மெய்ப்பொருள் காண்பது அறிவு

சுகாதார அமைச்சு விடுக்கும் விசேட அறிவிப்பு

- Advertisement -

கொரோனா வைரஸின் தாக்கத்தினால் பாதிக்கப்பட்டதாக நேற்றைய தினம் அடையாளங்காணப்பட்ட 65 பேரில் 61 பேர் கடற்படையைச் சேர்ந்தவர்கள் என சுகாதார அமைச்சு தெரிவிக்கின்றது.

அத்துடன், வெளியிலிருந்து அடையாளங் காணப்பட்டவர்களில் இரண்டு பேர், நாரஹேன்பிட்ட தாம்பரே மாவத்தையைச் சேர்ந்தவர்கள் என சுகாதார சேவைகள் பணிப்பாளர் நாயகம் விசேட வைத்திய நிபுணர் அனில் ஜாசிங்க தெரிவித்தார்.

- Advertisement -

மேலும், பாதிக்கப்பட்ட ஏனைய இரண்டு பேரில் ஒருவர், டொரிங்டன் பகுதியின் 60 ஆவது தோட்டப் பகுதியைச் சேர்ந்தவர் எனவும் , மற்றைய நபர் ஹெவ்லொக் பகுதியில் சுத்திகரிப்புப் பணியில் ஈடுபடும் மாநகர சபை பணியாளர் ஒருவர் எனவும் சுட்டிக்காட்டப்பட்டுள்ளது.

இதேவேளை, நாட்டில் PCR பரிசோதனை நடவடிக்கைகள் அதிகரிக்கப்பட்டுள்ள நிலையில், நேற்றைய தினம் மாத்திரம் ஆயிரத்து 400 PCR பரிசோதனைகள் மேற்கொள்ளப்பட்டுள்ளதாகவும் அவர் குறிப்பிட்டுள்ளார்.

அத்துடன், ஆசிய அபிவிருத்தி வங்கியின் நிதியுதவியுடன் முல்லேரியாவில் தற்போது நிர்மாணிக்கப்பட்டு வரும் ஆய்வுகூடம், விரைவில் ஆரம்பிக்கப்படும் எனவும், இதன்பின்னர் இலங்கையில் பி.சி.ஆர் பரிசோதனை திறனை மேலும் அதிகரிக்க முடியும் எனவும் சுகாதார சேவைகள் பணிப்பாளர் நாயகம் விசேட வைத்திய நிபுணர் அனில் ஜாசிங்க மேலும் கூறியுள்ளார்

இதேவேளை, நாட்டில் கொரோனா வைரஸினால் பாதிக்கப்பட்ட 588 பேர் இதுவரை அடையாளங் காணப்பட்டுள்ள நிலையில், அவர்களில் 126 பேர் குணமடைந்துள்ளனர்.

அத்துடன், 455 பேர் தொடர்ந்தும் சிகிச்சை பெறுவதாக சுகாதார அமைச்சின் தொற்றுநோய் தடுப்பு பிரிவு தெரிவிக்கின்றது.

இதற்கமைய, பாதிக்கப்பட்டவர்களுக்கு, தேசிய தொற்றுநோய் வைத்தியசாலை, வெலிக்கந்தை ஆரம்ப வைத்தியசாலை, கொழும்பு கிழக்கு ஆரம்ப வைத்தியசாலை, இரணவில வைத்தியசாலை, காத்தான்குடி ஆரம்ப வைத்தியசாலை, மினுவாங்கொடை ஆரம்ப வைத்தியசாலை மற்றும் கடற்படை வைத்தியசாலைகளில் சிகிச்சை வழங்கப்பட்டு வருவதாக சுகாதார அமைச்சு தெரிவிக்கின்றது.

மேலும், இலங்கையில் இதுவரை 15 ஆயிரத்திற்கும் மேற்பட்டோரிடம் கொரோனா தொற்று தொடர்பான பரிசோதனைகள் மேற்கொள்ளப்பட்டுள்ளதாக சுட்டிக்காட்டப்பட்டுள்ளது.

இதேவேளை, இலங்கையில், கடந்த ஐந்து நாட்களிலேயே கொரோனாவினால் பாதிக்கப்பட்ட அதிகமான நோயாளர்கள் அடையாளங் காணப்பட்டனர்.

இதற்கமைய, கடந்த 23 ஆம் திகதி 38 பேரும், 24ஆம் திகதி 52 பேரும், 25 ஆம் திகதி 40 பேரும், 26 ஆம் திகதி 63 பேரும் நேற்றைய தினம் 65 பேரும் அடையாளங்காப்பட்டமை சுட்டிக்காட்டத்தக்கது

தொடர்புபட்ட செய்திகள்

Related News

மாலைதீவில் விபத்துக்குள்ளான விமானம் தொடர்பில் விசாரணை!

ஶ்ரீலங்கன் விமான சேவைக்கு சொந்தமான விமானமொன்று  மாலைதீவில் விபத்துக்குள்ளானமை தொடர்பில் விசாரணைகள் மேற்கொள்ளப்பட்டுள்ளன. சம்பவத்தில் குறித்த விமானம் பகுதியளவில் சேதமடைந்துள்ளதாக   ஶ்ரீலங்கன்  எயார்லைன்ஸ் விமான சேவை தெரிவித்துள்ளது. மாலே சர்வதேச விமான நிலையத்தில் நிறுத்திவைக்கப்பட்டிருந்த  ஶ்ரீலங்கன்...

கம்பஹா மாவட்டத்தில் கொரோனா வைரஸ் மூன்றாம் அலை ஏற்படும் அபாயம்!

கம்பஹா மாவட்டத்தின் திவுலப்பிட்டிய பகுதியில்   கொரோனா  வைரஸ் பரவல்  மூன்றாம்  அலை   ஏற்படும் அபாயம் காணப்படுவதாக   பொதுசுகாதார பரிசோதகர் சங்கம் தெரிவித்துள்ளது. திவுலுப்பட்டிய பகுதியில் கடந்த 48 மணித்தியாலங்களில்  84 பேருக்கு கொரோனா தொற்று...

யாழ்ப்பாணத்தில் பொலிஸ் சமிக்ஞையை மீறி பயணித்த   வாகனம் மீது துப்பாக்கி பிரயோகம்

யாழ்ப்பாணம் கொடிகாம் பகுதியில்  பொலிஸ் சமிக்ஞையை மீறி பயணித்த   வாகனம் ஒன்றின் மீது பொலிஸார்  துப்பாக்கி பிரயோகம் நடாத்தியுள்ளனர் சட்டவிரோத மணல்  கடத்தல் இடம்பெறுவதாக பொலிஸாருக்கு  கிடைக்கப்பெற்ற  தகவலின் பிரகாரம்  மேற்கொள்ளப்பட்ட சோதனை நடவடிக்கையின்...

பல்கலைக்கழகங்களை மீள திறக்கும் திகதியில் மாற்றம்!

நாட்டின் அனைத்து பல்கலைக்கழகங்களையும் மீள திறக்கும் தீர்மானம் எதிர்வரும் இரண்டுவாரங்களுக்கு பிற்போடப்பட்டுள்ளது. நாட்டின் தற்போதைய நிலைமையினை கருத்திற்கொண்டு இந்த தீர்மானம் மேற்கொள்ளப்பட்டதாக கல்வி அமைச்சர் ஜீ எல் பீரிஸ் தெரிவித்துள்ளார் இதேவேளை நாட்டின் அனைத்து  பல்கலைக்கழகங்களும்...

இலங்கை மற்றும் இந்தியாவிற்கு இடையில் ஆரம்பிக்கப்படவிருந்த விமான சேவை ஒத்திவைப்பு

இலங்கை மற்றும்  இந்தியா ஆகிய நாடுகளுக்கிடையில்  உயிர்குமிழி முறையிலான பயணமுறைமை இடைநிறுத்தப்படவில்லை என சுற்றுலாத்துறை அமைச்சர் பிரசன்ன ரணதுங்க தெரிவித்துள்ளார், இருநாடுகளினதும் சுற்றுலாத்துறையை மேம்படுத்த இந்த நடவடிக்கை எடுக்கப்பட்டுள்ளதாக பிரசன்ன ரணதுங்க குறிப்பிட்டுள்ளார்., இந்த நிலையில்...

Developed by: SEOGlitz