மெய்ப்பொருள் காண்பது அறிவு

நாடளாவிய ரீதியில் இன்று விசேட ஊரடங்கு சட்டம் அமுல்

- Advertisement -

நாடளாவிய ரீதியில் இன்று ஊரடங்கு சட்டம் அமுல்படுத்தப்பட்டுள்ளதாக ஜனாதிபதி ஊடகப்பிரிவு அறிவித்துள்ளது.

 

- Advertisement -

விடுமுறையில் சென்றுள்ள முப்படையினரை முகாம்களுக்கு மீண்டும் அழைத்துவருவதற்காக இன்று நாடு முழுவதும் ஊரடங்கு சட்டம் அமுல்படுத்தப்பட்டுள்ளது.

 

முன்னதாக, கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்கள் தவிர்ந்த ஏனைய 21 மாவட்டங்களிலும் இன்று காலை ஊரடங்கு தளர்த்தப்படும் என அறிவிக்கப்பட்டிருந்தது.

 

எனினும், விடுமுறையில் சென்றுள்ள முப்படையினரை முகாம்களுக்கு மீண்டும் அழைத்துவருவதற்காக அந்த ஊரடங்கு நடைமுறையில் மாற்றம் ஏற்படுத்தப்பட்டுள்ளது.

 

இதன்படி, இன்று நாடு முழுவதும் ஊரடங்கு அமுலில் இருக்கும் என தெரிவிக்கப்பட்டுள்ளது.

 

அத்துடன், கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்கள் தவிர்ந்த ஏனைய 21 மாவட்டங்களிலும் நாளை காலை 5 மணி முதல் இரவு 8 மணிவரை ஊரடங்கு தளர்த்தப்படும் என அறிவிக்கப்பட்டுள்ளது.

 

இதன் பின்னர், குறித்த மாவட்டங்களில் மே மாதம் முதலாம் திகதி வரை இரவு 8 மணி முதல் அதிகாலை 5 மணிவரை மட்டுமே ஊரடங்கு அமுலில் இருக்கும்.

 

ஜனாதிபதி ஊடகப்பிரிவு வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

 

மேலும், கொழும்பு, கம்பஹா, களுத்துறை மற்றும் புத்தளம் ஆகிய மாவட்டங்களில் ஊரடங்கு அமுல்படுத்தப்பட்டிருந்தாலும், அரச மற்றும் தனியார் துறையினரின் செயற்பாடுகளை மே மாதம் 4ஆம் திகதி ஆரம்பித்து செயற்படுத்தும் வகையில் உரிய சட்டங்கள் தளர்த்தப்பட்டுள்ளன.

 

திணைக்களங்கள், கூட்டுத்தாபனங்கள், சபைகள் உள்ளிட்ட அரச நிறுவனங்கள், தனியார் துறையினரின் தொழிற்சாலைகள், கட்டுமானத்துறை, சேவை நிலையங்கள், மரக்கறி, மீன் மற்றும் சில்லறை விற்பனை நிலையங்கள் ஆகியவற்றை நடத்திச் செல்ல அனுமதி வழங்கப்பட்டுள்ளது.

 

அத்துடன், தனியார் துறை நிறுவனங்களை திறக்கும் நேரமாக காலை 10 மணி நிர்ணயிக்கப்பட்டுள்ளதாக ஜனாதிபதி ஊடகப்பிரிவு சுட்டிக்காட்டியுள்ளது.

 

அரச மற்றும் தனியார் துறையினரின் நிறுவன பிரதானிகள், தமது நிறுவனங்களை மே 4ஆம் திகதி முதல் நடத்திச் செல்லும் முறை குறித்து இந்த வாரம் தீர்மானிக்க வேண்டும் என அறிவுறுத்தப்பட்டுள்ளது.

 

திணைக்களங்கள், கூட்டுத்தாபனங்கள், சபைகள் உள்ளிட்ட அரச நிறுவனங்கள் தமது ஊழியர்களில் மூன்றில் ஒரு பங்கு ஊழியர்களை மாத்திரமே சேவைக்கு அழைக்க முடியும்.

 

மேலும், தமது நிறுவனத்தை நடத்திச் செல்ல அவசியமான குறைந்த அளவான ஊழியர்களை மட்டுமே அழைக்க வேண்டியது நிறுவன பிரதானிகளின் கடடையாகும் எனவும் தெரிவிக்கப்பட்டுள்ளது.

 

அனைத்து அரச நிறுவனங்களிலும் சேவைக்கு சமூகமளிக்காத அதிகாரிகள் வீட்டில் இருந்து தமது கடமைகளை முன்னெடுக்க வேண்டும்.

 

மேலும், கொரோனா வைரஸ் பரவலைக் கட்டுப்படுத்தும் நோக்கில் பொதுமக்கள் வீதிகளில் அனாவசியமாக நடமாடுவதைத் தவிர்த்துக் கொள்ள வேண்டும் எனவும் அறிவுறுத்தப்பட்டுள்ளது.

 

இலங்கை போக்குவரத்து சபை பேருந்துகள் மற்றும் ரயில்கள் ஆகியவற்றில் பணிக்கு செல்வோர் மட்டுமே பயணிக்கும் வகையில் மட்டுப்படுத்தப்பட்டுள்ளது.

 

அத்துடன், சேவைகளுக்கு சமூகமளிக்க வேண்டிய அவசியம் காணப்படுபவர்கள் தவிர்ந்த ஏனையோர் வீடுகளிலேயே இருப்பது அவசியம் எனவும் அறிவுறுத்தப்பட்டுள்ளது.

 

உணவு மற்றும் மருந்துகள் போன்ற அத்தியாவசிய பொருட்கள் மற்றும் அவசியமான உணவுப் பொருட்கள் ஆகியவற்றை கொள்வனவு செய்ய மாத்திரமே மக்கள் வெளியில் செல்ல முடியும் என்பதுடன், அவ்வாறான தேவைகளுக்காக தமது பிரதேசத்தில் உள்ள நடந்து செல்லும் தூரத்தில் உள்ள விற்பனை நிலையங்களை மாத்திரமே தெரிவு செய்ய வேண்டும் எனவும் தெரிவிக்கப்பட்டுள்ளது.

 

அத்தியாவசிய பொருட்களை கொள்வனவு செய்ய வீட்டில் இருந்து வெளியில் செல்ல தேசிய அடையாள அட்டையின் இறுதி இலக்கத்தின் படி மாத்திரமே அனுமதி வழங்கப்படும்.

 

இதன்படி, 1 அல்லது 2 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் திங்கட்கிழமைகளில் அத்தியாவசிய பொருட் கொள்வனவில் ஈடுபட முடியும்.

 

அத்துடன், 3 அல்லது 4 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் செவ்வாய்கிழமைகளில் அத்தியாவசிய பொருட் கொள்வனவில் ஈடுபட முடியும்.

 

அத்துடன், 5 அல்லது 6 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் புதன்கிழமைகளில் அத்தியாவசிய பொருட் கொள்வனவில் ஈடுபட முடியும்.

 

அத்துடன், 7 அல்லது 8 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் வியாழக்கிழமைகளில் அத்தியாவசிய பொருட் கொள்வனவில் ஈடுபட முடியும்.

 

அத்துடன், 9 அல்லது 0 ஆகிய இலக்கங்களில், தேசிய அடையாள அட்டையின் இறுதி இலக்கத்தைக் கொண்டுள்ளவர்கள் வெள்ளிக்கிழமைகளில் அத்தியாவசிய பொருட் கொள்வனவில் ஈடுபட முடியும் என ஜனாதிபதி ஊடகப்பிரிவு அறிவித்துள்ளமை குறிப்பிடத்தக்கது.

தொடர்புபட்ட செய்திகள்

Related News

தேசிய பால் உற்பத்தியை அதிகரிக்க திட்டம்!

தேசிய பால் உற்பத்தியை 70 வீதம் வரை அதிகரிக்க திட்டமிட்டுள்ளதாக, அரசாங்கம் தெரிவித்துள்ளது. நாட்டின் மொத்த பால் தேவையில் 40 வீதம் உள்ளூர் பால் உற்பத்தியாளர்களின் மூலமும், மிகுதி 60 வீதம் இறக்குமதி செய்யப்படும்...

பொதுமக்கள் சந்திப்பு தினம் குறித்து விடுத்துள்ள கோரிக்கை!

பொதுமக்கள் சந்திப்பு தினத்தில் மக்கள் முகம்கொடுக்கும் சிக்கல்கள் குறித்து அறியத்தருமாறு கோரிக்கை விடுக்கப்பட்டுள்ளது. அரச சேவை, மாகாண சபைகள் மற்றும் உள்ளூராட்சி அமைச்சு இந்த கோரிக்கையை முன்வைத்துள்ளது. திங்கட்கிழமை பொதுமக்கள் சந்திப்பு தினமாக அரசாங்கத்தினால் பிரகடப்படுத்தப்பட்டுள்...

நாட்டில் சில பகுதிகளில் மழையுடனான வானிலை தொடரும்! எச்சரிக்கை!

நாட்டின் மேல், சப்ரகமுவ மற்றும் மத்திய மாகாணங்களிலும் காலி மற்றும் மாத்தறை ஆகிய மாவட்டங்களிலும் மழையுடனான வானிலை தொடருமென எதிர்வுக் கூறப்பட்டுள்ளது. வளிமண்டளவியல் திணைக்களம் விடுத்துள்ள அறிக்கையில் தெரிவிக்கப்பட்டுள்ளது. மேலும், கிழக்கு மற்றும் ஊவா மாகாணங்களில்...

அரசாங்கத்திற்கு எதிரான மக்களின் எதிர்ப்பு நாளாந்தம் அதிகரிப்பு: விஜித் விஜயமுனி கருத்து

குறுகிய காலத்துக்குள் ஜனாதிபதியொருவர் மக்களின் பாரிய அதிருப்திக்கு உள்ளான முதலாவது சந்தர்ப்பம் இதுவாகும் என முன்னாள் நாடாளுமன்ற உறுப்பினர் விஜித் விஜயமுனி சொய்சா தெரிவித்துள்ளார். மெதிரிகிரிய பகுதியில் இடம்பெற்ற நிகழ்வொன்றில் கலந்து கொண்டு உரையாற்றிய...

போதைப்பொருள் விற்பனையில் ஈடுபட்ட பெண் ஒருவர் கைது!

காலி நகரில் போதைப்பொருள் விற்பனையில் ஈடுபட்ட பெண் ஒருவர் பொலிஸாரால் கைது செய்யப்பட்டுள்ளார். குறித்த சந்தேகநபர் பாடசாலை மாணவர்களை இலக்குவைத்து போதைப்பொருள் விற்பனையில் ஈடுபட்டுள்ளதாக, பொலிஸார் கூறியுள்ளனர். இந்த நிலையில், குறித்த சந்தேகநபரிடம் இருந்து 5...

Developed by: SEOGlitz