மெய்ப்பொருள் காண்பது அறிவு

சவால்கள் கடந்து சாதிக்கும் உழைப்பாளர்களை பெருமையுடன் போற்றுவோம்…!

- Advertisement -

இன்று சர்வதேச தொழிலாளர் தினம்.

எட்டு மணி நேர வேலை, எட்டு மணி நேர பொழுதுபோக்கு, எட்டு மணிநேர ஓய்வு என்பவற்றை தொழிலாளர் உரிமைகளாக வென்றெடுத்த தினம் தான் இந்த நாள்.

- Advertisement -

1890ஆம் ஆண்டுகளில் இருந்து கொண்டாடப்பட்டு வரும் தொழிலாளர் தினத்தின் இன்றைய நிலை என்ன?

சுமார் 150 ஆண்டுகளுக்கு முன்னால் ஆரம்பித்த தொழிலாளர் உரிமைகளை வென்றெடுப்பதற்கான போராட்டத்தின் அடிப்படை நோக்கங்களின் இன்றைய நிலை என்ன?

இன்று எல்லா தொழிலாளர்களுக்கும் 8 மணி நேர வேலை என்ற உரிமை கிடைக்கிறதா?

தொழிலாளர்கள் சுரண்டப்படாமல் அவர்களுக்கான உரிமைகள் தொழில் தருநர்களால் வழங்கப்படுகின்றனவா?

இன்றைய நாளில் எமது நாட்டைப் பொறுத்தவரை தமது அரசியல் கட்சியின் பலத்தைக் காட்டும் ஒரு நாளாக மே தினம் மாறியிருக்கிறது.

தொழிலாளர்களின் உரிமைகளைப் பாதுகாக்க வேண்டிய தொழிற்சங்கங்கள் இன்று அரசியல் கட்சிகளுக்கு உறுப்பினர்களை இணைக்கும் இடமாக மாறிப் போயிருக்கின்றன.

1800களில் தொழிலாளர்கள் அடைத்து வைக்கப்பட்டு அடிமைகளாய் வேலை வாங்கப்பட்டனர்.

ஆனால் இன்று தாம் நவீன அடிமைகளாய் மாற்றப்பட்டிருப்பதை உணராமல் ஒவ்வொருவரும் தமது வாழ்க்கையைத் தொலைத்துவிட்டு வேலை செய்து கொண்டிருக்கின்றனர்.

ஆகவே, தொழிலாளர் தினத்தின் உண்மையான இலக்குகளை மையமாக வைத்துதான் இந்த நாளை நாம் கொண்டாடுகிறோமா என்பதை நாம் ஒவ்வொருவரும் சிந்தித்துப் பார்க்க வேண்டும்.

வேலை என்பது நம் வாழ்வின் ஒரு அங்கம். அதனை மாற்ற முடியாது. ஆனால் வாழ்க்கைக்காகத்தான் வேலையே தவிர, வேலைக்காக வாழ்க்கை அல்ல.

20 வயதில் உழைக்க ஆரம்பிக்கும் நாம், 60 வயதில் களைத்து ஓய்ந்து, திரும்பிப் பார்க்கும் போது வாழ்க்கையில் ஒரு வெறுமைதான் காணப்படும்.

வாழ்க்கையில் ஒவ்வொருவருமே தொழிலாளர்கள் தான். பொருத்தமான தொழிலைத் தெரிவு செய்வதும் வாழ்வதற்காக தொழில் புரிய வேண்டியதும் நாம் இன்றைய நாளில் நினைவு கொள்ள வேண்டிய விடயங்களாகின்றன.

இதேவேளை, இன்று உலகம் முழுவதையும் ஆட்டிப் படைத்துக் கொண்டிருக்கும் கொரோனா தாக்கத்தினால் பலரது தொழில்கள் முடங்கிப் போயிருக்கின்றன.

உலக நாடுகளின் தொழிற் துறை கடுமையான சரிவை எதிர்நோக்கியிருக்கிறது.

இதை சரி செய்ய வேண்டியது தொழிலாளர்களாகிய நம் ஒவ்வொருவரினதும் கைகளில் தான் இருக்கிறது.

நம் ஒவ்வொருவரினதும் உழைப்பு தான் கொரோனாவால் வீழ்ந்த பொருளாதாரத்தை தூக்கிநிறுத்தும் மாபெரும் சக்தியாக இருக்கப் போகிறது.

அத்துடன், இந்த நேரத்தில் கொரோனா வைரஸ் பரவலை எதிர்த்துக் களத்தில் போராடும் தொழிலாளர்களை நாம் நினைவு கூரக் கடமைப் பட்டிருக்கிறோம்.

மருத்துவர்கள், தாதியர்கள், வைத்தியசாலை பணியாளர்கள், சுகாதார அதிகாரிகள், பொலிஸார், இராணுவத்தினர், தன்னார்வலர்கள், ஊடகவியலாளர்கள் என களத்தில் நிற்கும் ஒவ்வொருவரும் இன்றைய நாளில் நினைவு கூரப்பட வேண்டியவர்கள்.

ஆகவே, இன்றைய நாளை கொரோனா தாக்கத்தை எதிர்த்துப் போராடுவதற்காக அர்ப்பணிப்பதுடன், எதிர்காலத்தில் தொழிலாளர் தினத்தின் உண்மையான நோக்கத்தை அடைய பாடுபடும் ஒரு நாளாக நாம் மாற்றுவோம்.

உலகின் அத்தனை தொழிலாளர்களுக்கும் எமது கெப்பிட்டல் செய்திப் பிரிவின் தொழிலாளர் தின நல் வாழ்த்துகள்!!!

தொடர்புபட்ட செய்திகள்

Related News

ஜெனிவா அழுத்தங்களுக்கு தயாராகும் இலங்கை அரசாங்கம்…!

எதிர்வரும் ஜெனிவா மனிதவுரினைகள் கூட்டத்தொடரில் இலங்கைக்கு எதிராக பாரிய அழுத்தங்கள் மேற்கொள்ளப்படுவதறடகான முயற்ச்சிகள் மேற்கொள்ளப்பட்டு வருவதாக நாடாளுமன்ற உறுப்பினர் எஸ்.பி.திஸாநாயக்க குறிப்பிட்டுள்ளார். கொழும்பில் இன்று இடம்பெற்ற ஊடகவியலாளர்கள் சந்திப்பில் கலந்துக்கொண்டு கருத்து தெரிவிக்கும் போதே...

முக்கிய அமைச்சரின் PCR முடிவு வெளியானது…!

கல்வி அமைச்சர் ஜி.எல். பரீஸிற்கு முன்னெடுக்கபட்ட கொரோனா PCR பரிசோதனை முடிவுகள் வெளியாகியுள்ளன. அதில் அவருக்கு கொரோனா தொற்று இல்லை என உறுதி செய்யப்பட்டுள்ளதாக கல்வி அமைச்சு குறிப்பிட்டுள்ளது. மேலும், கல்வி அமைச்சர் ஜி.எல். பரீஸ்...

பவித்ரா உள்ளிட்ட 353 பேருக்கு இன்று தொற்று உறுதி – முழு விபரம் உள்ளே..!

கொரோனா தொற்றுக்குள்ளானமேலும் 353 பேர் அடையாளம் கா ணப்பட்டுள்ளதாக சுகாதார அமைச்சின் தொற்றுநோய் தடுப்பு பிரிவு குறிப்பிட்டுள்ளது. இந்த நிலையில், நாட்டில் கொரோனா தொற்றுக்குள்ளானோரின் மொத்த எண்ணிக்கை 57 ஆயிரத்து 216ஆக அதிகரித்துள்ளது. இதன்படி, தொற்றுக்குள்ளான...

பவித்ரா வன்னியாராச்சிக்கு PCR பரிசோதனையில் கொரோனா உறுதி…!

சுகாதார அமைச்சர் பவித்ரா வன்னியாராச்சிக்கு கொரோனா தொற்று உறுதி செய்யப்பட்டுள்ளதாக சுகாதார அமைச்சு உறுதிப்படுத்தியுள்ளது. சுகாதார அமைச்சருக்கு மேற்கொள்ளப்பட்டிருந்த அன்டிஜன் பரிசோதனையில் முன்னதாக கொரோனா தொற்று உறுதிப்படுத்தப்பட்டது. இந்த நிலையில், அவருக்கு நேற்றைய தினம் பி...

இந்தியாவிடம் இருந்து 6 லட்சம் கொரோனா தடுப்பூசி- ஜனாதிபதி அறிவிப்பு

இந்தியாவிடம்இருந்து  முதற்கட்டமாக  6 லட்சம் கொரோனா தடுப்பூசிகளை பெறுவதற்குதீர்மானித்துள்ளதாக ஜனாதிபதி கோட்டாபய ராஜபக்‌ஷ அறிவித்துள்ளார். இதன்படிஎதிர்வரும்  27 ஆம் திகதி குறித்ததடுப்பூசிகளை இலங்கைக்கு இறக்குமதி செய்யப்படவுள்ளதாகவும்  தெரிவிக்கப்பட்டுள்ளது. களுத்துறை  வலல்லாவிட்ட பகுதியில் இன்று இடம்பெற்ற கிராமத்துடனானஉரையாடல்...

Developed by: SEOGlitz