மெய்ப்பொருள் காண்பது அறிவு

ஜனாதிபதி ஊடகப்பிரிவு வெளியிட்டுள்ள அறிக்கை!

- Advertisement -

விடுமுறையில் சென்றுள்ள முப்படையினரை முகாம்களுக்கு மீண்டும் அழைத்துவருவதற்காக நாடளாவிய ரீதியில் இன்று ஊரடங்கு சட்டம் அமுல்படுத்தப்பட்டுள்ளது.

முன்னதாக, கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்கள் தவிர்ந்த ஏனைய 21 மாவட்டங்களிலும் இன்று காலை ஊரடங்கு தளர்த்தப்படும் என அறிவிக்கப்பட்டிருந்தது.

- Advertisement -

எனினும், விடுமுறையில் சென்றுள்ள முப்படையினரை முகாம்களுக்கு மீண்டும் அழைத்துவருவதற்காக அந்த ஊரடங்கு நடைமுறையில் மாற்றம் ஏற்படுத்தப்பட்டுள்ளது.

அத்துடன், கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்கள் தவிர்ந்த ஏனைய 21 மாவட்டங்களிலும் நாளை காலை 5 மணி முதல் இரவு 8 மணிவரை ஊரடங்கு தளர்த்தப்படும் என அறிவிக்கப்பட்டுள்ளது.

இதன் பின்னர், குறித்த மாவட்டங்களில் மே மாதம் முதலாம் திகதி வரை இரவு 8 மணி முதல் அதிகாலை 5 மணிவரை மட்டுமே ஊரடங்கு அமுலில் இருக்கும்.

ஜனாதிபதி ஊடகப்பிரிவு வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

மேலும், கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்களில் ஊரடங்கு அமுல்படுத்தப்பட்டிருந்தாலும், அரச மற்றும் தனியார் துறையினரின் செயற்பாடுகளை மே மாதம் 4ஆம் திகதி ஆரம்பித்து செயற்படுத்தும் வகையில் உரிய சட்டங்கள் தளர்த்தப்பட்டுள்ளன.

அத்துடன், சேவைகளுக்கு சமூகமளிக்க வேண்டியவர்கள் தவிர்ந்த ஏனையோர் வீடுகளிலேயே இருப்பது அவசியம் எனவும் அறிவுறுத்தப்பட்டுள்ளது.

உணவு மற்றும் மருந்துகள் போன்ற அத்தியாவசிய பொருட்கள் மற்றும் அவசியமான உணவுப் பொருட்கள் ஆகியவற்றை கொள்வனவு செய்ய மாத்திரமே பொதுமக்கள் வெளியில் செல்ல முடியும் என்பதுடன், அவ்வாறான தேவைகளுக்காக தமது பிரதேசத்தில் காணப்படுகின்ற நடை தூரத்தில் உள்ள விற்பனை நிலையங்களை மாத்திரமே தெரிவு செய்ய வேண்டும் எனவும் தெரிவிக்கப்பட்டுள்ளது.

அத்தியாவசிய பொருட்களை கொள்வனவு செய்ய வீட்டில் இருந்து வெளியில் செல்ல தேசிய அடையாள அட்டையின் இறுதி இலக்கத்தின் படி மாத்திரமே அனுமதி வழங்கப்பட்டுள்ளது.

தொடர்புபட்ட செய்திகள்

Related News

சிறுவர்களுக்கான சட்டத்திருத்தங்கள் தொடர்பாக இலங்கைக்கு ஐ.நா பாராட்டு!

சிறுவர்களுக்காக மேற்கொள்ளப்பட்டுள்ள சட்டத் திருத்தங்களுக்காக UNICEF எனப்படும் ஐக்கிய நாடுகளின் சிறுவர் நிதியம் இலங்கை அரசாங்கத்திற்கு தமது பாராட்டுக்களைத் தெரிவித்துள்ளது. தொழில் புரிவதற்கான குறைந்தபட்ச வயதெல்லையை 16 ஆக அறிவித்ததன் ஊடாக, கட்டாயக் கல்விக்கான...

ரஷ்ய பிரஜைக்கு கொரோனா தொற்று இல்லை!

மாத்தறையில் விடுதி ஒன்றில் தங்கியிருந்த நிலையில் கொரோனா வைரஸ் தொற்று ஏற்பட்டதாக அடையாளம் காணப்பட்ட ரஷ்ய பிரஜைக்கு கொரோனா வைரஸ் தொற்று இல்லை என்பது உறுதி செய்யப்பட்டுள்ளது. ஹம்பாந்தோட்டை வைத்தியசாலையில் மேற்கொள்ளப்பட்ட பி.சி.ஆர் பரிசோதனைகளுக்கு...

நல்லாட்சியில் ஆணைக்குழுக்கள் சுயாதீனமாக இயங்கவில்லை : அமைச்சர் பிரசன்ன!

நல்லாட்சி அரசாங்கத்தின் ஜனாதிபதி தம்மை பாதுகாத்துக்கொள்வதற்காகவே பொதுஜன பெரமுனவுடன் இணைந்து செயற்படுவதாக அமைச்சர் பிரசன்ன ரணதுங்க தெரிவித்துள்ளார். கொழும்பில் நேற்று ஊடகங்களுக்கு கருத்துரைக்கையில் அவர் இதனை  கூறியுள்ளார். "உயிர்த்த ஞாயிறு தாக்குதல் தொடர்பான விசாரணைகளின் போது...

கொரோனா தொற்றுக்கு உள்ளானவர்களின் எண்ணிக்கை மேலும் அதிகரிப்பு!

நாட்டில் கொரோனா வைரஸ் தொற்றுக்கு உள்ளானவர்களின் எண்ணிக்கை 3 ஆயிரத்து 329 ஆக அதிகரித்துள்ளது. கொரோனா வைரஸ் தொற்றுக்குள்ளான மேலும்   ஐவர்  அடையாளம் காணப்பட்ட நிலையிலே இந்த அதிகரிப்பு ஏற்பட்டுள்ளதாக சுகாதார அமைச்சின்...

எஸ்.பி.பாலசுப்பிரமணியத்தின் உடல் நிலை குறித்து சற்று முன் வெளியான அதிர்ச்சித் தகவல்!

தமிழ் சினிமாவின் பிரபல பாடகரான எஸ்.பி.பாலசுப்பிரமணித்தின் உடல்நிலை குறித்து வைத்தியசாலை நிர்வாகம் அறிக்கை ஒன்றினை வெளியிட்டுள்ளது. இன்று மாலை வைத்தியசாலை வெளியிட்ட அறிக்கையில், எஸ்.பி.பாலசுப்பிரமணியம் உடல் நிலையில் சற்றுப் பின்னடைவு ஏற்பட்டு உள்ளதாக தெரிவிக்கப்பட்டுள்ளது. மேலும்,...

Developed by: SEOGlitz