திய அணிகளுக்கு இடையிலான இரண்டாவது இருபதுக்கு 20 போட்டி ஒத்தி வைப்பு

இலங்கை மற்றும் இந்திய அணிகளுக்கு இடையிலான இரண்டாவது இருபதுக்கு 20 போட்டி ஒத்தி வைக்கப்பட்டுள்ளது. இன்று இரவு 8 மணிக்கு குறித்த போட்டி ஆரம்பமாகவிருந்த நிலையிலேயே இந்த விடயம் தெரிவிக்கப்பட்டுள்ளது. இந்திய அணி வீரர் ஒருவர்...

சிறுவர் பணியாளர்களை கண்டறியும் நடவடிக்கை முன்னெடுப்பு!

வீட்டு பணியாளர்களாக பணிபுரியும் 16 வயதுக்குட்பட்ட சிறுவர்களை  கண்டறியும் வகையில் பொலிஸாரினால் விசேட நடவடிக்கை முன்னெடுக்கப்பட்டுள்ளது. நாட்டின் பல்வேறு பகுதிகளில் கடந்த சில நாட்களில் பதிவு செய்யப்பட்ட சம்பவங்களை  அடிப்படையாகக் கொண்டு இந்த நடவடிக்கை...

Developed by: SEOGlitz