மெய்ப்பொருள் காண்பது அறிவு

சர்வதேச புகைத்தல் எதிர்ப்புத் தினம் இன்று : கெபிட்டலின் சிறப்புப் பார்வை!

- Advertisement -

புகைப்பிடிக்கும் பழக்கத்தின் காரணமாக, வருடாந்தம் 20 ஆயிரம் இலங்கையர்கள் உயிரிழப்பதாக மதுபானம் மற்றும் போதைப்பொருள் தொடர்பான தகவல் நிலையம் சுட்டிக்காட்டியுள்ளது.

மே 31ஆம் திகதியாகிய இன்று சர்வதேச புகைத்தல் எதிர்ப்புத் தினமாகும்.

- Advertisement -

இதனையொட்டி வெளியிடப்பட்டுள்ள விசேட ஊடக அறிக்கையிலேயே இந்த விடயம் தெரிவிக்கப்பட்டுள்ளது.

அத்துடன், புகைப்பிடிக்கும் பழக்கத்தின் காரணமாக, நாளாந்தம் 55 பேர் உயிரிழக்க நேரிடுவதாகவும் தெரிவிக்கப்பட்டுள்ளது.

மேலும், சர்வதேச ரீதியில், புகைப்பழக்கத்தினால், வருடாந்தம் 8 மில்லியன் மக்கள் உயிரிழக்கும் அதேவேளை, அவர்களில் 9 இலட்சம் பேர் இரண்டாம் நிலை புகைத்தலினால் உயிரிழப்பதாக உலக சுகாதார ஸ்தாபனம் குறிப்பிட்டுள்ளது.

இதன் காரணமாக, புகைப்பிடிக்கும் பழக்கத்தை ஊக்குவிப்பதற்காக, இளைஞர்களும் சிறுவர்களும் இலக்குவைக்கப்படுவதாக, மதுசாரம் மற்றும் போதைப்பொருள் தகவல் நிலையம் சுட்டிக்காட்டுகின்றது.

இதற்கிணங்க, இளைஞர்களை புகையிலை நிறுவனத்தின் பிழையான வழிகாட்டலில் இருந்து பாதுகாத்து, அவர்களின் பாவனையை தடுப்போம்’ எனும் தொனிப் பொருளில், 2020ஆம் ஆண்டிற்கான, சர்வதேச புகைத்தல் எதிர்ப்புத் தினம் கொண்டாடப்படுவதாக, உலக சுகாதார ஸ்தாபனம் தெரிவித்துள்ளது.

இந்த நிலையில், 2003ஆம் ஆண்டு உருவாக்கப்பட்ட புகைப்பழக்கத்தைக் கட்டுப்படுத்துவதற்கான கொள்கைக் கட்டமைப்பில் இலங்கை உள்ளிட்ட 168 நாடுகள் கையெழுத்திட்டுள்ளன.

அத்துடன், சிறுவயதில் இருந்து பிள்ளைகளின் மனதில் புகைத்தல் தொடர்பான சாதகமான சிந்தனையொன்றை உருவாக்குவதற்காக, விற்பனை நிறுவனங்களினால் பல்வேறு நுணுக்கமான முறைகள் கையாளப்படுவதாகவும் எச்சரிக்கப்பட்டுள்ளது.

மேலும், இளைஞர்களும், சிறுவர்களும், போதைப் பொருள் பழக்கத்துக்கு அடிமையாவதைத் தவிர்ப்பதற்காக, 6 பரிந்துரைகள், மதுசாரம் மற்றும் போதைப்பொருள் தகவல் நிலையத்தினால் முன்வைக்கப்பட்டுள்ளன.

புகைத்தல் பொருட்களின் தனி விற்பனையை தடை செய்தல், கல்வி நிறுவனங்களில் இருந்து 100 மீற்றர் வரை புகைத்தல் பொருள் விற்பனையை தடை செய்தல், புகைத்தல் பொருட்களுக்கு அதிக பட்ச விலையை நிர்ணயித்தல், வெற்றுப் பொதியிடல் முறைமை, தவறாக வழிநடத்தும் விளம்பரங்களைத் தடுத்தல் மற்றும் அவற்றின் மீது நடவடிக்கை எடுத்தல் ஆகிய பரிந்துரைகள் முன்வைக்கப்பட்டுள்ளன.

இதேவேளை, புகைத்தலினால் எமது சமூகம் பாதிப்படைவதைத் தடுக்க நாம் ஒவ்வொருவரும் பொறுப்புணர்வுடன் செயற்பட வேண்டியது அவசியமாகும் என்பதை எமது கெப்பிட்டல் செய்திகள் வலியுறுத்துகின்றது.

தொடர்புபட்ட செய்திகள்

Related News

ரஷ்யாவுடன் ஐரோப்பிய ஒன்றியம் பேச்சுவார்த்தைகளை முன்னெடுப்பது ஆபத்தானது

ரஷ்யாவுடன் ஐரோப்பிய ஒன்றியம் பேச்சுவார்த்தைகளை முன்னெடுப்பது ஆபத்தானது என யுக்ரேன் எதிர்ப்பு வெளியிட்டுள்ளது. ரஷ்ய ஜனாதிபதியுடன் முறையான பேச்சுவார்த்தைகள் முன்னெடுக்கப்பட வேண்டும் என, ஜேர்மனி மற்றும் பிரான்ஸ் ஆகிய நாடுகள் ஐரோப்பிய ஒன்றியத்தை வலியுறுத்திய...

இரண்டாவது இருபதுக்கு 20 போட்டி இன்று

இலங்கை மற்றும் இங்கிலாந்து அணிகளுக்கு இடையிலான இரண்டாவது இருபதுக்கு 20 போட்டி இன்று இடம்பெறவுள்ளது. இந்தப் போட்டி, இலங்கை நேரப்படி இன்றிரவு 11 மணிக்கு ஆரம்பமாகவுள்ளது. இதேவேளை, இந்த இரு அணிகளுக்கும் இடையிலான மூன்று இருபதுக்கு...

யாழ்ப்பாணம் மாவட்டத்துக்கு மேலும் 50 ஆயிரம் கொரோனா தடுப்பூசிகள்

யாழ்ப்பாணம் மாவட்டத்துக்கு மேலும் 50 ஆயிரம் கொரோனா தடுப்பூசிகள் வழங்கப்பட்டுள்ளதாக தெரிவிக்கப்பட்டுள்ளது. முதலாவது கொரோனா தடுப்பூசி பெற்றுக் கொண்டவர்களுக்காக குறித்த தடுப்பூசிகள் பயன்படுத்தப்படவுள்ளதாக சுகாதார அமைச்சு குறிப்பிட்டுள்ளது. இதற்கமைய, எதிர்வரும் திங்கட்கிழமை முதல் குறித்த தடுப்பூசிகளை...

பிரதேச கற்றல் மத்திய நிலையங்களை ஆரம்பிக்க நடவடிக்கை

கொரோனா தொற்று பரவல் காரணமாக பாதிப்புக்கு உள்ளாகியுள்ள பாடசாலை கற்றல் செயற்பாடுகளை வினைத்திறனான வகையில் முன்னெடுக்கும் நோக்கில் யாழ்ப்பாணம் மாவட்டத்தில் பிரதேச கற்றல் மத்திய நிலையங்களை ஆரம்பிக்க நடவடிக்கை எடுக்கப்பட்டுள்ளது. இதற்கமைய, யாழ்ப்பாணம் மாவட்டத்தில்...

16 அரசியல் கைதிகள் விடுதலை செய்யப்பட்டுள்ளனர்

பயங்கரவாத தடைச்சட்டத்தின் கீழ் கைது செய்யப்பட்டு நீண்டகாலமாக சிறைச்சாலைகளில் தடுத்துவைக்கப்பட்டிருந்த  தமிழ் அரசியல் கைதிகள்  16 பேர் இன்று விடுதலை செய்யப்பட்டு, உறவினர்களிடம் ஒப்படைக்கபட்டுள்ளனர். அனுராதபுர சிறைச்சாலையில் இருந்து 15 பேரும் யாழ்ப்பாண சிறைச்சாலையில்...

Developed by: SEOGlitz