மெய்ப்பொருள் காண்பது அறிவு

இன்று அடையாளம் காணப்பட்ட கொரோனா தொற்றாளர்கள் குறித்து வெளியான தகவல்..!

- Advertisement -

நாட்டில் இன்று மாத்திரம் 20 பேர் புதிதாக  கொரோனா தொற்றினால் பாதிக்கப்பட்டுள்ளதாக சுகாதார அமைச்சு தெரிவிக்கின்றது.

இதன்படி, நாட்டில் இதுவரை கொரோனா தொற்றினால் 440 பேர் பாதிக்கப்பட்டுள்ளதாக சுகாதார அமைச்சின் தொற்று நோய் தடுப்புப்பிரிவு தெரிவித்துள்ளது.

- Advertisement -

இந்த நிலையில், இன்றைய தினம் அடையாளங் காணப்பட்டவர்களில் கந்தகாடு தனிமைப்படுத்தல் நிலையத்தில் வைக்கப்பட்டிருந்த கொழும்பு பண்டாரநாயக்க பகுதியைச் சேர்ந்த ஏழு பேரும் உள்ளடங்குவதாக சுகாதார சேவைகள் பணிப்பாளர் நாயகம் விசேட வைத்திய நிபுணர் அனில் ஜாசிங்க தெரிவித்தார்.

மேலும், பண்டாரநாயக்க மாவத்தைப் பகுதியைச் சேர்ந்த 12 வயதுடைய மாணவர் ஒருவரும், வெலிசறை கடற்படை பகுதியைச் சேர்ந்த நான்கு பேரும் அடையாளங் காணப்பட்டுள்ள அதேவேளை, மற்றுமொரு கடற்படை வீரர் மொனராகலைப் பகுதியில் வைத்தும் அடையாளங் காணப்பட்டுள்ளனர்.

அத்துடன் மேலும் 7 பேர்கொரோனா தொற்றில் இருந்து இன்று குணமடைந்துள்ளதாகவும் தேசிய தொற்றுநோய் பிரிவு அறிவித்துள்ளது.

இந்த நிலையில், கொரோனாதொற்றுக்குள்ளாகி இதுவரை 116 பேர் குணமடைந்துள்ளதுடன்,

305  பேர் தொடர்ந்தும் சிகிச்சை பெற்று வருவதாக சுகாதாரஅமைச்சின் தொற்று நோய்பிரிவு சுட்டிக்காட்டியுள்ளது.

இதேவேளை, நாட்டில் ஒரேநாளில்அதிக கொரோனா தொற்றாளர்கள் அடையாளம் காணப்பட்ட தினமாக நேற்றைய தினம் பதிவாகிருந்தது.

நேற்றைய தினம் 30 கடற்படைவீரர்கள் உள்ளடங்களாக 52 பேர் மொத்தமாக அடையாளம் காணப்பட்டமை  சுட்டிக்காட்டத்தக்கது.  அத்துடன், கொரோனா தொற்றுகுறித்த சந்தேகத்தின் பேரில் 247 பேர் கண்காணிப்பில் வைக்கப்பட்டுள்ளமை குறிப்பிடத்தக்கது.

அத்துடன், தேசிய தொற்றுநோய் வைத்தியசாலையில் 103 பேரும், வெலிக்கந்த ஆதார வைத்தியசாலையில் 43 பேரும், கொழும்புகிழக்கு ஆதார வைத்தியசாலையில் 77 பேரும், இரணவில வைத்தியசாலையில் 19 பேரும், காத்தான்குடிஆதார வைத்தியசாலையில் 55 பேரும் கொரோனா தொற்று காரணமாக அனுமதிக்கப்பட்டுள்ளனர்.

இதேவேளை, கொழும்பு மற்றும்களுத்துறை மாவட்டத்திலேயே அதிக அளவிலானவர்கள் கொரோனா தொற்றுக்கு உள்ளாகியுள்ளதாக சுட்டிக்காட்டப்பட்டுள்ளது.

இதன்படி, கொழும்பு மாவட்டத்தில்142 பேரும், களுத்துறை மாவட்டத்தில் 59 பேரும் கொரோனா தொற்றுக்கு உள்ளாகியுள்ளனர். அத்துடன், புத்தளம் மாவட்டத்தில் 35 பேரும்,

கம்பஹா மாவட்டத்தில் 33 பேரும்,யாழ்ப்பாணம் மாவட்டத்தில் 16 பேரும், தனிமைப்படுத்தல் நிலையங்களில் இருந்த 38 பேரும்,வெலிசறை கடற்படை முகாமில் இருந்த 58 பேரும், கொரோனா தொற்றுக்கு உள்ளாகியுள்ளமை குறிப்பிடத்தக்கது.

தொடர்புபட்ட செய்திகள்

Related News

பயணக் கட்டுப்பாடுகளை விதிக்கும் கோரிக்கைக்கு ஜனாதிபதி விடுத்துள்ள அறிவிப்பு…!

நாட்டில் கொரோனா தொற்று பரவலை கட்டுப்படுத்தும் நோக்கில் பயணக் கட்டுப்பாடுகளை விதிக்குமாறு முன்வைக்கப்பட்ட கோரிக்கை ஜனாதிபதியினால் நிராகரிக்கப்பட்டுள்ளது. இராஜாங்க அமைச்சர்களான சுதர்ஷனி பெர்ணான்டோபுள்ளே மற்றும் சன்ன ஜயசுமன ஆகியோர் இந்த ஜனாதிபதியிடம் கோரிக்கையொன்றை முன்வைத்திருந்தனர். கடந்த...

சில மாகாணங்களில் பலத்த மழை – சற்று முன்னர் வெளியான அறிக்கை…!

கிழக்கு மற்றும் ஊவா மாகாணங்களிலும் ஹம்பாந்தோட்டை மாவட்டத்தின் சில இடங்களிலும் மழை அல்லது இடியுடன் கூடிய மழைபெய்யும் சாத்தியம் உள்ளதாக எதிர்வுக்கூறப்பட்டுள்ளது. வளிமண்டலவியல் திணைக்களம் இன்று விடுத்துள்ள அறிக்கை ஒன்றிலேயே இந்த விடயம் குறிப்பிடப்பட்டுள்ளது. மேலும்,...

சுற்றுலா இடங்கள் மறு அறிவித்தல் வரை மூடப்பட்டன…!

அனைத்து சுற்றுலா இடங்கள், பூங்காக்கள், முகாம்கள் மற்றும் சுற்றுலா விடுதிகளை மறுஅறிவித்தல் வரை மூடுவதற்கு நடவடிக்கை எடுக்கபட்டுள்ளது. கொரோனா தொற்று பரவலை அடிப்படையாக கொண்டே இந்த திர்மானம் மேற்கொள்ளப்பட்டுள்ளது.

வாழைச்சேனை பகுதியில் கோர விபத்து – பெண்ணொருவர் உள்ளிட்ட இருவர் உயிரிழப்பு..!

கொழும்பு - மட்டக்களப்பு பிரதான வீதியின் வாழைச்சேனை பகுதியில் இடம்பெற்ற வாகன விபத்தில் பெண்ணொருவர் உள்ளிட்ட இரண்டு பேர் உயிரிழந்துள்ளனர். இந்த விபத்து நேற்று இரவு இடம்பெற்றதாக பொலிஸார் தெரிவித்துள்ளனர். காரொன்று வேககட்டுப்பாட்டை இழந்து விபத்துக்குள்ளாகியுள்ளதாக...

பாடசாலைகளை மறுஅறிவித்தல் வரை மூடுவதற்கு தீர்மானம்..!

நாடளாவிய ரீதியில் உள்ள அனைத்து பாடசாலைகளையும் மறுஅறிவித்தல் வரை மூடுவதற்கு தீர்மானிக்கபட்டுள்ளதாக கல்வி அமைச்சர் ஜி.எல்.பீரிஸ் தெரிவித்துள்ளார். நாட்டில் கொரோனா தொற்று பரவல் அதிகரித்துள்ளதை கவனத்தில் கொண்டு, இன்றைய தினம் வரையில் பாடசாலைகளை மூடுவதற்கு...

Developed by: SEOGlitz