மெய்ப்பொருள் காண்பது அறிவு

அரச மற்றும் தனியார் நிறுவனங்களின் நடவடிக்கைகள் ஆரம்பம் – அறிவுறுத்தல்கள் நிறுவனங்களின் பிரதானிகளுக்கு வழங்கிவைப்பு

- Advertisement -

கொழும்பு, கம்பஹா, களுத்தறை மற்றும் புத்தளம் ஆகிய மாவட்டங்கள் தவிர்ந்த ஏனைய மாவட்டங்களில் இன்றைய தினமும் அதிகாலை ஐந்து மணிக்கு ஊரடங்கு சட்டம் தளர்த்தப்பட்டுள்ளது

இதற்கமைய, குறித்த மாவட்டங்களில் இன்று இரவு எட்டு மணிக்கு  மீண்டும் ஊரடங்கு சட்டம் அமுல்படுத்தப்படவுள்ளது.

- Advertisement -

அத்துடன், இந்த மாவட்டங்களில் நாளை அதிகாலையும் ஐந்து மணிக்கு ஊரடங்கு சட்டம் தளர்த்தப்பட்டு இரவு எட்டு மணிக்கு மீண்டும் அமுல்படுத்தப்படவுள்ளது.

இதற்கமைய, குறித்த மாவட்டங்களில் நாளை இரவு 8.00 மணிக்கு அமுல்படுத்தப்படும் ஊரடங்கு சட்டம் எதிர்வரும் 11 ஆம் திகதி அதிகாலை ஐந்து மணிவரை அமுலில் இருக்கும் என அறிவிக்கப்பட்டுள்ளது

இதேவேளை, ஊரடங்கு சட்டம் அமுல்படுத்தப்பட்ட பகுதிகளில், தேசிய அடையாள அட்டையைப் பயன்படுத்தி வெளியே செல்லும் நடைமுறை எதிர்வரும் 11 ஆம் திகதியிலிருந்தே அமுலாகும் என தெரிவிக்கப்பட்டுள்ளது.

குறிப்பாக, கொழும்பு, கம்பஹா, களுத்தறை மற்றும் புத்தளம் ஆகிய மாவட்டங்களில், தேசிய அடையாள அட்டையைப் பயன்படுத்தி வெளியே செல்லும் நடைமுறை நேற்று முதல் அமுலாகும் என முன்னதாக அறிவிக்கப்பட்டிருந்த நிலையிலேயே, இந்த அறிவிப்பு விடுக்கப்பட்டது

இதேவேளை, கொழும்பு, கம்பஹா, களுத்தறை மற்றும் புத்தளம் ஆகிய மாவட்டங்களில் நடைமுறைப்படுத்தப்பட்டுள்ள ஊரடங்கு சட்டம் மறு அறிவித்தல் வரை தொடர்ந்தும் அமுலில் இருக்கும் என அறிவிக்கப்பட்டுள்ளது.

எனினும், குறித்த மாவட்டங்களில் ஊரடங்கு அமுலில் உள்ள போதிலும், எதிர்வரும் 11 ஆம் திகதி முதல் அரச மற்றும் தனியார் நிறுவனங்களின் நடவடிக்கைகளை ஆரம்பிக்க வேண்டும் என அறிவிக்கப்பட்டுள்ளது.

இதன்படி, இது தொடர்பான அறிவுறுத்தல்கள் நிறுவனங்களின் பிரதானிகளுக்கு வழங்கப்பட்டுள்ளதாக ஜனாதிபதி ஊடகப் பிரிவு தெரிவிக்கின்றது.

இதற்கமைய, தனியார் நிறுவனங்களை திறக்கும் நேரமாக காலை 10 மணி நிர்ணயிக்கப்பட்டுள்ளது.

அத்துடன்அரச மற்றும் தனியார் நிறுவனங்களுக்கு வருகை தருகின்ற பணியாளர்களின் எண்ணிக்கையை, நிறுவனங்களின் பிரதானிகள் தீர்மானிக்க வேண்டும் என அறிவிக்கப்பட்டுள்ளது.

மேலும், ஊரடங்கு சட்டம் அமுல்படுத்தப்பட்டுள்ள பகுதிகளில்  அத்தியாவசிய பொருட்கொள்வனவுகள் மற்றும் மருந்து பொருட்களை கொள்வனவு செய்வதற்கு மாத்திரமே வெளியில் செல்ல முடியும் எனவும் தெரிவிக்கப்பட்டுள்ளது.

தொடர்புபட்ட செய்திகள்

Related News

பூகொட முகக்கவசம் உற்பத்தி தொழிற்சாலையில் கொரோனா தொற்றுக்குள்ளானவர்களின் எண்ணிக்கை மேலும் அதிகரிப்பு

பூகொட மண்டாவல  பகுதியில் அமைந்துள்ள முகக்கவசம் உற்பத்தி தொழிற்சாலையில் கொரோனா தொற்றுக்குள்ளானவர்களின் எண்ணிக்கை  34 ஆக அதிகரித்துள்ளது. குறித்த தொழிற்சாலையைச் சேர்ந்த 29 பேருக்கு நேற்றைய தினம் கொரோனா தொற்று உறுதிப்படுத்தப்பட்ட நிலையிலே  இந்த...

அமெரிக்கத் தூதரக கட்டட பணியாளர்களுக்கு கொரோனா

அமெரிக்கத் தூதரக கட்டட நிர்மாணப் பணிகளில் ஈடுபடும் இரண்டு இந்தியப் பிரஜைகளுக்கு கொரோனா தொற்று உறுதி செய்யப்பட்டுள்ளது, தற்போது குறித்த இரண்டு பேரும் சிகிச்சை மத்திய நிலையத்துக்கு அனுப்பி வைக்கப்பட்டுள்ளதாக பொலிஸார் தெரிவிக்கின்றனர். கொள்ளுபிட்டி முகந்திரம்...

இலங்கையின்  பல்வேறு துறைகளில் முதலீடு செய்வதற்கு தயார் – குடியரசுதின அறிக்கையில் இந்திய உயர்ஸ்தானிகர் தெரிவிப்பு

இலங்கையின்  பல்வேறு முக்கிய துறைகளில் முதலீடு செய்வதற்கு  இந்தியா தயாராகவுள்ளதாக இலங்கைக்கான அந்த நாட்டின் உயர்ஸ்தானிகர் கோபால் பாக்லே தெரிவித்துள்ளார், இந்தியாவின் 72 குடியரசுத் தினத்தை முன்னிட்டு வௌியிட்டுள்ள அறிக்கையிலேயே இந்த விடயம் தெரிவிக்கப்பட்டுள்ளது, அத்துடன்...

எரிபொருள் விலை அதிகரிப்புக்கான கோரிக்கை நிராகரிப்பு

எரிசக்தி மற்றும் பெற்றோலிய வளத்துறை அமைச்சரினால் எரிபொருள் விலையை அதிகரிக்குமாறு ஜனாதிபதி கோட்டாபய ராஜபக்ஸவிடம் விடுக்கப்பட்ட கோரிக்கை நிராகரிக்கப்பட்டுள்ளது, காணொளி வாயிலாக நேற்று இரவு நடத்தப்பட்ட அமைச்சரவைக் கூட்டத்தின் போதே இந்த கோரிக்கை விடுக்கப்பட்டதாக...

வானிலை குறித்து வளிமண்டளவியல் திணைக்களம் விடுத்துள்ள அறிவிப்பு

சப்பிரகமுவ மாகாணத்திலும் காலி மற்றும் மாத்தறை மாவட்டங்களின் சில இடங்களிலும் இன்று பிற்பகல் வேளையில் மழை அல்லது இடியுடன் கூடிய மழை பெய்யும் சாத்தியம் காணப்படுவதாக வளிமண்டளவியல் திணைக்களம் எதிர்வுகூறியுள்ளது. அத்துடன், குறித்த காலப்பகுதியில்...

Developed by: SEOGlitz