மெய்ப்பொருள் காண்பது அறிவு

இராணுவ முகாம்களின் பாதுகாப்பை உறுதிப்படுத்துவதற்கு ஜனாதிபதி செயலணி

- Advertisement -

இராணுவ முகாம்களின் பாதுகாப்பை உறுதிப்படுத்தும் நோக்கில், ஜனாதிபதி செயலணியொன்று உருவாக்கப்பட்டுள்ளது.

மேல் மாகாண ஆளுனர் MARSHAL OF THE AIR FORCE ரொஷான் குணதிலக்க தலைமையில் இந்த செயலணி உருவாக்கப்பட்டுள்ளதாக ஜனாதிபதி ஊடகப் பிரிவு தெரிவிக்கின்றது.

- Advertisement -

முப்படையினரின் முகாம்களுக்குள் சுகாதாரப் பாதுகாப்பை உறுதிப்படுத்தும் நோக்கில், மேற்கொள்ளப்பட வேண்டிய விடயங்கள் குறித்து ஆராயும் விசேட சந்திப்பு ஜனாதிபதி கோட்டாபய ராஜபக்ஸ தலைமையில் இன்று இடம்பெற்றுள்ளது.

ஜனாதிபதி செயலகத்தில் இடம்பெற்ற இந்த சந்திப்பில், பாதுகாப்பு படைகளின் ஓய்வு பெற்ற  பிரதானிகள் மற்றும் விசேட வைத்திய நிபுணர்களும் கலந்து கொண்டுள்ளனர்.

இதனையடுத்தே, இராணுவ முகாம்களின் பாதுகாப்பை உறுதிப்படுத்தும் நோக்கில், இந்த செயலணி ஸ்தாபிக்கப்பட்டுள்ளது.

இதற்கமைய, பாதுகாப்புப் படை முகாம்களில் முழுமையான சுகாதாரப் பாதுகாப்பை உறுதிப்படுத்துவதற்காக, மேற்கொள்ளப்பட வேண்டிய திட்டங்களைக் கொண்டுவந்து, அவற்றை நடைமுறைப்படுத்தும் பொறுப்பு,  குறித்த ஜனாதிபதி செயலணிக்கு வழங்கப்பட்டுள்ளது.

மக்களைப் போன்று முப்படை வீரர்களையும் கொரோனா வைரஸின் தாக்கத்திலிருந்து பாதுகாக்க வேண்டும் என ஜனாதிபதி கோட்டாபய ராஜபக்ஸ இதன்போது குறிப்பிட்டுள்ளார்.

தொற்றினால் பாதிக்கப்பட்டவர்களுடன் நெருங்கிய வகையில் செயற்பட வேண்டிய நிர்ப்பந்தம் முப்படையினருக்கு உள்ள நிலையில், அவர்கள் குறித்து விசேட கவனஞ் செலுத்தப்பட வேண்டும் என  ஜனாதிபதி கோட்டாபய ராஜபக்ஸ அறிவுறுத்தியுள்ளார்.

தொடர்புபட்ட செய்திகள்

Related News

கழிவுகள் சேகரிப்பு வாரம்: மத்திய சுற்றுசூழல் அதிகாரசபை பிரகடனம்!

நாடளாவிய ரீதியில் இலத்திரணியல் உபகரண கழிவுகளை சேகரிப்பதற்கான வாரமொன்றை மத்திய சுற்றுசூழல் அதிகாரசபை பிரகடனப்படுத்தியுள்ளது. இதன்படி எதிர்வரும் 5 ஆம் திகதிமுதல் 10 ஆம் திகதிவரை இலத்திரணியல் உபகரண கழிவுகளை சேகரிப்பதற்கான வாரமாக அறிவிக்கப்பட்டுள்ளது. மேலும்,...

புதுப்பிக்கத்தக்க எரிசக்தி உற்பத்தியை மேம்படுத்த துமிந்த திஸாநாயக்க நடவடிக்கை!

நிலையானதும் புதுப்பிக்கத்தக்கதுமான எரிசக்தி உற்பத்திக்கான இலக்குகளை அடைய தேவையான கொள்கைகளை வகுப்பதே தமது முதன்மை இலக்காகும் என அரசாங்கம் தெரிவித்துள்ளது. சூரிய சக்தி, காற்று மற்றும் நீர் மின்னுற்பத்தி கருத்திட்ட இராஜாங்க அமைச்சர் துமிந்த...

20 ஆவது திருத்தம் குறித்த நீதிமன்ற தீர்ப்புக்கு தாம் தலைவணங்குவதாக அமைச்சர் கருத்து!

அரசியலமைப்பின் 20 ஆவது திருத்தம் குறித்த நீதிமன்ற தீர்ப்புக்கு தாம் தலைவணங்குவதாக அமைச்சர் காமினி லொக்குகே தெரிவித்துள்ளார். கொழும்பில் ஊடகங்களுக்கு கருத்து தெரிவிக்கும் போதே அவர் இதனைக் குறிப்பிட்டார். CAPITAL NEWS · 704577 20 ஆவது...

எழுத்து – வாய்மொழிப் பரீட்சைகளுக்கு பதிலாக மாற்று முறையை பின்பற்ற உள்ளூராட்சி அமைச்சு தீர்மானம்!

அரச கரும மொழிகளில் தேர்ச்சி பெறுவதற்காக எழுத்து மற்றும் வாய்மொழிப் பரீட்சைகளுக்கு பதிலாக மாற்று முறையை பின்பற்ற தீர்மானிக்கப்பட்டுள்ளது. இதற்காக குறிப்பிட்ட மணித்தியால அளவிலான பாடத்திட்டத்தை பூர்த்தி செய்யும் வாய்ப்பை வழங்க உத்தேசிக்கப்பட்டுள்ளது. அரச சேவைகள்,...

வெளிநாடுகளில் நிர்க்கதிக்குள்ளாகியிருந்த 339 பேர் இன்று நாட்டுக்கு வருகை!

சர்வதேச ரீதியில் ஏற்பட்டுள்ள கொரோனா தாக்கம் காரணமாக பல்வேறு நாடுகளில் நிர்க்கதிக்குள்ளாகியிருந்த 339 பேர் இன்று நாட்டுக்கு அழைத்துவரப்பட்டுள்ளனர். இவர்கள் அனைவரும் 3 விசேட விமானங்களின் ஊடாக நாட்டுக்கு அழைத்துவரப்பட்டுள்ளதாக, எமது விமான நிலைய...

Developed by: SEOGlitz