மெய்ப்பொருள் காண்பது அறிவு

ஊரடங்கு சட்டம் நீடிக்கப்படுவது குறித்த அறிவிப்பு – முழு விபரம் இங்கே..!

- Advertisement -

கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்களில் தற்போது அமுலில் ஊள்ள ஊரடங்கு சட்டம் மே மாதம் 4ஆம் திகதி அதிகாலை 5 மணி வரை நீடிக்கப்பட்டுள்ளது.

ஏனைய மாவட்டங்களில் தற்போது அமுல்படுத்தப்பட்டுள்ள ஊரடங்கு சட்டம், 27ஆம் திகதி, திங்கட்கிழமை அதிகாலை 5 மணிக்கு நீக்கப்பட்டு இரவு 8 மணிக்கு மீண்டும் அமுல்படுத்தப்பட உள்ளது.

- Advertisement -

இதன் பின்னர், குறித்த மாவட்டங்களில் மே மாதம் முதலாம் திகதி வரை இரவு 8 மணி முதல் அதிகாலை 5 மணிவரை மட்டுமே ஊரடங்கு அமுலில் இருக்கும்.

ஜனாதிபதி ஊடகப்பிரிவு இன்று வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

மேலும், கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்களில் ஊரடங்கு அமுல்படுத்தப்பட்டிருந்தாலும், அரச மற்றும் தனியார் துறையினரின் செயற்பாடுகளை மே மாதம் 4ஆம் திகதி ஆரம்பித்து செயற்படுத்தும் வகையில் உரிய சட்டங்கள் தளர்த்தப்பட்டுள்ளன.

திணைக்களங்கள், கூட்டுத்தாபனங்கள், சபைகள் உள்ளிட்ட அரச நிறுவனங்கள், தனியார் துறையினரின் தொழிற்சாலைகள், கட்டுமானத்துறை, சேவை நிலையங்கள், மரக்கறி, மீன் மற்றும் சில்லறை விற்பனை நிலையங்கள் ஆகியவற்றை நடத்திச் செல்ல அனுமதி வழங்கப்பட்டுள்ளது.

அத்துடன், தனியார் துறை நிறுவனங்களை திறக்கும் நேரமாக காலை 10 மணி நிர்ணயிக்கப்பட்டுள்ளது.

அரச மற்றும் தனியார் துறையினரின் நிறுவன பிரதானிகள், தமது நிறுவனங்களை மே 4ஆம் திகதி முதல் நடத்திச் செல்லும் முறை குறித்து அடுத்த வாரம் தீர்மானிக்க வேண்டும் என அறிவுறுத்தப்பட்டுள்ளது.

திணைக்களங்கள், கூட்டுத்தாபனங்கள், சபைகள் உள்ளிட்ட அரச நிறுவனங்கள் தமது ஊழியர்களில் மூன்றில் ஒரு பங்கு ஊழியர்களை மாத்திரமே சேவைக்கு அழைக்க முடியும்.

மேலும், தமது நிறுவனத்தை நடத்திச் செல்ல அவசியமான குறைந்த அளவான ஊழியர்களை மட்டுமே அழைக்க வேண்டியது நிறுவன பிரதானிகளின் கடடையாகும் எனவும் தெரிவிக்கப்பட்டுள்ளது.

அனைத்து அரச நிறுவனங்களிலும் சேவைக்கு சமூகமளிக்காத அதிகாரிகள் வீட்டில் இருந்து தமது கடமைகளை முன்னெடுக்க வேண்டும்.

மேலும், கொரோனா வைரஸ் பரவலைக் கட்டுப்படுத்தும் நோக்கில் பொதுமக்கள் வீதிகளில் அனாவசியமாக நடமாடுவதைத் தவிர்த்துக் கொள்ள வேண்டும் எனவும் அறிவுறுத்தப்பட்டுள்ளது.

இலங்கை போக்குவரத்து சபை பேருந்துகள் மற்றும் ரயில்கள் ஆகியவற்றில் பணிக்கு செல்வோர் மட்டுமே பயணிக்கும் வகையில் மட்டுப்படுத்தப்பட்டுள்ளது.

அத்துடன், சேவைகளுக்கு சமூகமளிக்க வேண்டிய அவசியம் காணப்படுபவர்கள் தவிர்ந்த ஏனையோர் வீடுகளிலேயே இருப்பது அவசியம் எனவும் அறிவுறுத்தப்பட்டுள்ளது.

உணவு மற்றும் மருந்துகள் போன்ற அத்தியாவசிய பொருட்கள் மற்றும் அவசியமான உணவுப் பொருட்கள் ஆகியவற்றை கொள்வனவு செய்ய மாத்திரமே மக்கள் வெளியில் செல்ல முடியும் என்பதுடன், அவ்வாறான தேவைகளுக்காக தமது பிரதேசத்தில் உள்ள நடந்து செல்லும் தூரத்தில் உள்ள விற்பனை நிலையங்களை மாத்திரமே தெரிவு செய்ய வேண்டும் எனவும் தெரிவிக்கப்பட்டுள்ளது.

அத்தியாவசிய பொருட்களை கொள்வனவு செய்ய வீட்டில் இருந்து வெளியில் செல்ல தேசிய அடையாள அட்டையின் இறுதி இலக்கத்தின் படி மாத்திரமே அனுமதி வழங்கப்படும்.

இதன்படி, 1 அல்லது 2 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் திங்கட்கிழமைகளில் அத்தியாவசிய பொருட் கொள்வனவில் ஈடுபட முடியும்.

அத்துடன், 3 அல்லது 4 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் செவ்வாய்கிழமைகளில் அத்தியாவசிய பொருட் கொள்வனவில் ஈடுபட முடியும்.

அத்துடன், 5 அல்லது 6 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் புதன்கிழமைகளில் அத்தியாவசிய பொருட் கொள்வனவில் ஈடுபட முடியும்.

அத்துடன், 7 அல்லது 8 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் வியாழக்கிழமைகளில் அத்தியாவசிய பொருட் கொள்வனவில் ஈடுபட முடியும்.

அத்துடன், 9 அல்லது 0 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் வெள்ளிக்கிழமைகளில் அத்தியாவசிய பொருட் கொள்வனவில் ஈடுபட முடியும் என ஜனாதிபதி ஊடகப்பிரிவு அறிவித்துள்ளமை குறிப்பிடத்தக்கது.

மேலும், அலுவலகங்களை திறந்து செயற்பாடுகளை முன்னெடுக்கும் போது, போக்குவரத்து சேவைகளை பயன்படுத்துவோர், விற்பனை நிலையங்கள் ஆகியோர் சுகாதார அறிவுறுத்தல்களை முழுமையாகக் கடைப்பிடிக்க வேண்டும்.

தொற்று நீக்கி பயன்படுத்துதல், முகக் கவசம் பயன்படுத்துதல், அடிக்கடி கைகளைக் கழுவுதல் மற்றும் சமூக இடைவெளியைப் பின்பற்றுதல் ஆகியவை இதில் உள்ளடங்கும்.

இந்த விதிமுறைகளை மீறுவோர் குறித்து பொலிஸ் மற்றும் பாதுகாப்புப் படையினரால் கடுமையான சோதனைகள் முன்னெடுக்கப்படும் என ஜனாதிபதி ஊடகப்பிரிவு அறிவித்துள்ளது.

பணிக்கு செல்வோர் உள்ளிட்ட  அத்தியாவசிய சேவைகளுக்கு மாத்திரமே, மாவட்டங்களுக்கு இடையிலான போக்குவரத்து, மட்டுப்படுத்தப்பட்டுள்ளது.

பாடசாலைகள், பல்கலைக்கழகங்கள், மேலதிக வகுப்புகள் உள்ளிட்ட ஏனைய கல்வி நிறுவனங்கள் மற்றும் திரையரங்குகள் ஆகியன மறு அறிவித்தல் வரை மூடப்பட்டிருக்கும்.

ஊரடங்கு சட்டம் தளர்த்தப்படும் பகுதிகளில் ஏதேனும் பிரதேசங்கள் அபாய வலயமாக அறிவிக்கப்பட்டிருக்குமானால், அந்த பகுதிகளில் முழு நாளும் ஊரடங்கு சட்டம் அமுல்படுத்தப்படலாம் என தெரிவிக்கப்பட்டுள்ளது.

அத்துடன், தனிமைப்படுத்தப்பட்ட பிரதேசங்களுக்குள் உள்நுழைதல் மற்றும் வெளிச் செல்லல் முழுமையாக தடை செய்யப்பட்டுள்ளது.

அனைத்து விதமான, களியாட்டங்கள், மத நிகழ்வுகள், சுற்றுலாக்கள், ஒன்றுகூடுதல், பெரஹெர, கூட்டங்கள் ஆகியன மறு அறிவித்தல் வரை தடை செய்யப்பட்டுள்ளன.

மக்கள் ஒன்று கூடுகின்றமை கொரோனாவைக் கட்டுப்படுத்தும் செயற்பாடுகளுக்கு இடையூறாக அமையும் என்பதால் மத ரீதியான நிகழ்வுகளை ரத்து செய்யுமாறு கோரிக்கை விடுக்கப்பட்டுள்ளது.

கொரோனா பரவல் ஆரம்பித்த சமயத்தில் இருந்து மக்களின் வாழ்க்கையை முன்னெடுத்து செல்லும் வகையில் அத்தியாவசிய பொருள் மற்றும் சேவை வழங்கல் நிகழ்வுகள் தொடர்ந்தும் முன்னெடுக்கப்படும்.

தொடர்புபட்ட செய்திகள்

Related News

நாடளாவிய ரீதியில் மக்கள் அஞ்சலி – சர்வமத வழிபாடுகள் முன்னெடுப்பு..!

உயிர்த்த ஞாயிறு தாக்குதல் இடம்பெற்று இன்றுடன் இரண்டு வருடங்கள் பூர்த்தியாகின்றன. 2019 ஆம் ஆண்டு ஏப்ரல் 21 ஆம் திகதி உயிர்த்த ஞாயிறு தின ஆராதனைகள் முன்னெடுக்கப்பட்டிருந்த போது, நாட்டின் பல்வேறு பகுதிகளிலும் அமைந்துள்ள...

உயிர்த்த ஞாயிறு குற்றவாளிகளுக்கு தராதரமின்றி சட்டம் நடைமுறைப்படுத்தப்படும் – நாமல்

உயிர்த்த ஞாயிறு தாக்குதலுடன் தொடர்புடைய குற்றவாளிகளுக்கு தராதரம் பாராது சட்டம் நடைமுறைப்படுத்தப்படும் என நாமல் ராஜபக்ஸ உறுதி கூறியுள்ளார். நாடாளுமன்றத்தில் இன்று உரையாற்றிய போதே அவர் இதனை தெரிவித்தார். நாட்டில் தற்போது உள்ள சட்டங்களுக்கு அமைவாக...

ஆண்டுகள் இரண்டு கடந்தும் நீதிக்காய் இரந்து நிற்கும் மக்கள்!

உயிர்த்த ஞாயிறு தாக்குதல் இடம்பெற்று இன்றுடன் இரண்டு வருடங்கள் பூர்த்தியாகின்றன. 2019 ஆம் ஆண்டு ஏப்ரல் 21 ஆம் திகதி உயிர்த்த ஞாயிறு தின ஆராதனைகள் முன்னெடுக்கப்பட்டிருந்த போது, நாட்டின் பல்வேறு பகுதிகளிலும் அமைந்துள்ள...

கொச்சிக்கடை புனித அந்தோனியார் தேவாலயத்தை அண்மித்த பகுதிகளில் இரண்டு தினங்களுக்கு விசேட போக்குவரத்து திட்டம் அமுல்

கொழும்பு கொச்சிக்கடை புனித அந்தோனியார் தேவாலயத்தில் இன்று மற்றும் நாளைய தினம் இடம்பெறவுள்ள விசேட வழிபாட்டு நிகழ்வினை முன்னிட்டு குறித்த பகுதியில் போக்குவரத்து மட்டுப்படுத்தப்படவுள்ளது. கொழும்பு கொச்சிக்கடை புனித அந்தோனியார் தேவாலயத்துக்கு அதிக அளவிலான...

உத்தேச மாகாண சபை தேர்தல் முறைமைகளில், மலையகத்திற்கு பாதிப்பு – பிரதமரிடம் செந்தில் விளக்கம்

மாகாண சபைத் தேர்தலை நடத்துவதற்கு யோசனை முன்வைக்கப்பட்டுள்ள இரு வழிமுறைகளுக்கும், மலையக பிரதிகளின் எண்ணிக்கை குறைவடையும் என்பதை தாம் பிரதமரின் கவனத்திற்கு கொண்டு சென்றதாக பெருந்தோட்டங்களுக்கான பிரதமரின் ஒருங்கிணைப்புச் செயலாளர் செந்தில் தொண்டமான் தெரிவித்துள்ளார் அனைத்துக்...

Developed by: SEOGlitz